mánadagur 20. februar 2012síða 20

Mánadagur 20. februar 2012 · Nr. 22 20 Sosialurin Hugskot og viðmerkingar – send sms til 225000 Ítróttarblaðið Uni Holm Johannesen Hóast kollfirðingar hava lítið og einki at spæla fyri í løtuni, spælir KÍF við fullari megi hvørjaferð. Viljin at koppa mótstøðuliðunum tyk­ist framvegis vera stórur, sjálvt um tað ikki broytir teirra støðu sum greitt oddalið í bestu mansdeildini. Tað var annars júst í hesari støðuni, at Neistin tveitti nógv stig burtur í fjør. Av­rikini hjá KÍF eru umráðandi fyri liðini, sum kappast um at røkka hinum finaluplássinum. Tað kann fáa avgerandi týdning, tá enda­ liga stigatalvan verður gjørd upp. Higartil er tað bara VÍF, sum hevur vunnið á kollfirðingar í lands­kapp­ ingini í hesum kappingar­ár­inum. Tað eru tvey stig, sum vest­menn­ ingar hava, men sum eingin annar hevur. Allir dystir eru sjálvsagt umráðandi, og hvør vunnin dystur telur eins nógv. Tað hevur tó víst seg, at tað er torført at fáa stigini frá KÍF – og tað er líkt til, at tað eru óvanliga fá lið, sum fáa stig frá oddaliðnum í hesum kappingarárinum. Tað fingu hoyvíkingar eisini at sanna hesaferð. Uppreisn KÍF hevði annars nakað at hevna hesaferð. Tað var næstbesta liðið hjá H71, sum sendi teir út í myrkrið í steypakappingini, og kollfirðingar vildu fegnir hava uppreisn í gjár. Tað fingu teir eisini. Hoyvíkingar vóru stinnari fyrstu løtuna og var á odda. Ungu og stríðshugaðu hoyvíkingarnir vóru væl skipaðir í verjupartinum hes­ar minuttirnar, men so líðandi mistu gestirnir takið á dystinum, meðan kollfirðingar fóru upp í ferð og vunnu sær leiðsluna. Fýra mál skilti heimaliðið frá gestunum í hálvleikinum. Støðan var 16-12 til KÍF. Kollfirðingar vóru grammir og ræddust ikki at geva alt í nær­ dyst­unum. Tað sæst serliga væl í tølunum av útvísingum. Koll­firð­ ingar spældu heilar 12 minuttir í seinna hálvleiki við einum manni minni enn mótstøðuliðið, men tað dugdi H71 ikki nóg væl at gagnnýta. KÍF varðveitti leiðsluna eftir steðg­ in og vann 25-21. Tað eydnaðist sostatt ikki hoy­ víkingum at fáa stig burturúr hes­ ari vitjanini. Tað bilar einki, um koll­firð­ingar eisini vinna restina av dyst­unum, tekur heimasíðan hjá H71 samanum. – Sum niðurstøðu kunnu vit siga, at um KÍF vinnur allar sínar dystir, so bilar einki, um vit ikki fingu hasi tvey stigini, men um nú Neistin ella VÍF fáa stig burturúr móti KÍF, so er verri, skrivar h71.fo. Dystirnir hjá KÍF kunnu fáa avgerandi týdning, nú farið verður undir fjórða og sein­asta kappingarumfarið. uni@sosialurin.fo Uni Holm Johannesen Kappingin um annað finaluplássið er gróthart. Trý lið, VÍF, H71 og Neistin, renna mest sum undir liðini á hvør øðrum, og tað broytist neyvan í bræði. Í slíkari kapprenning kann vera vandamikið at traðka skeivt, tí tað kann knappliga broyta tína støðu. Við hesum í huganum er altíð eitt ávíst trýst á teimum liðunum, sum kappast um at røkka finalunum. Vestmenningar handfóru tó trýstið fyrimyndarliga, tá teir vitjaði í Badmintonhøllini í Klaksvík fríggja­kvøldið. Klaksvíkingar hava verið stinnir á heimavølli í hes­ um kappingarárinum. Hesa ferð hilnaðist ikki serliga væl hjá Team Klaksvík. Avrikið, teir løgdu fyri dagin, var als ikki á hædd við stríðs­ hugaðu gestirnar. VÍF vann tískil greitt við seks málum. Úrslitið var 35-29. Á odda beinanveg VÍF fór framum alt fyri eitt, og heimaliðið hótti ongantíð leiðsluna. Munurin var aldrin minni enn trý mál. Gestirnir høvdu allatíð ferð á bólt­inum, og klaksvíkingar dugdu ikki at verja fyri hugflogsríka álops­spælinum hjá VÍF. Stríðshugin hjá Team Klaksvík hesaferð var heldur ikki, sum hann hevur verið í øðrum dystum hetta kapp­ingar­ árið. Tað hevur annars verið eitt av sereyðkennunum hjá klaks­ víkingum, sum hevur verið ein fyri­ munur í nógvum dystum. Tað var serliga eftir hvíldina, at vestmenningar avgjørdu dystin, og so var spurningurin bara, hvussu stórur sigurin fór at vera. VÍF fær tískil tvey stig afturat í skjáttuna og heldur fast um annað plássið á stigatalvuni. Komandi vikuskiftið verður oddabrak í Vestmanna, tá oddaliðið úr Kollafirði, KÍF, vitjar vest­menningar. uni@sosialurin.fo Eingin slingur í valsinum HONDBÓLTUR VÍF vann greitt og uppiborið í Klaksvík fríggjakvøldið. Vestmenningar fingu sostatt tvey stig afturat í skjáttuna, sum eru sera týdningarmikil í stríðnum um finalupláss KÍF spælir framvegis við fullari megi, hóast sína støðu sum greitt oddalið. Tað eydnaðist heldur ikki hoyvíkingum at fáa stig frá teimum Mynd: Álvur Haraldsen Kollfirðingar vinna hvørjaferð HONDBÓLTUR Hóast KÍF spældi heilar 12 minuttir av seinna hálvleiki við einum manni minni, fekk H71 ikki takið á oddaliðnum. Kollfirðingarnir stríddust alt, teir vóru mentir, og tað rakk til enn ein sigur