mánadagur 12. mars 2012síða 22

Mánadagur 12. mars 2012 · Nr. 31 22 Sosialurin Hugskot og viðmerkingar – send sms til 225000 Ítróttarblaðið Snorri Brend Seinnu árini hevur ungi rennarin, Marnar Djurhuus, veruliga gjørt vart við seg, bæði í kappingum heima sum uttanlands. Fyrr í mánaðinum gjørdi hann rættiliga vart við seg í Danmark og vann tvey gullmerki í tveir dagar, bara fyri at nevna okkurt úr rúgvuni. Nú sleppur almenningurin at hoyra um og læra henda unga mann­in av Morskranesi betri at kenna. Tað hendir á hugnaløtu, har 17 ára gamli Marnar verður høvuðspersónur, tí Sjóvar komm­ una ynskir at heiðra Marnar fyri hansara afturvendandi flottu úrslit sum rennari. Ein annar góður rennari, Gutt­ orm Sørensen úr Klaksvík, fer eisini at greiða frá um renning og vísa filmir í hesum sambandi. Harumframt fara næmingar úr 9. flokki at siga frá eini verkætlan, teir hava gjørt um Sjóvar kommunu. Tiltakið hóskvøldið byrjar klokk­ an 19, og at tað er á Strondum, kemst av, at heimbygdin hjá Marnari liggur í Sjóvar kommunu. snorri@sosialurin.fo Vøllurin fær røtt mát Fótbóltur: Eftir at tað kom fram, at nýggi fótbóltsvøllurin í Trongisvági ikki stóð mát, verður farið aftur til upprunaligu ætlanina, ið lýkur tær treytir, Fótbóltssambandið setur Hilmar Jan Hansen Tað var í Degi & Viku fríggjakvøldið, at tað kom fram, at mátini, sum nýggi fótbóltsvøllurin í Stópunum í Trongisvági verður gjørdur eftir, ikki vóru tey røttu. Kringvarpið segði seg hava fingið váttað frá fleiri keldum, at mátini vóru skeiv, so vøllurin er bæði ov stuttur og smalur, men tó kom ikki fram, hvussu umfatandi feilurin var. Eingin vildi fríggjakvøldið siga nakað um málið, men onkur vísti á ein fund um tað, sum skuldi vera í gjár, og eftir tann fundin visti Suðuroyarportalurin at siga frá Suðuroyar Ítróttardepli, ið stendur fyri at gera vøllin, at avgerð varð tikin um at fara til upprunaætlanina viðvíkjandi støddini á nýggja fótbóltsvøllinum. Sum skilst, hevur verið arbeitt við einum minstakravi frá UEFA til fótbóltsvallir, sum er 100 metrar ferðir 64 metrar, men av tí at kravið hjá Fótbóltssambandinum, sum feløgini áttu at kent, er 105 metrar ferðir 68 metrar, soleiðis sum samtykt var í mai mánaði í fjør. Nú hetta skal broytast aftur til upprunaliga støddina, sum er tann størra av hesum, skal eisini ein betonggarður brótast niðuraftur og stoypast umaftur, umframt at meira graslíki skal bíleggjast til vøllin. Formaðurin í Suðuroyar Ítróttardepli, Oddur Dimon, sigur við Suðuroyarportalin, at upprunaliga tíðarætlanin heldur, so sjálvur vøllurin verður liðugur til annan heimadystin hjá TB í Effo-deildini, sum verður spældur mánadagin 16. apríl. Sum skilst, verður húsið við vøllin ikki liðugt tá, og tí skal helst undantaksloyvi fáast frá Fótbóltssambandinum, so spælast kann á vøllinum, so skjótt hann er liðugur. Atgongd er til brúsur og annað í ítróttarhøllini, sum liggur beint við vøllin í Trongisvági. hilmarjan@sosialurin.fo Hóast Marnar Djurhuus av Morskranesi bara er 17 ára gamal, hevur hann vunnið fleiri kapprenningar, bæði burturi og heima Mynd: Álvur Haraldsen Marnar Djurhuus heiðraður Renning Hóskvøldið verður hugnaløta í Bygdahúsinum á Strondum, har renning og gullheiðursmerki eru á skránni, tí ungur rennari av Morskranesi skal heiðrast