mánadagur 26. mars 2012síða 18

Mánadagur 26. mars 2012 · Nr. 37 18 Sosialurin Hugskot og viðmerkingar – send sms til 225000 Ítróttarblaðið Hilmar Jan Hansen Tað var bara ta fyrstu løtuna, at B68 var nakað serligt við í dystinum í Gundadali í gjár, tá HB tók ímóti og skuldi vísa, at kreppuárið 2011 var lagt aftur um bak. Samstundis sum B68 vísa, at liðið við nýggjum styrki var ført fyri at blanda seg upp í tann endan á kappingini, har tað er stuttligast. Í so máta dumpaðu toftamenn so dyggiliga, samstundis sum heimaliðið stóð royndina. Men tað var tó ikki við toppkarakteri, tí hevði HB veruliga havt hvest sær vápnini undan dystinum, høvdu fleiri av málunum verið komin fyri steðgin. Tá tóktist tað tó, sum vóru royndirnar hálvhjartaðar ella bara ikki nóg góðar, tí hóast Hans Jørgensen ofta kom fyri, var sjáldan talan um stórvegis bjargingar. Málmaðurin í hinum endanum, Teitur Gestson, hevði ikki tað heilt stóra at gera, tí tað var ikki fyrr enn eina ferð í seinna hálvleiki, at B68 brádliga fekk ein málmøguleika, ið var so einsamallur, at fáur minnist hann í morgin. Og hinvegin munnu teir brendu ella søplaðu hjá HB heldur ikki koma í søgubøkurnar. Eftir fyrstu trý korterini, har HB stútt og støðugt setti seg á alt spælið, men bara ikki fekk nakað mál, lá líkasum í luftini, at nógv skuldi broytast hjá gestunum, skuldu teir sleppa upp í part eftir steðgin, meðan tað hjá HB helst bara ráddi um at vísa tol og halda fram upp á sama máta. 2011 farið í søguna Tað vísti seg eisini, at B68-liðið opin­ bart hevði trupulleikar, ið ikki bara kundu loysast við teimum røttu orðunum í steðginum, tí støðan bara versnaði, longur tað leið út á dystin. Og sjálvt eftir at Fróði Benjaminsen hevði fingið seinna gula kortið og var farin av vøllinum, megnaði HB enn eina ferð at skjóta mál, so maktbalansan veruliga var skorin í relieff. Hetta var sum at síggja dreingir spæla grís upp á eitt mál! Ikki vóru meira enn tríggir minuttir farnir av seinna hálvleiki, so hevði Christian R. Mouritsen snarað sær á á brotsteigarmarkinum og sent bóltin í máli, dygst úti við stongina. Og tíggju minuttir seinni hevði Fróði seinasta fótin á eftir hornaspark, eitt sindur av trunkaspæli og eina hálvbjarging. Og smáar 20 minuttir fyri tíð bleiv sera væl upplagdi Andrew av Fløtum blankafríur og skoraði til 3-0. So var tað, at Fróði Benjaminsen eitt korter fyri tíð fekk sítt seinna gula kort fyri eina ófantaliga takling, og av tí at hann hevði brúkt seg til eitt gult kort nakað frammanundan, mátti hann fara av vøllinum og lata hinar um rest. Tað kláraðu teir nú fínt, tí sjey minuttir fyri tíð staðfesti Símun Samuelsen 4-0 sigurin hjá HB, ið lættliga kundi verið væl størri. Her var púrt eingin mótstøða, og meðan toftamenn vóru tungir og seinir, vóru havnarmenninir lættir á fótum og funnu framúr væl hvønnannan. Hóast styrkin hjá HB neyvan kundi mátast púra álítandi eftir hetta avrikið, bendir alt á, at 2011 er farið í søguna sum eitt ordans rakár, og at 2012 helst verður spælt í hinum endanum á stigatalvuni. hilmarjan@sosialurin.fo Grísur í Gundadali Fótbóltur Tað sást longu í fyrra hálvleiki, hvønn veg tað gekk, og tá HB fekk hol á eftir steðgin, megnaði tunga og seina B68-liðið einki at gera fyri at forða stórtapinum – Hetta var ikki gott. Vit vóru alt ov vánaligir í verjupartinum, og álopið gekk heldur einki. Her er nógv at arbeiði við hja okkum, staðfesti ein av nýggju spælarunum hjá B68, Jústinus R. Hansen, ið saman við Einari T. Hansen og Christian Høgna Jacobsen er farin úr Runavík út á Toftir at spæla. – Tað er kanska ein í so bílig umbering, at liðið ikki er nóg væl samanspælt, men tað er nokk ein orsøk til, at tað ikki gongur hjá okkum, men tað man fara at koma. Í dag fluttu vit okkum ikki nóg nógv fyri hvørjum øðrum og vóru heldur ikki nóg tættir í HB-arum, sum eru óførir og hava góðar bóltspælarar. Vit mugu vera tættari í mótstøðumonnunum og arbeiða harðari. Jústinus ásannar, at hetta var slett ikki tað, sum B68 ætlaði undan ferðini í Gundadal, men at nú ræður um at koma víðari: – Vit mugu bara koma uppaftur við høvdinum og kempa víðari, so skal spælið nokk koma. Hetta var ikki tað, vit høvdu satsað uppá, men hetta er tað, sum kann henda ímóti HB, um teir sleppa at spæla sítt spæl. hilmarjan@sosialurin.fo – Frá byrjan hava vit í ár valt at spælt bólt, tí tað er tað, vit duga best, meðan vit síðstu árini hava gjørt í so nógv við at finna avgerandi sendingina, ta longu afturum. Í hálvleikinum í dag kundu vit staðfesta, at vit høvdu havt nógvar kjansir, og vit samdust um at halda fram, tí so skuldu vit nokk sleppa ígjøgnum verjuna hjá teimum fyrr ella seinni. Tað sigur Vagnur Mohr Mortensen, ið er sera fegin um góðu byrjanina, HB fekk hetta kappingarárið, tá havt verður í huga, hvussu illa tað gekst í fjør. – Ja, hetta er ein dreymabyrjan hjá okkum, men nú skulu vit eisini í gongd aftur. Hatta í fjør er farið, tí tað kunnu vit ikki brúka til nakað. Vit skuldu vinna í dag, tað var eitt krav, og hjá okkum ræður um at vinna heimadystirnar og royna at vinna útidystirnar eisini, sigur hann. – Henda dystin var tað soleiðis, at í fyrra hálvleiki lógu teir og bíðaðu eftir okkum, men vit høvdu tol. Tá teir so í seinna hálvleiki komu longur fram á vøllin, blivu stór hol allastaðni, so vit funnu væl hvønnannan og kundu sleppa ígjøgnum. Vit vunnu eisini teir næstu bóltarnar, sum vit ikki vunnu so nógvar av í fjør, so tað var bara gott. Hetta krevur hart arbeiði, men eg havi góðar vónir. hilmarjan@sosialurin.fo Ikki nóg gott Hetta duga vit best HB var við yvirlutan í øllum lutum, tá B68 í gjár varð sent heimaftur við einum 4-0 tapi í skjáttuni, og alt bendir á, at HB av álvara hevur rist kreppuárið 2011 av sær