fríggjadagur 24. februar 2012síða 40

nr. 24 · 24. februar 2012 8 VIKUSKIFTI Steve Jobs Inna Törnroos inna@sosialurin.fo Steve Jobs var borin í heim í San Francisco í 1955. Foreldrini vóru ógift, og mamman fekk meir ella minni ordrar frá ríka pápa sínum um, at barnið skuldi ættleiðast. Hon gekk við uppá hetta við teirri treyt, at barnið skuldi koma í eina familju, har tey vóru væl lærd. Soleiðis bleiv tað ikki, men mamman fekk lyftið um, at barnið skuldi fáa møguleika at ganga á college. Tey, ið tóku sær av Steve, vóru Paul og Clara Jobs. Paul fekst við bilar, og Clara var bókhaldari. Steve vísti seg skjótt verða eitt óvan­ liga gløgt barn, og hann fekk tilboð um at flyta fleiri flokkar upp í skúlanum. Foreldrini vóru tó varin og lótu hann ikki flyta meir enn ein flokk í senn. Áhugin fyri tí tekniska hevði hann, líka síðani hann var barn, og tá hann kom í samband við líkasinnaði, funnu tey upp á bæði skálkabrøgd og nýggja tøkni. Byrjaði í garasjuni Í 1975 grundaðu teir báðir vinirnir Steve Wosniak og Steve Jobs fyritøkuna, sum teir doyptu Apple. Í byrjanini hildu teir til í garasjuni hjá foreldrunum hjá Jobs, men fyritøkan vaks skjótt, og við tí fyrstu Macintosh telduni var Apple ein rættiligur spælari at rokna við. Kappingarneytarnir tá vóru IBM og Intel. Fyrsta Macintosh teldan seldi nógv, men í 1985 varð Steve Jobs noyddur at gevast á Apple. Hann var øguliga ill­ sintur og ikki egnaður at verða stjóri. Nakað annað vildi hann ikki verða, og tí gavst hann heldur. Í bókini »Steve Jobs – en biografi om manden bag Apple« verður hansara illsinni nógv lýst. Til dømis var tað vanligt, tá onkur av starvsfólkunum á Apple vístu Jobs okkurt, tey høvdu gjørt, so svaraði hann, at tað var vánaligt, og at tey dugdu betri enn hatta. Í oktober í fjør andaðist Steve Jobs – ein maður, sum hevur ávirkað tey flestu av okkum, meira enn vit vita. Hann er skaparin av Macintosh, Ipad, Iphone og Ipod, og líka síðani hann grundaði Apple í 1975, hevur hann stríðst fyri at framleiða brúkaravinarligar teldur, ið eru vakrar á at líta. Søgan um Steve Jobs er ikki bara um teldur og telefonir. Søgan snýr seg eisini um ættleiðing, og ein mann, sum varð elskaður av brúkarunum, men hataður av teimum, sum sótu rundan um samráðingarborðið við honum maðurin sum broytti heimin Steve Jobs grundadi fyritøkuna Apple í 1975