mánadagur 19. mars 2012síða 16

Mánadagur 19. mars 2012 · Nr. 34 16 Sosialurin Hugskot og viðmerkingar – send sms til 225000 Ítróttarblaðið Hilmar Jan Hansen At høllin í Sørvági ikki er stór, bleiv helst undirstrikað meira enn nakrantíð undan finaludystinum í gjárkvøldið, tá mesta umrøðan snúði seg um, hvussu nógvir áskoð­ arar sluppu inn og ikki. Men um høllin er í minna lagi, so bilar spæl­ inum hjá SÍ einki, tí í stødd og vavi var tað næstan tað einast, ið var at síggja í dystinum ímóti Mjølni. Klaksvíkingar komu í finalunar burtur úr mestsum ongum, tá teir millum annað í Sørvági vunnu á SÍ, men í gjárkvøldið var ikki nógv at síggja til tað spælið, ið mundi liggja sum grund. Tvørturímóti var tað SÍ, við framúrskarandi Nicola Kapric á odda, ið sat á tí heila frá byrjan til enda. Alt tað fyrsta settið var SÍ á odda og vann rímiliga lætt, og tað sama sá tað út til at gerast í øðrum setti, tá SÍ var á odda 18-5, men so steðgaði upp. Mjølnir tók av, men fekk ikki gjørt tær stóru skreytirnar, tí munurin var longu blivin ov stórur. Sama var í triðja setti, at SÍ fór langt framum og tók bæði sigurin og mótið frá Mjølni. Dysturin í Sørvági gjørdist ongan­tíð spennandi, tí til tað spældi SÍ alt ov væl og Mjølnir ov illa. Her var onkuntíð í longum løtum stórur munur á liðunum, so Mjølnir fær sítt at síggja til undir venjing hesa vikuna, skal finalan vendast til egnan fyrimun. Í gjárkvøldið sá ikki út til, at Mjølnir hevur tað, sum skal til, men skjótt kann skifta. Mest sannlíkt er tó, at hetta mundi vera næstsíðsti mans­dyst­ urin hetta kappingarárið, tí SÍ hevur so góða styrki og breidd, at stórur møguleiki er fyri, at liðið stendur sum greipuvinnari leygardagin á Eiði. hilmarjan@sosialurin.fo SÍ-Mjølnir 3 - 0 (25-20, 25-16, 25-14): SÍ í stórum stíli Mansflogbóltur SÍ var klárt betra liðið í Sørvági í gjárkvøldið, tá Mjølnir vitjaði, og nógv skal vera øðrvísi leygardagin, skal SÍ ikki longu tá standa sum greipuvinnari Hilmar Jan Hansen – Eg má siga, at eg hevði vænt­að meira av Mjølni og ein tætt­ari dyst. Hetta líktist nógv steypa­ finaluni, so tað var stór­ur munur á liðunum, sigur Jón Joensen úr SÍ. – Tað gekk væl hjá okkum, og vit fingu nógvar blokkar og álopið koyrdi væl. Hinvegin høvdu teir ringa móttøku og fingu ikki spælið hjá sær at koyra. Hóast greiða sigurin, so sigur Jón, at okkurt allíkavæl er, sum kann rættast og betrast til leygardagin, tá liðini hittast aftur á Eiði: – Ja, sjálvt um vit vunnu 3-0, so var okkurt, ið kundi verið betri, og tað skulu vit so gera okkurt við. Men eg haldi, at vit sum heild spæla betur saman sum eitt lið, og bæði móttøkur og álop hjá okkum eru betri, sigur hann. – Mjølnir hevur stórar roynd­ ir, tí talan hevur verið um sama liðið í fleiri ár. Men eg vil siga, at vit kanska eru blivn­ir tað betri, heldur enn at teir eru blivnir veikari. hilmarjan@sosialurin.fo Væntaði meira Hilmar Jan Hansen – Sálarligi munurin var tann størsti í kvøld, haldi eg. Tað var tungt at spæla, tí vit vóru alla tíð­ina langt aftanfyri, og tað er sálarliga slítandi, sigur Jón Syderbø úr Mjølni. – Vit gjørdu fleiri feilir enn SÍ, tí vit fingu ikki móttøkuna at rigga og fingu av tí sama einki álop heldur. Vit mugu arbeiða við hesum ta komandi vikuna, so vit eru klárir aftur til leygardagin. Samstundis ásannar Jón, at FM-finalurnar tíbetur eru best av trimum, so teir hava vónina enn: – Bara tað, at vit komu í finaluna, er eitt sindur óvæntað, men nú tá vit eru her, so fara vit heldur eftir gullinum enn silvurinum, sigur hann og undirstrikar, at nógv kann henda. – SÍ hevur ein nokk so góðan útlending og nokk so breiðan bonk og góða rutinu. Vit hava ikki somu breiddina, men nógvar royndir, og vit hava víst í síðstuni, at tá vit spæla væl, so steðgar eingin okkum. hilmarjan@sosialurin.fo Fleiri feilir