mánadagur 12. mars 2012síða 20

Mánadagur 12. mars 2012 · Nr. 31 20 Sosialurin Hugskot og viðmerkingar – send sms til 225000 Ítróttarblaðið Tróndur Arge – Liverpool Tað eru nú skjótt níggju ár og sjey venjarar síðani, at Roman Abramovich í juni 2003 keypti Chelsea. London felagið hevði gjørt framstig í árunum fram til keyp­ið og leikarar sum Ruud Gullit og Gianfraco Zola settu ein altjóða dám á. Søgan sigur, at Roman Abramo­ vich endaliga avgjørdi at keypa Chelsea, tá tað gjørdist greitt at felagið skuldi luttaka í Champions League. Í trý ár peikaði pílurin uppeftir. Hóast Claudio Ranieri stóð seg væl fyrsta árið vóru tey fáa, ið settu spurnartekin við venjaraskiftið, sum fekk ein Champions League vinn­andi José Mourinho til felagið. Men í septembur 2007 legði José Mourinho brádliga frá sær. Søgurnar vildu verða við, at Roman Abramovich blandaði seg ov nógv í tí ítróttarliga partinum, sum José Mourinho metti seg skula taka av. Síðani hevur felagið skift venjara javnan og liðið hevur ikki víst somu styrki sum undir José Mourinho. Tó so, so megnaði Avram Grant at føra liðið til Champions League finaluna í 2008, meðan fyrsta árið undir Carlos Ancelotti eydnaðist væl við at vinna greipuna. Hinvegin, so hevur ikki eydnast at fremja eitt ættarliðsskifti, tað hev­ur ikki eydnast at menna nakran nýggjan Chelsea leikara úr ung­dóms­deildini og felagið hevur mist støðuna sum fíggjarsterkasta felagið í Premier League til Man­ chester City. »Dead man walking« Tað kom eitt sindur óvart á, at Roman Abramovich í summar valdi at koyra Carlos Ancelotti frá og gjalda honum fleiri milliónir í frá­faringar­løn, fyri síðani at keypa 34-ára gamla Andre Villas- Boas leysan frá Porto fyri yvir 100 milliónir krónur. Doyptur tann nýggi José Mourinho kom hann til eitt sikftingarrúm, ið hevði týðandi leik­arar, ið vóru eldri enn hann. Uppgávan var greið. Fremja eitt ættarliðsskifti uttan at missa ov nógv í mun til hini oddaliðini. Eina løtu sá eisini út til at hann hevði fingið skil á Fernando Torres, sum skoraði eitt vakurt mál móti Manchester United á Old Trafford. Løtu seinni rak hann framvið málverjanum, men brendi fyri opnum máli. Tað skuldi vísa seg at lýsa tíðina hjá Fernando Torrs undir Andre Villas-Boas betri enn vakra málið. 34-ára gamli venjarin hevði bara sitið í nakrar mánaðir, tá søgur um ónøgd millum eldri leikararnar komu fram í fjølmiðlinum. Í januar flyt­ingarvindeyganum fingu Alex og Nicolas Anelka fótin og vóru seldir. Hátturin tað bleiv gjørt uppá, við millum annað ikki at bjóða Nicolas Anelka til jólagildið og frá­taka báðum rættin at venja og skifta við hinum á besta liðnum, gjørdi bara støðuna verri. Nýggi leikhátturin við høgum trýsti eydnaðist illa og fleiri ferðir var opið hús í verjupartinum. Serliga 5-3 tapið móti Arsenal á heima­vølli smakkaði illa. Tá Chelsea so tapti 3-1 á útivølli móti Napoli Í Champions League vóru tey fáa, ið góvu Andre Villas- Boas nógva tíð afturat sum venjara hjá Chelsea. Tann tiltiknið seinasti dropin kom eftir 1-0 tapið fyri West Bromwich Albion. Kanska gjørdi Andre Villas- Boas ov skjótt av við at skilfta út á liðnum og broyta leikháttin, men við søguni í huga, so hevði nokk aldrin ein møguelika at koma liv­ andi frá uppgávuni. Tepur sigur Um vikuskiftið vann Roberto Di Matteo sín næsta dyst sum fyribils venjari hjá Chelsea. Í vikuni vann felagið 2-0 á Birmingham í FA Cup. Leygardagin vann Chelsea 1-0, hesa ferð á Stoke City, sum fekk ein mann útvístan miðskeiðis í fyrra hálv­leiki. Hóast Chelsea var ein maður í yvirtal, so megnaði London felagið ikki at niðurbróta Stoke verjuna meiri enn tað eini ferðina. Juan Mata spældi Didier Drogba leysan, sum fekk vent sær inni í brotsteiginum og so var Chelsea á odda. Hetta var mál nummar 100 hjá Didier Drogba í Premier League. Hann er leikari nummar 22, ið hevur megnað tað. Eftir dystin var Roberto Di Matteo lítilátin um framtíðina hjá sær í felagnum. Bretskir miðlar skriv­aðu í gjár, at fyrrverandi mið­ vall­arin hevur biðið Chelsea leik­ar­ arnar standa saman tað, ið er eftir av hesum kappingarárinum. Chelsea og FFP FIFA Finical Fair Paly reglugerðin kemur í gildið um tvey ár. Rokni­ skapurin hetta og komandi kapp­ ingarár skal ikki geva meiri enn eitt samlað hall upp á áleið 350 millión­ir krónur. Í løtuni liggur árs­ rokniskapurin hjá Chelsea á um­ leið 650 til 700 milliónir fyri hvørt av teimum báðum seinastu kapp­ ingarárinum. Chelsea vil tó verða við, at fleiri av stóru útreiðslinum í has­ um báðum kappingarárinum eru einstakar stóra útreiðslur, ið ikki Premier league Tottenham mist luftina Tottenham hevur tapt tríggjar dystir á rað í Premier League fyri fyrstu ferð síðani oktobur 2008. Tey trý tapini kostaði táverandi venjaranum, Juande Ramos, starvið. (Opta) Blackburn helt málið reint Fyri fyrstu ferð í hesum kappingarárinum í Premier League megnaði Blackburn at halda málið reint, tá teir vunnu 2-0 á Wolverhampton. Seinast teir megnaði tað var 30. apríl í fjør. (Opta) Fótbóltur Roman Abramovich hevur koyrt enn eina venjara frá og felagið stendur veikari enn nakrantíð í Abramovich-tíðini. Felagið skal finna ein nýggjan venjara og skal upp á tvey ár fáa javnvág í ronkiskapin Ríkið hjá Roman Andre Villas-Boas José Mourinho: Hann er ein væl dámdur harri í Chelsea og hevði verið meir enn vælkomin aftur á Stamford Bridge. Hann er í løtuni venjari hjá Real Madrid, men hevur fyrr úttala seg, at hann er sinnaður at koma aftur til Onglands at venja. Rafael Benitez: Fyrrverandi Liverpool venjarin er næstur á listanum hjá veddingarfyritøkuni Sky Bet, men Chelsea viðhaldsfólkini vilja ikki vita av honum. Í dystinum móti Birmingham sungu tey, at hann skal halda seg vekk frá felagnum. Rafa hevur verið arbeiðsleysur síðani hann bleiv koyrdur í Inter Milan fyri hálvum øðrum ári síðani. Pep Guardiola: Barcelona venjarin sigst verða ovast á listanum hjá Roman Abramovich. Sáttmálin hjá honum við Barcelona gongur út í summar, men tað er sera sannlíkt at hann heldur fram. Hann hevur somuleiðis tikið frástøðu frá Chelsea starvinum. Fabio Capello: Fyrrverandi landsliðsvenjarin hjá Onglandi er júst ein týpa, ið kann fáa skil upp á skiftingarrúmið hjá Chelsea. Hann hevur vunnið alt, sum kann vinnast sum liðvenjari og leggur nokk akkurát einki í hvat menn sum Didier Drogba, Frank Lampard og John Terry hava at siga. Guus Hiddink: Avgjørt ein væl dámdur venjari millum Chelsea viðhaldsfólkini. Spurningurin er um hann við sínum 65-árum er rætta valið til at føra Chelsea inn í framtíðina við einum ættarliðsskifti. Hann er í løtuni venjari hjá russiska Anzhi og hevur ein hálvt annað ára sáttmála við felagið, sum hevur millum annað Samuel Eto’o og Roberto Carlos í hópinum. Didier Deschamps: Er venjari hjá Marseille í Fraklandi og spældi eitt stutt skifti í Chelsea um aldarskiftið. Hann var eisini í myndini sum Liverpool venjari fyri einum ári síðani ella so. David Moyes: Everton venjarin hevur nú staðið á odda fyri felagnum í 10 ár, men fíggjarliga støðan ger, at Everton illa kann flyta seg víðari. Roman Abramovich hevur roynt seg við fleiri altjóða stórum nøvnum, vandir hann sær hesa ferð til ein, ið hevur royndirnar í Premier League? Joachim Low: Týski landsliðsvenjari var eitt tað fyrsta navnið, ið bretsku fjølmiðlarnir settu í samband við Chelsea. Joachim Low hevur saman við Jurgen Klinsmann staðið á odda fyri einum ættarliðsskifti á týska landsliðnum. Louis Van Gaal: Enn ein tungvektari í evropskum fótbólti. Hevur staðið á odda fyri liðnum sum Barcelona, Ajax og Bayern Munchen. Hann er í løtuni arbeiðisleysur. Favorittarnir at taka yvir í Chelsea Hesir eru teir níggju, ið veddingarfyritøkur meta sum teir mest sannlíku at gerast nýggir Chelsea venjarar. Teir eru raðfestir eftir hvussu sannlíkt Sky Bet metir tað verða at teir blíva Chelsea venjarar