mánadagur 19. mars 2012síða 19

19 Mánadagur 19. mars 2012 · Nr. 34 Sosialurin Hugskot og viðmerkingar – send sms til 225000 Ítróttarblaðið Rólant Waag Dam Stórsteypadystur. Tað er ikki hiss­ ini heitið til ein dyst. Liðini, ið dyst­ ast skulu, eru heldur ikki hvør sum helst. Meistararnir í móti steypa­ vinnarunum. Í so máta er uppleggið til dystin gott. Heimasíðan hjá B36 skrivar eisini, at stórsteypadysturin »markerar byrjanina til eitt nýtt kappingarár«. Tað er ein ávísur sannleiki í hesum, men, tíverri, er dysturin ikki meira enn ein væl- meintur venjingardystur, har yvir­ skotið fer til vælgerandi enda­mál. Bragdligir meistarar Sjálvur dysturin var tvíbýttur. Meist­ararnir B36 áttu fyrra hálvleik og steypavinnararnir EB/Streymur seinna. Tað var tíðliga, at B36 setti seg á miðvøllin. EB/Streymur hevði tríggjar menn sentralt, Gert Hansen, Sorin Anghel og Niels Paula Danielsen, men tað var ikki nóg mikið til at koppa Inga Højsted og Klæminti Matras. Samstundis spældi liðfelagarnir hjá Inga og Klæminti skjótt og væl, umframt at teir vóru raskir at pressa sundalagsmenn soleiðis, at tað sjáldan eydnaðist hesum at flyta bóltin sína millum meiri enn tríggjar ferðir, áðrenn teir aftur vórðu tiknir av ræði. Hetta gav B36 fleiri fínar møgu­ leikar, men tað gav bara av at býta einaferð. Í samband við hornaspark var Símun Joensen maðurin, sum setti bóltin í netið. 1-0 var eisini hálvleiksstøðan. Í bygdaskýlinum í steðginum ásann­ aðu flestu sundalagsfólkini, at B36 var munandi betra liðið fyrstu trý korterini. Samstundis mintu tey eisini hvønn annan á, at tað fór at verða øðrvísi, tá Pauli G. Hansen og Levi Hanssen eru við aftur, og at Pætur Dam Jacobsen sjálvandi skuldi verið settur inn at fáa skil á miðvøllin. Hinumegin vøllin skiftust tey um at geva hvørjum øðrum herða­ klapp. Tað kundu tey eisini saktans. Meistararnir spældu, ítróttarligu støðuna tikið til eftirtektar, meistar­liga. Hetta enn tá uttan at menn sum Jákup á Borg, Súni Olsen og Atli Danielsen høvdu verið á vøllinum. Eisini Símun Hansen byrjaði á beinkinum og Heini í Skorini, sum hevur meitt sær hondina, var als ikki við. Kletturin á miðvøllinum Seinni hálvleikur var ikki nógvar minuttir gamal, tá viðhaldsfólkini hjá teimum hvítu máttu gevast við klappa hvønn annan á ryggin, og fjeppararnir í bygdaskýlinum byrjaðu at gníggja sær um hend­ urnar. Pætur Dam Jacobsen var komin á vøllin og hann setti seg á miðvøllin. Við honum á odda vann EB/Streymur seg ikki einans inn í aftur dystin, men í síðsta enda vunnu teir eisini dystin. Pætur spældi ein ógvuliga sen­ tralan leiklut á liðnum hjá EB/ Streymi í fjør, og hevur hann ment seg til at vera leiðarin á mið­vøll­ inum, sum EB/Streymur onkurs­ vegna hevur saknað síðani Ronnie Samuelsen gavst í 2007. Við honum trinu menn, sum higartil høvdu verið lutfalsliga ósjón­ligur, í karakter. Hans Pauli Samuelsen javnaði eftir langt og frálíkt EB/Streyma-álop. Arnbjørn Hansen syrgdi fyri, at Høgni Eysturoy varð vístur av vøllinum umleið eitt korter fyri leiklok, tá hann dróg inn í vøllin við bóltinum, inn fyri Høgna Eysturoy og síðani fór um koll. Gløkt álopsspæl, frí­ spark og útvísing til Høgna. Og í yvirtíðini var Arnbjørn aftur fram­ við. Úr spískum setti vanda­mikli koll­firðingurin fótin á innlegg, sum hann onkursvegna fekk stýrt í netið. Fótbóltsárið byrjað Málið hjá Arnbjørn var so at siga seinasta sparkið í dystinum. Løtu seinni kundi ein bygdarmaður hansara, Marni Djurhuus, lyfta steypið frá Lions og Fót­bólts­sam­ bandinum upp um høvd. Og hóast bæði steyp og medaljur, so var løtan á ovara vølli í Gundadali ikki meiri hátíðarlig ella festlig enn onkur tilvildarligur stevnudystur. Men fótbóltsárið er við hesum byrjað og tað er at fegnast um. Tað sama eru innkomnu krónurnar, sum Lions letur til vælgerandi endamál. rolant@sosialurin.fo STÓRSTEYPADYSTUR B36 – EB/Streymur 1-2 (1-0) Tvíbýttur dystur um stórsteyp Fótbóltur B36 spældu sum teir meistararnir, teir eru, inn til Pætur Dam Jacobsen kom á vøllin fyri EB/Streym. Hann vann slagið um miðvøllin, sum í síðsta enda tryggjaði EB/Streymi sigurin Miðvallarstríð Miðvallarstríðsmenninir Sorin Anghel og Símun Hansen kappast um bóltin. B36 vann fyrra hálvleik og EB/Streymur seinna Myndir: Sofus D. Johannesen