mikudagur 22. februar 2012síða 11

11 Mikudagur 22. februar 2012 · Nr. 23 Sosialurin Hugskot og viðmerkingar – send sms til 225000 Tey seks uppskotini Her verður stutt greitt frá teimum tilburðunum, sum komu inn til Reyða Kross. Uppskot 1: Tíðliga um morgunin tann 12. desember í 2011 koyrdi Snorri Brend framvið einum manni, ið gekk mitt á Løgmannabreyt. Snorri valdi at steðga, av tí at hann var eitt sindur stúrin um hendan mannin. Tað vísti seg at maðurin var ógvuliga illa fyri. Hann var kaldur og vátur, bert ílatin í t-shirt, joggingbuksur og skógvar, henda frostbitna morgun. Snorri fekk mannin inni bilin, fyri at fáa hita í hann. Tá víst tað seg, at maðurin var so forvirraður at hann ikki visti hvar hann búði. Snorri gav sær góða stundir, snakkaði við mannin, og fann at enda út av hvar hann búði, og hjálpti honum soleiðis at koma heim. Uppskot 2: Mánadagin tann 30. mai 2011 kom Jón Marni Johannesen, so illa fyri at ein oljulampa brast beint upp í andliti á honum. Hann fekk sjálvur køvt eldin og ringt eftir einum sjúkrabili. Nábúgvin Sunrid Lamhauge, hevði sæð at okkurt var áfatt hjá Jón Marna og skundaði sær at hjálpa til. Meðan bíðað var eftir sjúkrabilinum, veitti hon Jón Marna fyrstuhjálp og maður hennara Haldur, sløkti eldin sum hevði fest seg í húsini. Sunrid ansaði væl eftir sárinum, og hetta viðførdi at Jón Marni ikki fekk 3. grads forbrenningar. Og hon ansaði eftir at Jón Marni ikki fór í sjokk. Tað er einki at ivast í, at hevði Sunrid ikki verið so skjót at hjálpa var skaðin av eldinum verið størri, bæði menniskjaliga og materielt. Uppskot 3: Ein vanliga arbeiðsdag á heysti 2011, hjálpti Christoffur Dam einum øðrum menniskja. Hesin persónurin var illa fyri, og hevði avgjørt at leypa á sjógv. Christoffur prátaði leingi við viðkomandi, og helt eisini persóninum aftur, soleiðis at tað ikki skuldi eydnast at leypa. Christoffur var áhaldandi, bleiv við at práta og halda í viðkomandi, líka til sjúkrabilurin var komin á staðið. Tástani tá tordi Christoffur at sleppa persóninum, og lata ábyrgdina frá sær. Við tolni og mannatokka eydnaðist tað Christoffur at hjálpa hendan dagin. Uppskot 4: Ein dagin í september 2011 var Hálvdan Gudmundsen (yngri), farin út at koyra eitt ørindi. Knappliga kemur ein kona rennandi út á vegin og steðgar honum. Maður hennar Jens Christian Kjærbæk var fallin um av hjartatilburði. Hálvdan skundar sær út úr bilinum at hjálpa. Samstundis kom Anna Maria Kjærbæk á staðið. Saman byrja tey at geva manninum 1. hjálp. Hálvdan gav hjartamassagu, meðan Anna Maria gav munn til munn. Tey hildu á fram, til sjúkrabilurin var komin á staði. Av tí at tey vóru so skjót at hjálpa og bæði dugdu 1. hjálp, kundu tey geva tað umráðandi fyrstu hjálpina, soleiðis at Jens Christian kundi koma fyri seg aftur. Uppskot 5: Á Ovastevnu 2011 var Jann Dávur úti og gekk, saman við tveimum vinfólkum. Tey bóru eyga við eina gentu sum stóð niðri í fjøruni á einum brúgvarskapilsi. Tey royndu at koma í prát við hana, men hon svaraði bara aftur, at hon ætlar at loypa á sjógv. Tey gingu spakuliga nærri, meðan tey royndu, at snakka gentuna til sín. Hon gjørdi, tíanverri tað sum hon hevur sagt, loypur á sjógv og sigur at hon orka ikki meira og ætlar svimja burtur frá øllum. Jann Dávur gjørdi skjótt av, lat seg úr jakkanum og leyp eftir gentuni. Hann bjargaði hana á land og helt í henni, til samarittarnir komu á staði. Uppskot 6: Manningin á veitingarskipinum Eldborg (sí aðrastaðni á síðuni) HUGSAN - Mítt navn kundi eins væl verðið upplisið við Minningarhald teirra sjólætnu, sigur Eyðun Andreasen úr Leirvík (aftast á myndini). Fremst á myndini Jan Eidesgaard, sum tók ímóti heiðrinum fyri manningina á Eldborg 21. august fekk nú 48 ára gamli Eyðun Andreasen úr Leirvík tvær ferðir hjarta­ steðg umborð á veit­ing­ar­ skipi­num Eld­borg, meðan teir vóru í Norð­sjón­um. Hjarta­startari var umborð, og teir fingu hjartað í gongd aft­ur. Sjálvur sigur Eyðun, at tað eru fleiri samanfallandi und­ur, at hann er á lívi, og at hann er so væl fyri í dag. – Eg hugsaði um tað alla­ halgunadag, tá ið vit hoyrdu nøvnini lisin upp á teimum, sum farnir vóru á sjónum síðsta árið. Mítt navn kundi eisini verið nevnt har. Tað er eitt undur, at eg eri á lívi í dag, og at eg eri so væl fyri, hevur Eyðun áður sagt í sam­ røðu við Trúboðan. - Eitt undur, at eg eri á lívi Tiltakið hevur til endamáls at varpa ljós á tær hetjurnar, sum eru í millum okkum EIGA LÍVIÐ - Tað er einki at ivast í, at øll tey ymisku uppskotini, ið eru innkomin eru øll uppá hvør sín máta megnar avrik, og eiga øll hesi fólkini lívi í teimum, tey hava bjargað, sigur Hjalti í Jákupsstovu, formaður í Reyða Krossi, sum her handar heiðurin til Jan Eidesgaard frá veitingarskipinum Eldborg