fríggjadagur 23. mars 2012síða 6

Fríggjadagur 23. mars 2012 · Nr. 36 6 Sosialurin Hugskot og viðmerkingar – send sms til 225000 x factor Allir tríggir dómararnir í ársins X Factor-kapping hava boðað DR frá, at teir ikki ynskja at halda áfram sum dómarar Finalistarnir skulu allir syngja tveir sangir í part. Teir báðir, sum fáa flest og næstflest atkvøður, sleppa at syngja sangin, tey hava skrivað. Tað sleppur tann við fægst atkvøðum ikki Rólant Waag Dam Herning: Í roynd og veru kundi X Factor-finalan í kvøld verið uttan Svein. Tann dagin, Sveinur skuldi til so­kallaða pre-audition, har sang­ar­arnir syngja fyri fólk­unum handan X Factor fyri fyrstu ferð, var hann sjúkur. – Satt at siga ætlaði eg ikki at fara, tí eg hevði fepur. Tá eg so kortini fór, hevði eg ongantíð roknað við, at eg fór at standa í finaluni sum eg geri nú, sigur Sveinur, ið ikki heilt kann dylja, at hann er bilsin um at vera komin so langt. – Men nú havi eg eina góða kenslu í búkinum og eg gleði meg at standa á pall­ inum, leggur Sveinur skjótt aftrat. Smá mál bera langt Í X Factor hevur Sveinur alla tíðina sett sær smá mál. Í fyrstu atløgu skuldi hann bara koma víðari, síðani var mál­ið at sleppa til sokallaða boot-camp’in, síðani live- show­ini og undan seinasta fríggja­kvøldi var málið at sleppa í finaluna. – Nú vóni eg so, at eg ikki fái fægst atkvøður, tí tað eru bara tey bæði, sum fáa flest og næstflest, ið sleppa at fram­føra sangin, tey hava skriv­að. Og eg vil sleppa at fram­føra sangin, Rasmus Balsner og eg hava gjørt. Eg fari næstan so langt sum at siga, at tað er synd, um eg ikki sleppi tað, tí sangurin er so góður, sigur Sveinur smíl­ andi. Hann letur tó ongan iva vera um, at hann meinar tað. Samstarv við Carpark North Sangurin, Sveinur og Søren Balsner hava gjørt, ber heitið »Flying with both Feet on the Ground«. – Sangurin snýr seg um at vera trúgvur í móti tær sjálv­ um, at hava bæði beinini á jørðini, men kortini duga at sveima, greiðir Sveinur frá, sum er fegin um samstarvið við tónleikaran úr kenda danska bólkinum Carpark North. – Áðrenn vit møttust, høvdu vit gjørt okkum okk­ ara tankar hvør í sínum lagi. Tá vit so hittast, vísir tað seg, at vit hava hugsað akkurát tað sama. Og tað verður ein sangur við plúmm í, tí vit kunnu ikki hava eina konsert frammanfyri 15.000 fólkum og so rura tey í svøvn, ger Sveinur greitt. Tvørtur í móti hevur 31 ára gamli trummuleikarin í hyggju at gera ein rimmar veitslu á pallinum. – Sangurin, vit hava gjørt er feitur. Hysteria, sum eg eisini skal syngja, er sum skaptur til eina arenakonsert sum hesa og tit kunnu gleða tykkum til sangin, tá eg fari at framføra við einum kend­um tónleikara, sigur Sveinur, sum er serstakliga spentur til í kvøld. – Eg gleði meg ótrúliga nógv at framføra í kvøld, tí eg elski at standa á pall­ inum. 15.000 fólk í salinum og tvær milliónir hyggjarar, tað verður fantastiskt rolant@sosialurin.fo Eg havi eina góða kenslu í búkinum og eg gleði meg at standa á pallinum Niels Uni Dam, tónleikari og tónleikaummælari, sær fleiri fyrimunir við Sveini enn við hinum finalistunum og metir tí, at Sveinur kann vinna final­una í X Factor. – Hann er mín favorittur til at vinna. Sveinur er ikki størsta talentið, tað er Ida. Line hevur víst mest av finalist­unum og hevur yvir­ raskað mest positivt. Men Sveinur hevur tann fyri­ munin, at hann er einsamall­- ur harri móti tveimum damum. So­statt fær hann nógvar atkvøður frá konu­ fólkum. Har­aftrat stendur hann seg væl og við sínum stíli fær hann møguliga eisini nakrar at­kvøður frá rockfjøldini. Aldurin hjá Sveini (31, blðm.) merkir, at hann er royndur og tískil eisini tilvitaður um, hvat hann vil. Síðst men ikki minst hevur Sveinur eitt ógvuliga gott sangskrivara- bakland í eitt nú Marius (Ziska, blðm.), so tað kann verða øgiliga spennandi at vita, hvat er komið burtur úr, nú luttakararnir skulu fram­føra eitt egið lag í kvøld, metir Niels Uni. Mong øtast kanska yvir, at finalistarnir í kvøld skulu framføra eitt lag, teir sjálvir hava gjørt seinastu vikuna. Hetta sær Niels Uni ongan trupulleika í. – Hevur tú professionel fólk kring teg, so er tað eingin trupulleiki. At skapa eitt gott lag krevur evni, íblástur og arbeiðsinnsats. Eg tori eisini at gita, at tey øll hava arbeitt saman við einum lagasmiði longri enn tað seinastu vik­ una, sigur Niels Uni. rolant@sosialurin.fo Sveinur vinnur í kvøld sveinur rokkar finaluna í hús finalan – Eg gleði meg ótrúliga nógv at framføra í kvøld, tí eg elski at standa á pallinum. 15.000 fólk í salinum og tvær milliónir hyggjarar, tað verður fantastiskt, sigur Sveinur, sum lovar eitt rokkbrak í kvøld