mánadagur 19. mars 2012síða 17

17 Mánadagur 19. mars 2012 · Nr. 34 Sosialurin Hugskot og viðmerkingar – send sms til 225000 Ítróttarblaðið Mjølnir-Fleyr 3-2 (25-27, 25-19, 25-18, 24-26, 15-8) Bleiv sum væntað Hilmar Jan Hansen FM-finalan hjá kvinnunum er ein endurtøka av henni í fjør, tá Mjølnir vann eftir tveimum dystum á Eiði. Nú var fyrsti dysturin í Badmintonhøllini í Klaksvík, og liðini løgdu út við einum braki av einum fimmsettara, har tað í tveimum av settunum varð farið útum 25 bóltar, áðrenn avgerðin fall. Fleyr legði bragdliga fyri og vann fyrsta sett, men í øðrum og triðja setti var Mjølnir betra liðið. Tó var ein keðilig hending fyrst í øðrum setti, tá Sóley M. Petersen koykti sær fótin og noyddist at vera áskoðari restina av dystinum. Fyrstu bóltarnir eftir hetta vóru kanska eitt sindur nervøsir, men so tóktist tað, sum Fleyr fekk lagt hetta aftur um bak. Í fjórða setti var spennandi nokk so leingi, tí liðini fylgdust, men tá Mjølnir ímóti endanm fór avstað, sá tað út til at gerast avgerðin í dystinum. Men hóast Mjølnir var á odda 22-17 og 24-22, megnaði Fleyr at reisa seg og enda við at taka settið, so nú stóð á jøvnum í settum, 2-2. Fleyr sá út til at vilja halda fram frá góðu vendini í fimta setti og legði seg á odda, men nú var tað hinvegin Mjølnir, ið kom afturíaftur og fekk smoygt sær framum og hildið leiðsluna. Við einari øgiliga røð av góðum servum endaði tað við, at Lena í Buð mestsum servaði Mjølnir á mál, og so var fyrsti sigurin í FM-finaluni komin til høldar. Onkursvegna minnir hetta um í fjør, at Mjølnir vinnur fyrstu finaluna í einum spennandi dysti ímóti Fleyr, men nú fæst so at síggja, um Fleyr hevur vunnið sær sálarligu styrkina til at svara aftur, tá annar dysturin verður spældur á Eiði leygardagin. hilmarrjan@sosialurin.fo Mugu flyta trýstið Mjølnir munin í fimmsettara Kvinnuflogbóltur Finalan millum Mjølnir og Fleyr var bæði góð og undirhaldandi, og fimm sett skuldu til, áðrenn Mjølnir hevði vunnið og tikið fyrsta stikkið í finaluni Hilmar Jan Hansen – Vit eru nummar tvey og verða ikki verri enn tað. Tí eigur trýstið ikki at liggja á okkum, men á Mjølni, so tað vóni eg ger seg galdandi leygardagin, sigur liðskiparin hjá Fleyr, Rakul Dalsgaard-Jakobsen. – Tað hevur ferð eftir ferð víst seg, at vit spæla best, tá vit ikki kenna, at nakað trýst liggur á okkum. Vit hava havt eitt fínt kappingarár, sum vit kunnu vera nøgdar við, so tí skulu vit ikki hugsa so nógv um at vinna, men bara spæla okkara spæl. Ofta verður sagt um kvinnurnar hjá Fleyr, at tær ikki megna sálarliga at spæla teir stóru dystirnar, har nakað stendur upp á spæl, men Rakul heldur, at tær duga betur og betur at taka tær støðurnar. – Nú er skjótari hjá okkum at koma upp úr aldudalinum, enn tað hevur verið. Vit eru tilvitaðar um tað, og vit vita, at tá vit fara niður, so rýkur kommunikatiónin á liðnum, og tað hava vit ikki ráð til, sigur hon. – Í gjár vóru tað serliga annað og triðja sett, har tað ikki gekk væl hjá okkum, og kanska kløkkaði tað okkum eisini, at vit mistu ein spælara við skaða. Men avloysarin gjørdi tað fínt, so eg haldi ikki, at tað hevði so nógv at siga fyri endaliga úrslitið. hilmarjan@sosialurin.fo Hilmar Jan Hansen – Dysturin ímóti Fleyr bleiv akkurát so javnur og spennandi, sum eg hevði væntað, enntá við fimm settum, sigur liðskiparin hjá Mjølni, Eina Kalsø. – Eitt sindur sjáldsamt var tað kanska, at vit vóru frammanfyri í øllum settunum, enntá fimm stig í tí eina, men taptu allíkavæl tvey av teimum. Eina læt væl at servutrýstinum hjá Mjølni, men heldur, at tað eisini kan vera størri, umframt at tær í Mjølni mugu vera klárar til tey lobbini, tær í Fleyr koma við av og á. – Sum heild haldi eg, at tað sá gott út hjá okkum, og eg haldi, at vit upp á ein máta hava fleiri streingir at spæla uppá. Liðini eru annars kanska ikki ólík, tí bæði hava gott álop og høgan blokk, sigur hon. – Tað sálarliga ger eisini sítt, og eg haldi, at tær siga tað eisini sjálvar, at tá tað stendur á, fer psykan hjá teimum. Vit líkasum tora betur at vinna, meðan tær ikki hava roynt tað. Eg haldi, at vit eru bestar, tá tað stendur eitt sindur á. hilmarjan@sosialurin.fo