mánadagur 5. mars 2012síða 15

15 Mánadagur 5. mars 2012 · Nr. 28 Sosialurin Hugskot og viðmerkingar – send sms til 225000 Ítróttarblaðið sunset deildin Pætur Albinus Tað var stúgvandi fult í ítróttar­høllini í Vági sunnu­ dagin, tá ið liðini bæði, sum deildu 2. plássið, brustu saman. Sum altíð varð VB-liðið stuðlað við omanfyri 100 áskoðarum, men Stjørnan hevði eisini gjørt nógv burturúr við eitt nú bussferð til dystin, og mundi talið á áskoðarunum úr Klaks­ vík liggja um tey 40. VB royndi at arga Hóast VB royndi at leypa varg í spælið hjá Stjørnuni við at mansverja stórskjúttan, Simonu Petersen, so funnu tær úr Klaksvík aðrar loysnir og løgdu skjótt VB aftur um seg. Serliga var tað verjan hjá Stjørnuni, sum góðum takk­ ling­um helt VB í stuttum tjóðri, og góvu sær sjálvum møgu­ leikan at leggja seg greitt á odda. Hálvleiksstøðan var 12-9 til Stjørnuna. Stjørnan helt fast Hóast VB eisini royndi seg við at mansverja stóru og sterku Corinu Demeterca, so munaði tað lítið. Stjørnan skeyt fyrstu fýra málini í seinna hálvleiki, og á odda 16-9 tá ið 20 minuttir resaðu í, høvdu tær at kalla avgjørt dystin. Tær vóru sum heild nógv avgjørdari framman­fyri málinum enn VB. VB megnaði ongantíð at fáa veruligt samband við Stjørn­ una, og at enda gjørdist tað ov strævið hjá teimum at renna aftaná. Stjørnan vann dystin uppiborið 22-17 og liggja tær nú tvey stig frammanfyri VB í stríðnum um at røkka FM- finaluni umvegis 2. plássið. albinus@sosialurin.fo Pætur Albinus Seinast alt-vinnandi Neistin og einki-vinnandi Tjaldur hittust, vann Neistin einki minni enn 43-7. Søgan var tó ein heilt onnur hesaferð, nú liðini møttust í ítróttarhøllini við Løkin í Runavík. Gaman í var Neistin á odda 16-9 í hálvleikinum, men í seinna hálvleiki stóð verjan hjá Tjaldur sum ein grótgarður og loyvdi Neistanum bara átta mál, somuleiðis sum tær fóru at vera sera úrslitagóðar í málroyndum sínum. Alt hetta førdi við sær, at Tjaldur koppaði dystinum og við teprum 25-24-sigri hevur vunnið fyrsta sigurin í ár. At tað skuldi vera ímóti oddaliðnum Neistanum var sera óvæntað, og var hetta bara annar dysturin tær úr høvuðsstaðnum tapa í ár. Eingin ivi hjá Kyndli Kvinnurnar hjá Kyndli spæla betur og betur og um vikuskiftið mátti eitt haltandi VÍF-lið gjalda fyri tað. Við dystarbyrjan í høllini á Hálsi leygardagin var tað serliga verjan hjá Kyndli, sum riggaði væl og breyt spælið niður hjá VÍF, og høvdu tær verið avgjørdari í málroyndum sínum, hevði Kyndil óivað verið á odda við nógvum málum í hálvleikinum. Tær vóru nevniliga á odda 14-11 í hálvleikinum. Í seinna hálvleiki kom verulig gongd í málskjótingina hjá Kyndli og skutu tær ikki færri enn 21 mál í 35-26-stórsigrinum. Turið Arge Samuelsen og Ásleyg Súnadóttir skutu heili átta mál hvør. Kyndil hevur nú otað seg væl úr botninum, men eftirsum oddaliðini eru strokin avstað, er Kyndil nú í einari støðu, sum minnir um onga­ mannaland. Hjá VÍF peikar pílurin beint niður­eftir og hava tær bara vunn­ ið sær eitt stig í seinastu seks dyst­ unum. albinus@sosialurin.fo Stjørnan ávegis í finaluna Hondbóltur Stjørnan eigur nú einsamalt FM-finalugevandi 2. plássið í kappingini. Hetta gjørdist greitt, eftir at tær vunnu 22-17 á VB í Vági sunnudagin Sunset Deildin kvinnur nr. Lið Dystir Vunnin mál Tapt mál Munur Stig 1 Neistin 19 608 438 170 3 2 Stjørnan 19 498 434 64 28 3 VB 19 482 437 45 26 4 Kyndil 19 501 480 21 17 5 VÍF 19 465 508 -43 13 6 StÍF 18 416 465 -49 10 7 Tjaldur 19 412 620 -208 4 Tjaldur vann á oddaliðnum Hondbóltur Genturnar úr Runavík fingu sín fyrsta sigur í ár, tá ið tær óvæntað vunnu 25-24 á oddaliðnum, meðan Kyndil við 35-26-stórsigri á VÍF bara dregur úr botninum Mynd: Álvur Haraldsen Savnsmynd: Álvur Haraldsen