mikudagur 4. apríl 2012síða 43

nr. 41 · 4. apríl 2012 11 Páskablaðið Pippi og vinir hennara. Páskaprýði Tað er lætt og stuttligt at síggja eggini í eggjabakkanum broytast til fittar høsnarungar. Set teir í urtapottarnar, hong teir upp í vindeygað ella sum her á eina nælandi grein Tú skalt nýta: Egg - so nógv, sum tú hevur hug at gera Vatnlitir Svarta týssj ella eygu við lími á baksíðuni (fáast m.a. í 2x3 og ymsum bókhandlum) Karton Gulltráð Svávulpinnar Soleiðis gert tú: Stikk eitt lítið hol í tann spíska endan á egginum við eini grovari stoppinál ella eini kjøtnál. Stikk síðani eitt lítið hol í runda endan á egginum. Her má onkur vaksin helst hjálpa til, um børnini eru smá, tí skjótt er til, at eggið brotnar millum smáu hendurnar. Blás eggið út. Um tað er torført, royn so varliga at gera holini eitt lítið sindur størri. Mála eggini. Vit hava nýtt gult og appelsingult, men allir pastellitir hóska til páskirnar – tað er bara at royna seg fram. Tekna eygu á við svørtu týssjini ella líma keyptu eyguni uppá. Klipp veingir, bukka innasta partin og líma teir inn móti egginum. Klipp nev, og líma »undirnevið« inn móti høsnarunganum. Nú er bara eftir at bróta ein svávulpinn, so stykkini eru umleið 1 cm til longdar, binda gulltrá um miðjuna á stykkjunum, og stinga eitt petti við trái niður í holið á høvdinum á høsnarunganum. Tá svávulpinna-petti liggur tvørt fyri holið inni í egginum, kanst tú heingja høsnarungan upp. Prýðiligt og páskaligt