mikudagur 7. mars 2012síða 17

17 Mikudagur 7. mars 2012 · Nr. 29 Sosialurin Hugskot og viðmerkingar – send sms til 225000 Tíðargreinin Føroya Banka toskurin – aftur í ár ! F yrsta royndin í mars mán­ að í fjør við toski av Føroya Banka eydnaðist sum kunn­ugt sera væl. Toskurin, sum Magnus Heinason fekk á bank­ an­um, fekk nógva umrøðu og tey, sum ótu á Áarstovu, fingu eina stóra gastronomiska uppliving. Tað verður onkuntíð sagt, at føroy­ ingar eta ikki fisk, tá farið verður út at eta. Men her var Áarstova so fullsett trý kvøld í rað og fingu gestirnar at sanna, hvussu sera vælsmakkandi hesin toskurin er. Í fjør var so heppið, at føroyskir saltfiskaframleiðarar um somu tíð høvdu vitjan av keyparum úr Spaniu og høvdu teir eitt TV hold við sær. Spaniólarnir vóru sera hug­ tiknir av toskinum og mær er sagt, at filmurin teir fingu burtur úr tiltakinum, er sýndur á mongum sponskum tv kanalum. Sera gott pr fyri Føroyar. Føroya Banki er eitt ótruligt náttúru­fyribrigdi, hann er 20 ferðir 20 fjórðingar og við sínum egna økosystemi, og er allur botnurin hvítur av skeljasandi. Hann er eitt eldorado fyri fisk, og toskurin har er millum heimsins bestu. Stórur og skjóttvaksandi og sera proteinríkur. Hjá spaniolum og bretum stendur “Faroe Bank” sum eitt heiti fyri góðsku og villa náttúru. Føroya Banki er í dag friðaður, eftir at vit hava gjørt okkara ítarsta fyri at oyða stovnin við fyrilitaleysari trolveiðu. Royndirnar hjá Magnus Heinasyni sýna, at stovnurin til alla lukku er í vøkstri. Føroya Banki skal ongantíð latast upp aftur fyri størri vinnuligari veiðu. Heldur skal ein sera regulerað veiða við einans húki fara fram, tá mett verður at stovnurin aftur tolir eina roynd. Føroya Banki er kanska eitt av okk­ara størstu brandum. Føroya Banki eigur at verða nýttur í markn­aðarføringini av Føroyum. Nógv gastronomiskt kann eisini fáast burturúr, ein Føroya Banka Toskadagur um várið kann uttan iva fáa fólk úr øllum heiminum hendavegin. Vit eiga at lýsa Føroya Banka sum ein tjóðargarð og fáa hann á World Heritage listan hjá Sameindu Tjóð­ un­um. Havandi í huga góða úrslitið í fjør, er man samdur um aftur at fara undir tiltakið í ár. Tann 21. mars fer Magnus Heinason á bankan og er væntandi aftur á Havnina tann 28. mars, og fara Áarstova og Hotel Føroyar so undir at matgera burtur úr toski, rognum, livur, hjørtum osfr. Øll, sum hava alsk til okkara náttúru og okkara gastronomiska tilfeingi ,mugu royna ta forvitnisligu matskánna. Eg vil eisini mæla øllum fiskavirkjum í Føroyum at nýta høvið at sýna starvsfólki sínum, hvussu nógv vit kunnu fáa burtur okkara rávørum. Vit mugu ikki gloyma, at tað er matframleiðsla hetta land livir av og so vóni eg at allir progressivar politikarar, sum skilja, at tað er okkara framleiðsla, heldur enn bert tilfeingisgjald, sum skal bjarga okkara vælferð, eis­ini síggjast á Áarstovu. Eg vænti vit fáa nøkur góð kvøld saman øll somul. Tað verður so nógv tosað um Ogn Føroya Fólks. Føroya Banki er ogn alra okkara, latum okkum njóta hann og, ikki minst, verja hann. Johan Mortensen Slett ikki so øvugt, Georg Gunnvør Balle Í Punktum.fo 2. mars skrivar Georg L. Petersen, at hann ikki trýr uppá, at fleiri útbúgvingar í Føroyum fara at skapa størri fólkavøkstur. Hesum eri eg grundleggjandi ósamd í. Eg haldi, at vit eiga at skapa nógv fleiri útbúgvingartilboð, bæði tekniskar/yrkisrættaðar og akademiskar, soleiðis at fleiri av okkara ungu lesa nøkur ár í Føroyum. Hetta tekur tíð, so meginparturin av ungdómsárganginum fer fram­vegis - í fleiri ár fram - at fara uttanlands at lesa eftir lokið miðnám. Men um bert vit megna at fáa nøkur (kanska 20-40) fleiri enn nú, at byrja eina útbúving her heima á hvørjum ári, ella at taka eina styttri útbúgving her, eru sann­líkindini munandi størri fyri at tey flyta heimaftur seinni. Og soleiðis fáa vit steðga netto- fráflytingini. Umframt at tað er heilt veruleikafjart, so haldi eg slett ikki, at vit skulu stremba eft­ir at øll tey ungu taka alla sína útbúgving í Føroyum. Og eri samd við Georg í, at tað hevur sera stóran týdning at okkara ungu eisini fara uttanlands - ser­liga útum Danmark - í nøk­ur ár at læra, lesa, ferðast og arbeiða. Okkara samfelag hevur meir enn nakað ann­að tørv á fólki við altjóða arbeiðs­royndum, sum við íblástri frá øðrum mentanum bjóða vana­hugs­ anini av. Tí skulu vit leggja lunnar undir at bjóða fleiri av teimum ungu at taka grundleggjandi útbúgvingar her hjá okkum áðrenn tey fara uttanlands at lesa víðari. Tey kunnu td taka eina styttri útbúgving ella eina heila bachelor her og so út í heim at taka master. Undirvísingarskipanin skal snikkast soleiðis til, at hon er samanbærlig við útlendskar, so til ber at byggja víðari á tað tú hevur lært herheima, uttan at longja útbúgvingina. Tað er ongin ivi um, at fólk ið eru 22-23 ár tá tey flyta utt­ anlands, hava fest djúpri røtur og kanska funnið sær ein maka herheima, í mun til tey, ið fara sum 19-20 ára gomul. Og jú betri røturnar eru festar, jú størri eru sannlíkindini fyri, at tey flyta heimaftur. Hetta mynstur sæst týðiliga í Íslandi. Har hava teir mongu hægri lærustovnarnir lagt seg eftir at bjóða eina stóra breidd av bachelor útbúgvingum fram og tað ger, at tey allarflestu ungu taka í minsta lagi fyrsta part av síni útbúgving í Íslandi. Men tað merkir ikki, at tey ikki fara út í heim. Tey flestu fara uttanlands at lesa master, ella tey taka eitt ella tvey semestir av síni útbúgving aðrastaðni. Og hetta er uttan iva ein or­ søk til at tey ikki stríðast við okkara trupulleika við frá­flyting. Tí sjálvt um heilt nógv fara út í heim at lesa og ar­beiða í nøkur ár, so koma tey allarflestu heimaftur at seta búgv. Við at búgva fleri av tínum tilvitaðu, vaksnu árum heima, veksur hugurin til at leggja títt lívsstarv í heim­land­inum. Og tá havi eg slettikki tikið allar fyrimunirnar fyri sam­ felagið við at vit fáa eitt sterkt og fjøltáttað lestrarumhvørvi. Tað skapar arbeiðspláss fyri fólk, ið ynskja at koma heim at undirvísa og granska og tað gevur aftur eitt sterkari fak­ligt umhvørvi, og at vitan um okkara egnu viðurskifti verður framleidd. Harumframt vantar okkum í ólukkumát tey ungu millum 20 og 35 ár, og teirra rødd er sera neyðug fyri at broyta og flyta samfelagið rættan veg. Annars eri eg so sera samd við Georg í, at her er ymiskt ið ger, at samfelagið ikki er serliga innbjóðandi at flyta aftur til. Havi sjálvt víst á, at vantandi álit á politisku skipanina (har sundurlyndið kemur best til sjóndar) er ein høvuðsorsøk til at fólk ikki tíma at flyta aftur. Men eg trúgvi eisini at hetta kann broytast við tíðini, m.a við at vit av álvara tora at satsa uppá at styrkja og fjøltátta útbúgvingartilboðini. Hósdag 8. mars Svínakambur / Gullash Fríggjadag 9. mars Lasagna / Neytasteik / Krebinettir Leygardagur 10. mars STONGT VEGNA UMVÆLING Mánadagur 12. mars Stokt flesk / Forlorin hara Týsdag 13. mars Saltkjøt / Rivjasteik Mikudag 14. mars Stoktur fiskur / Kjøtfrikadellur Sosialurin 341800