mánadagur 13. februar 2012síða 22

Mánadagur 13. februar 2012 · Nr. 19 22 Sosialurin Hugskot og viðmerkingar – send sms til 225000 Ítróttarblaðið Hilmar Jan Hansen Í dag eru tvær vikur, síðani Ingi Olsen flutti til Nuuk, har hann hev­ ur ein gerandisdag í grønlendsku deildini hjá BankNordik og annars bara skal fáa tíðina at ganga í frí­ tíðini, tí restin av familjuni kemur ikki yvir fyrr enn í summar, tá betur liggur fyri hjá børnunum at skifta skúla. Men tað tók ikki 43 ára gamla vest­menn­inginum langa tíð at finna seg til rættis, og longu nú er hann knýttur at øðrum av hond­ bólts­feløgunum í Nuuk, GSS. – Eg valdi hetta felagið, tí her eru bara grønlendingar, so tað helt eg vera eitt sindur meira áhugavert og spennandi. Í hinum felagnum spæla danskarar og kanska eitt sindur eldri grønlendingar, greiðir Ingi frá í telefonini úr Nuuk. – Sjálvt um stutt er fráliðið, so er støðan longu nú tann, at eg havi spælt ein dyst, eri sjálvur givin at spæla og eri nú venjari hjá GSS. Framm­an­undan vóru tað tveir av spælarunum, ið tóku sær av venj­ ingini, men tá vit høvdu tosað eitt sindur aftur og fram, bóðu teir meg standa fyri venjingini, so teir burturav kundu hugsa um at spæla. Sum nú er, spælir liðið hjá Inga eina býarkapping, sum fevnir um vinardystir ímóti hinum felagnum í býnum, sum eitur NÛK, men sjálv kappingin um grønlendska meistara­heitið verður í Ilulissat frá 16. til 22. apríl og fevnir um seks lið: Nagdlúnguaq úr Ilulissat, Norsaq HC úr Aasiaat, SAK úr Sisimiut, K-33 úr Qaqortoq og so tey bæði feløgini úr Nuuk, GSS og NÛK. Staðið á skíðum – Spælararnir í GSS eru fyri tað nógva rættiliga ungir spælarar, og teirra millum eru fleiri lands­liðs­ spælarar. Tá teir tosa millum sín, er alt á grønlendskum, men allir skilja og tosa danskt, so tað er eingin trupul­leiki hjá mær at samskifta væl og virðiliga við allar, sigur Ingi, ið letur væl at hópinum, hann hev­ ur at ráða yvir. – Eg vil siga tað soleiðis, at teir bestu í GSS eru rættiliga góðir, og um eg skal samanbera við føroysk viður­skifti, so vildi eg hildið, at einir tríggir ella fýra av teimum sum einki høvdu staðið seg væl í bestu mans­deildini heima í Føroyum. Sum sagt, eru bara tvær vikur lidnar, síðani Ingi kom yvir til Grøn­lands, men longu nú hevur hann merkt stóra, grønlendska blíð­skapin, og í allar mátar kennir hann seg øgiliga væl móttiknan: – Til stuttleika kann eg nevna, at fleiri av spælarunum í GSS hava bát, so teir hava longu nú tosað um at bjóða mær við á veiðiferð, tá tað aftur fer at viðra til tað. Akkurát nú er fjørðurin fullur av toski, so um eg vil, kann eg saktans fáa frítíðina at ganga. Eisini havi eg staðið eitt sindur á skíðum, so tað er bara heilt stuttligt at sleppa at royna eitt sindur og kanska læra okkurt nýtt, sigur Ingi Olsen. hilmarjan@sosialurin.fo Fyri tveimum vikum síðani setti Bjørk Herup Olsen við tíðini 9.59,91min nýtt føroyskt met á 3000m-teininum í kapping í Pennsylvania í Amerika, har hon nú býr. Hon gjørdist tá somu­ leiðis fyrsta føroyska kvinnan, ið rann hendan teinin upp á undir tíggju minuttir. Nú hevur Bjørk Herup Olsen aftur sett nýtt met. Hesa­ ferð á 5000m-teininum, tá ið hon um vikuskiftið í kapping í Ohio rann teinin við tíðini 17 minuttir og 12,75 sekund og harvið kutaði góð 28 sekund av gamla metinum, sum hon sjálv setti á Oyggjaleikunum á Isle of Wight í summar. Næsta kapping hjá Bjørk verður í statinum Alabama um tvær vikur. albinus@sosialurin.fo Tróndur Arge Arsenal-vongurin, Gervinho, brendi tað, ið vísti seg at verða avgerandi brotssparkið. Talan er um eina sensa­tión, at Zambia vinnur kapp­ ingina. Einki mál kom í vanligari leiktíð. Besta møguleikan hevði Chelsea- fram­herjin, Didier Drogba, tá dóm­ arin bríkslaði fyri brots­sparki til Fíla­beins­strond­ina. Didier Drogba rakti tó bóltin illa, sum fór langt uppum. Tí varð neyðugt at fara til brots­sparks­kapp­ing. Hóast brots­ sparkspletturin ikki gjørdi tað lætt hjá teimum, ið skuldu skjóta, so vóru tey flestu spørkini væl skotin. Millum annað valdi Didier Drogba at royna eina ferð afturat og skoraði. Tíggju tey fyrstu fóru í mál. Fimta skotið hjá Zambia skeyt mál­mað­ urin hjá teimum. Eins og teir undan honum, skoraði hann trygt. Manchester City-miðverjin, Kolo Touré, brendi 15. brotssparkið, men Zambia tók ikki av. Síðani brendi Grevinho 17. brotssparkið, og hesa­ ferð tók Zambia av og skoraði av­ gerandi brotssparkið, ið útnevnir teir til afrikanskar meistarar. Mali vann bronsuna eftir at teir vunnu dystin um triðja plássið 2-0 ímóti Ghana. trondur@sosialurin.fo Bjørk við enn einum meti Ingi longu venjari í Nuuk Hondbóltur Ingi Olsen er fallin væl til í grønlendska høvuðsstaðnum, Nuuk, har hann er farin upp í hondbóltin og longu nú er venjari hjá øðrum felagnum, GSS GJØRDI SKJÓTT AV Síðsta sunnudag spældi Ingi Olsen við GSS ímóti NÛK, men longu nú hevur hann tikið við sum venjari hjá GSS Mynd: Leiff Josefsen/Sermitsiaq Savnsmynd Zambia meistari í Afrika Fyrrverandi Brøndby-áleyparin, Chris Katongo, er liðskipari hjá Zambia. Her stendur hann við steypinum. Fótbóltur Zambia vann sunnukvøldið African Nations Cup eftir brots­sparks­kapping. Tað skuldu 18 brots­spørk til áðrenn vinnarin varð funnin