mánadagur 2. apríl 2012síða 20

Mánadagur 2. apríl 2012 · Nr. 40 20 Sosialurin Hugskot og viðmerkingar – send sms til 225000 Ítróttarblaðið Hilmar Jan Hansen Tað gongur við rúkandi ferð framá hjá 20 ára gomlu Bjørk Herup Olsen yviri í USA, har hon bæði gongur í skúla og ger nógv við renningina. Eftir at fyrsta ár hennara í Greenville í North Carolina var eitt vónbrot, tí hon ikki tók seg fram, hevur hon nú veruliga fingið ferð á og støðuga framgongd. Hetta sást veruliga aftur fríggjakvøldið, tá Føroya fremsti kvinnuligi rennari tey síðstu árini enn eina ferð gjørdist tann fyrsta at koma niður um eina ávísa tíð. Hesa ferð gjørdist hon fyrsta føroyska kvinna, sum kom undir 37 metrar á 10.000 metra teininum. Tað gjørdi hon í eini kapping í North Carolina, har tíð hennara bleiv 36.58,27 minuttir, sum er ein stór betring av hennara egna føroyska meti upp á 30 sekund. Tað metið setti hon í fjørsummar á Oyggjaleikunum á Isle of Wight, har hon vann silvur. Sum skilst, var Bjørk ikki ordiliga nøgd við renningina, hóast hon fekk skorið nógv av tíðini og sett sannførandi met, tí longu eftir fyrstu 5.000 metrarnar fekk hon trupulleikar við tjúkkanum, og hesir trupulleikar darvaðu hana síðsta helmingin av renningini fríggjakvøldið. Bjørk Herup Olsen, sum eigur yvir 10 føroysk met í bæði innandura og uttandura renning, hevur bara í ár gjørt fleiri ferðir vart við seg. Á eini stevnu í Ohio í februar bøtti hon sítt egna met á 5.000 metrum við næstan hálvumøðrum minutti, og eisini bleiv hon í einari kapping í Pennsylvania í januar fyrsta føroyska kvinna, sum rann 3.000 metrar upp á minni enn 10 minuttir. hilmarjan@sosialurin.fo 07 Vestur, AB, B71 og Skála eru feløgini, sum hava møgu­leika at vinna tey bæði upp­flytingar­ plássini til bestu deildina. Í viku­skift­inum var fyrsta umfar í næst­bestu deildini, og tað vóru AB, B71 og 07 Vestur, sum løgdu bragdligast fyri. AB vann 3-0 á útivølli ímóti teimum næst­bestu hjá NSÍ, og B71 vann 2-1 á Skála. Bogi Hermansen skoraði sigurs­málið fyri sandoyingar í síðsta minutti! Størsta sigurin av øllum vunnu teir næstbestu hjá Víkingi, sum høvdu vitjan av teimum næstbestu hjá KÍ. Næstbesta liðið hjá Víkingi plagar at spæla í Leirvík, men har er vøllurin so mikið skaddur, at tað ikki ber til at spæla á honum. Úrslitið millum teir næstbestu hjá EB/Streymi og HB var 2-2, eftir at heimaliðið var framman­ fyri við tveimum málum, inn­ til tað restaðu 26 minuttir. 07 Vestur vann í gjár 2-0 á Svanga­ skarði. Merkisvert var tað , at fýra spælarar sóu reytt í fyrsta umfari. Leygardagin 31. mars EB/Streymur-HB 2-2 (1-0) 1-0: Hanus Olsen 2. 2-0: Arnar Dam 54. 2-1: Søren Samuelsen 64. 2-2: Bárður Guttesen 88. Reytt kort: Predrag Markovid, HB, 90. NSÍ-AB 0-3 (0-1) 0-1: Leivur Holm Joensen 15. 0-2: Bjartur Kjærbo 53. 0-3: Dan Petersen 75. Víkingur-KÍ 5-0 (4-0) 1-0: Sverri Jacobsen 1. 2-0: Joseph Bassene 21. 3-0: Sverri Jacobsen 23. 4-0: Sverri Jacobsen 41. 5-0: Per Gregersen 85. Skála-B71 1-2 (1-0) 1-0: Ólavur Mikkelsen br 26. 1-1: Jónberg á Mýrini 48. 1-2: Bogi Hermansen 90. Reytt kort: Jákup Jacobsen, Skála, 81. og Cristian í Garði, B71, 90. Sunnudagin 1. apríl B68-07 Vestur 0-2 (0-1) 0-1: Ragnar Nattestad 31. 0-2: Jóhan Selfoss 57 Reytt kort: Jákup S. Olsen, 07 Vestur, 76. (2 gul) Favorittarnir fastir á fóti Fótbóltur Trý av teimum fýra, sum kappast um uppflytingarplássini, vunnu fulla úrtøku á útivølli, tá ið næstbesta deildin fór á rull Enn er nógv eftir av árinum, men longu hevur Bjørk Herup Olsen sett fleiri góð føroysk met í kappingunum yviri í USA Mynd: Álvur Haraldsen Bjørk setti met Renning Fríggjakvøldið eydnaðist Bjørk Herup Olsen í einari kapping í USA at gerast fyrsta føroyska kvinna, sum rann 10.000 metrar upp á minni enn 37 minuttir