mánadagur 5. mars 2012síða 19

19 Mánadagur 5. mars 2012 · Nr. 28 Sosialurin Hugskot og viðmerkingar – send sms til 225000 Ítróttarblaðið Svimjingin takkar fyri seg Svimjing – Tvær aðrar kappingar eru eisini í juli mánaði, og hartil kemur so, at tað er ov dýrt hjá okkum at senda nógvar svimjarar til Oyggjaleikirnar á Bermuda, sigur formaðurin í Svimjisambandinum, Jon Hestoy Hilmar Jan Hansen Tá Føroyar í Álandi í 2009 vunnu leikirnar við 34 gullmerkjum, 23 silvur­merkjum og 24 bronsu­ merkjum, gekk svimjingin undan við 43 heiðursmerkjum, harav 21 vóru gullmerki, og hóast úrslitið saman­lagt á Isle of Wight í fjør ikki var tað allarbesta, áttu svimjararnir 15 av teimum 20 gullmerkjunum, Føroyar vunnu. Soleiðis hevur tað verið so ofta, at tað hava verið svimjararnir, ið hava verið stoltleikin og álitið, og sjálvt tá tað gongur illa, plaga svimjar­ar­nir at skara framúr. Men soleiðis verður ikki meira, tí tá Oyggja­leikir verða á Bermuda á sumri í 2013, verður tað uttan før­ oyskar svimjarar. – Tað eru tvær høvuðsorsøkir til, at vit hava tikið hesa avgerðina. Fyrst og fremst er tað stóri kostn­ að­urin, tí vit meta ikki, at stóra út­ reiðslan stendur mát við ítróttarligu av­bjóðingina, og harnæst er tað so­ leiðis, at tvær stórar kappingar, EJM og HM, altíð eru í juli, so tí passa Oyggjaleikirnir ikki inn í skránna hjá okkum, sigur Jon Hestoy, for­ maður í Svimjisambandinum. Hann hevur ikki nakað neyvt krónutal fyri, hvat tað kostar at senda ítróttarfólk til Bermuda, men hevur tó sæð nakrar prís­út­ meldingar, sum vísa, at tað verður ov dýrt. – Í mun til onkrar av bretsku oyggjunum, sær tað heilt hampuligt út, men skal ferðast við flogfari og búgvast á hotelli, eru vit skeivu megin 15.000 krónur, so við øðrum útreiðslum fer tað skjótt upp um 20.000 krónur, sigur formaðurin í Svimjisambandinum. – Senda vit helvtina av liðnum avstað til Bermuda, fer tað at kosta okkum í minsta lagi tað sama, sum tað gjørdi á Isle of Wight í fjør, og tað er ov dýrt. Jon Hestoy ásannar, at eingin ivi er um, at Oyggjaleikir eru nakað serligt, eisini fyri svimjarar, tí tað er einasta kapping, har vit fara avstað sum ein tjóð og eru við í fleiri ítróttargreinum. Harumframt eru leik­irnir eisini nakað stórt fyri nógvar av svimjarunum, og tá Svimji­sambandið nú meldar frá, gongur tað serliga út yvir teir svimj­ arar, sum mangla tað síðsta fyri at koma upp á toppin. Landið letur einki – Fólk úti í feløgunum skilja av­ gerðina, tí sum eitt lítið sersamband kunnu vit bara fara á Oyggjaleikir, um vit kunnu verja tað sum eitt reint ítróttarligt endamál. Men vit vita longu nú, at vit fara ikki at hava teir bestu svimjararnir við til Bermuda óansæð, tí teir eru tá við í øðrum kappingum, sigur Jon Hestoy. – Onkur vil kanska siga, at ikki er neyðugt at búgva á hotelli, men tað kunnu vit ikki brúka til nakað. At fara avstað við okkara bestu svimj­ arum, fyri síðani at biðja teir levera sítt besta í fýra dagar og annars sova á madrassum í skúlastovum, passar ikki ordiliga við tað, vit kunnu rópa størstu avbjóðingina hjá føroyskum ítrótti. Formaðurin í Svimji­sam­band­ inum hevur ikki tær stóru vónirnar um, at tað almenna fer at stuðla føroyska hópinum til Bermuda, tí tað vísir seg ferð eftir ferð, at tann veruligi stuðulin als ikki er har, tá avtornar. – Tey, sum eru ráðandi í hesum landinum, eru í fremstu røð, tá Merkið verður vundið í húnar hátt og vit syngja tjóðsangin, men trupul­leikin er altso tann rokn­ ingin, ið skal gjaldast. Vit hava síðani 2007 vunnið 51 gull-, 29 silvur- og 23 bronsumerki, og hava verið so góðtrúgvin, at hesi úrslit fóru at gera, at nøgdin av stuðli frá tí al­menna fór at vaksa, men gloym tað, sigur Jon Hestoy. – Landið hevur ikki økt stuðulin til Ítróttasamband Føroya nakað sum helst í mong harrans ár, og einki er hent á tí bógnum, síðani ítróttar­veddingin kom í gongd. Skulu Føroyar vera við, so er altso neyðugt hjá tí almenna at koma upp úr lummanum við nøkrum peng­um, tí hetta kostar hvørja ein­ astu ferð. hilmarjan@sosialurin.fo LIÐUG VIÐ LEIKUNUM – Stóra útreiðslan stendur ikki mát við ítróttarligu avbjóðingina, og tá tvær stórar kappingar, EJM og HM, altíð eru í juli, passa Oyggjaleikirnir ikki inn í skránna hjá okkum, sigur Jon Hestoy, formaður í Svimjisambandinum Mynd: Álvur Haraldsen Líka síðani allarfyrstu leikir­ nir vóru á Isle of Man á sumri í 1985, hava føroyskir svimj­arar verið við, og við ár­unum er svimjingin blivin tann ítróttagreinin, ið hevur vunnið Føroyum nógv flest heiðursmerki – ikki minst gull. Men alt bendir nú á, at svimjingin sum oyggja­leika­ ítróttargrein fer í søguna fyri okkara við­kom­andi og takkar fyri seg, eftir at hava lagt sína glæmu yvir góð føroysk úrslit í tilsamans fjúrtan oyggja­ leikum. Við frá byrjan