mánadagur 12. mars 2012síða 16

Mánadagur 12. mars 2012 · Nr. 31 16 Sosialurin Hugskot og viðmerkingar – send sms til 225000 Ítróttarblaðið Jóannes Hansen Í dag verður sáttmálin millum René Shaki Joensen og Brøndby undir­ skrivaður. Harvið verður føroyski U21 spælarin sáttmálabundin at Brøndby IF fram til á sumri í 2014. Í vikuskiftisblaðnum varð sagt, at tað serliga er við atliti til kappingina um plássini í miðverjuni, at Brøndby hevur knýtt René aftrat felagnum. At René S. Joensen nú er vorðin partur av teimum gulu og bláu í vestara útjaðaranum av danska høvuðsstaðnum ber sjálvandi við sær, at tað millum føroyskar fótbólts­fjepparar fer at verða hildið serliga vakið eyga við, hvussu tað gongst hjá stórfelagnum, sum hesi seinastu árini ikki hevur staðið seg so væl, sum felagið gjørdi í áttati og nítiárunum. Tað verður ikki roknað við, at René S. Joensen fer at spæla á besta liðnum hesu megin summarsteðgin. Í fótbólti kann tað ganga rættuliga skjótt, og tí eigur einki at verða útihýst, men sum tað sær út í løtuni, so verður tað ikki fyrr enn eftir summarfrítíðina, at føroyski spælarin í Brøndby verður við í kappingini um plássini á besta liðnum. Í gjár hevði Brøndby vitjan av AGF, og tað endaði við málleysum javnleiki. Tað gongur illa hjá Brøndby at skora mál, men eftir mál­leysa javnleikin fegnaðist venj­ arin um, at tað nú hevur eydnast í tveimum dystum á rað at halda tætt í verjuni. Í fyrsta umfarinum eftir vetrarsteðgin sigraði Brøndby 1-0 ímóti Sønderjyske, og tey fýra stigini í tveimum umførum eftir vetrar­ steðgin bera við sær, at fjarstøðan til niðurflytingarstrikuna nú er sjey stig. Tað er framvegis møguleiki fyri, at Brøndby ikki verður partur av bestu deildini, tá ið René S. Joensen rættuliga fer at bjóða seg fram, men í løtuni tykist tað ikki so sannlíkt, at tað skal ganga so illa. Lamhauge við aftur Mánakvøldið fyri einari viku síðani, var tað rættuligt bragd av Silkeborg IF, tá ið tað eydnaðist at vinna eitt stig á útivølli ímóti OB, sum hevði verið frammanfyri við tveimum málum. Í gjár var tað stórt vónbrot, tá ið Silkeborg á heimavølli tapti 1-0 ímóti HB Køge, sum er botnlið. Hetta var bara onnur ferðin í hesum kappingarárinum, at HB Køge, har fyrrverandi MB venjarin Tommy Møller Nielsen hevur ábyrgdina, hevur vunnið fulla úrtøku. Eisini í fyrra førinum gekk tað út yvir Silkeborg, sum á útivølli tapti 3-0 ímóti HB Køge. Christian Lamhauge Holst hevur verið skaðadarvaður, men nú tykist hann vera við at koma fyri seg. Í gjár var føroyski lands­ liðs­spælarin á beinkinum, inntil tað restaðu seytjan minuttir. Tá varð hann settur inn í vónini um, at tað skuldi eydnast honum at fáa hol á. Silkeborg hevði stóra leikliga yvirvág og nógvar upplagdar málmøguleikar, men tað eydnaðist ikki at skora. Á beinkinum Tá ið AaB í fyrsta umfarinum eftir vetrarsteðgin megnaði 1-1 á heima­vølli ímóti FCK, var Pól Jóhannus Justinussen als ikki í hóp­inum. Tað var hann í hesum vikuskiftinum, men hann var alla tíðina á beinkinum, tá ið AaB við 1-0 heimasigri á Lyngby lyfti seg eitt sindur nærri toppinum. AaB er á fimta plássi – tvey stig frá bronsu­ plássinum. Næstu ferð skal AaB spæla á útivølli ímóti HB Køge. So fæst at síggja, um Pól Jóhannus Justinussen verður partur av ferða­ lag­num yvir á Sjællandi, og nær hann fer at fáa møguleikan í lands­ kapp­ingardysti. joannes@sosialurin.fo Føroyingarnir lítlan leiklut Fótbólt Christian Lamhauge Holst spældi lítla løtu, tá ið Silkeborg óvæntað tapti á heimavølli, og Pól Jóhannus var á beinkinum alla tíðina, tá ið AaB við sigri á heimavølli lyfti seg nærri teimum fremstu Føroyski landsliðsleikarin, Pól Johannus Justinussen, sat á AaB beinkinum allan dystin, tá felag hansara vann heimadystin móti Lyngby Mynd: Álvur Haraldsen René Shaki Joensen Christian Lamhauge Holst