mikudagur 7. mars 2012síða 15

15 Mikudagur 7. mars 2012 · Nr. 29 Sosialurin Hugskot og viðmerkingar – send sms til 225000 Inger Smærup Sørensen Innar í háloftað rúm, framvið nakn­um mannakroppum, stól­um, gólvum og kendum and­lit­um, út í stór landsløg yvir tekjur, gjøgnum sprung­ur, á himni og í havið. Ljósið er altíð til staðar í málningunum hjá Torbirni Olsen, og spæl­ir al­ráð­andi leiklutin í fram­sýn­ing­ini av verkum hjá list­a­mann­ inum, sum letur upp í List­a­ glugg­anum hósdagin 8.mars klokkan 16. Tað er eins og alt byrjar og end­ar við ljósi í listini hjá Tor­birni Olsen. Ljósið er snún­ings­dep­il­in og alt annað er bara til gjøgn­um ljós­ið. Form­ar verða skaptir av ljósi. Litir verða skaptir av ljósi. Lív skap­ast av ljósið. Tí ljósið er ikki nak­að passivt, sum fellur inn í mynd­ina og spjaðist út yvir mynd­evnið. Ljósið er aktivt tað byggir upp og brýt­ur niður, velur til og frá. Skapar, umskapar og broytir. Torbjørn Olsen fær hervið gjørt nak­að so óítøkiligt sum ljós til kon­kretan, berandi part av mynd­u­num. Ikki sum ein dem­on­str­a­ti­ón av ljós­ins eg­in­leik­um, ella ein lýs­ing av, hvussu ljósið á­virk­ar okk­ara um­hvørv­ið. Men meira sum ein miðl­ an av ljósins óendaligu megi og við­ur­kenning av, at alt hev­ur sín uppruna í ljósi og kanska er talan eisini um ein ljós­fagnað í myndunum. Tí Tor­bjørn Olsen málar ikki bara ljós, hann málar við ljósi. Ljósið er grundleggjandi part­ur av sjálvum lyndinum í hans­ara verkum, sum ikki kann skiljast sundur frá nøkr­um øðrum í hansara list. Hvørki frá litinum, linjuni og for­minum, frá málingini, pensl­i­num og løriftinum ella frá myndevninum, í­blástr­ i­num, ondini. Alt er ljós. So­statt skiftir ljósið eisini alla tíð­ina. Eina løtu er ljós­ ið lik­amliga nærverandi og næst­an evn­is­ligt, løtu seinni verður ljósið dem­a­ter­i­al­i­ s­er­að og flytir seg burt­ur í annan heim, sum er utt­an fyri okkara vit og skil. Listamaðurin fylgir ljós­ skift­um og rørslum og gevur eina sterkt sansaða mynd av ljósi við skørpum og bleytum skift­um av diffusum, blakt­r­ andi ljósi, heitum og bleytum ljósi, reflekteraðum ljósi, kám­um og sterkum ljósi. Hann gevur heiminum form við ljósi og skapar listina sum ljós. Hann letur okkum upp­ daga ljósið av nýggjum. Við hesum viðmæli eg fram­sýn­ing­ina við verk­um hjá Torbirni Olsen í List­a­ glugg­anum. Eru tveir lutir, okk­um tørvar í hesum døg­ um, so eru tað list og ljós. Her er høvið. Maðurin sum málar við ljósi Andlát Hans Hansen búsitandi í Sandavági andaðist í noreg tann 3. mars, 90 ára gamal. Jarðarferðin verður úr Sandavágs kirkju leygardagin kl. 13. Børnini tey ið vilja minnast Hans kunnu geva meinigheitshúsinum eina gávu. Fakta um framsýningina: Framsýningin letur upp hósdagin klokkan 16 Við á framsýningini eru 19 málningar. Framsýningin er at síggja frá hósdegnum og næstu 14 dagarnar. Listagluggin, Dr. Jakobsensgøta 15, Tórshavn  Týs-frí.: 15:00 – 17:30, Ley.: 11:00 – 14:00 Tel 510022, teldupostur: listagluggin@hotmail.fo listaframsýning Framsýningin hjá Tórbjørn Olsen sýnir fram í Listaglugganum