hósdagur 4. mars 2004síða 8

Nr. 44 • hósdagur • 4. mars 2004 • 78. árg. Í sambandi við at VR Bilar nú umboða svensku JOAB útgerð- ina til lastbilar, var skipað fyri einum lastbilatiltaki á báta- savninum í Leirvík seinasta mikukvøld. Umleið 70 mans frá ymiskum stovnum og fyritøkum møttu hetta kvøldið BILAR Magnus Gunnarsson maggi@sosialurin.fo Mikukvøldið 25. februar skipaðu VR Bilar í Havn fyri einum lastbilakvøldi á bátasavninum í Leirvík. Umleið 70 mans ymsa- staðni frá møttu hetta kvøldið í kavaveðrinum. Uttan fyri stóðu fleiri ymiskir Volvo lastbilar, trailarar, tangabilar og bilar viðskiftilast, teir stóðu har sum framsýningarbilar. Stjórin á VR Bilum, Sverri Steintún, beyð væl- komin og segði frá um avtaluna, teir høvdu gjørt við svensku JOAB fyritøk- una. Gestirnir fingu smyrji- breyð og høvið at tosa saman, meðan ein filmur um nýggja Volvo FH eisini varð vístur. Síðan fekk sølumaðurin hja JOAB, Jens Jensen, orðið. Jens er hálvur føroy- ingur og hálvur dani. Hann hevur búð í Svøríki síðan 1951 og arbeitt í fyritøkuni síðan 1969. Hann greiddi frá, at fyri- tøkan varð stovnað av Jan Olsson í 1963, harav navn- ið JOAB. Fyritøkan hevur speciali- serað seg í at gera skifti- lastsskipanir til lastbilar, soleiðis at teir kunnu skifta ímillum ymiskar lastir, byngjur o.a. Teir gera skifti- lastsskipanir v. króki til bilar í støddum frá 5 til 24 tons. Eisini gera teir lastbilar klárar við at montera kran- ar, skermar og ymiskt ann- að sum kundarnir ynskja. Teir levera bilar til Skandi- navia, Norðurlond og nógva staðni í Evropa. Hjá JOAB arbeiða umleið 100 fólk. Sofus Gregersen frá KJ- Hydraulik á Kambsdali, ið umboða Palfinger-kranar, greiddi síðan frá teirra ar- beiði við lastbilum. Um- framt at teir selja og mon- tera kranar, eru teir eisini serfrøðingar innan hydrau- lik, og teir eru væl útgjørdir til at gera umvælingar og umbygging av lastbilum. Seinni var farið útum at hyggja at teimum ymisku lastbilunum, hvussu alt virkaði í praksis, hvørjir møguleikar vóru við t.d. kranunum og skiftilasts- skipanum, byngjur vórðu lyftar av og á lastbilarnar. Eisini var høvið at seta spurningar. Eitt áhugavert og hugna- ligt kvøld endaði við kaffi og VR-lagkøku. Teir sum komnir vóru úr Vágum skundaðu sær heim, áðrenn Leynatunnilin lukkaði kl. 23.00, og teir sum skuldu til Klaksvíkar fóru við Ternuni kl. 22.45. Lastbilakvøld á báta- savninum í Leirvík Sverri Steintún, stjóri á VR Bilum, beyð vælkomin, og segði frá um avtaluna teir høvdu gjørt við JOAB í Svøríki Mynd: Álvur Haraldsen Sofus Greger- sen, frá KJ- Hydraulik á Kambsdali, greiddi frá teirra arbeiði við lastbilum Mynd: Álvur Haraldsen Møguleiki var fyri at síggja hvussu skiftilastskipanin virkar í praksis Mynd: Álvur Haraldsen Jens Jensen frá JOAB greiðir her Gunnari Dølum frá skiftilastskipanini Mynd: Álvur Haraldsen 15 14 Nr. 44 - 4. mars 2004 Tað henda so stórar broytingar bæði hjá landi og kommunum, at vandi fyri upp- sagnum lúrir, sigur Starvsmannafelagið ALMENN STARVSFÓLK Áki Bertholdsen aki@sosialurin.fo – Enn er ikki talan um uppsagnir. Men vandin lúrir. Gunnleivur Dalsgarð, formaður i Starvsmanna- felagnum ætlar sær at verða á varðhaldi í komandi tíð- um. Á aðaldundinum hjá Starvsmannafelagnum leygardagin, greiddi hann fundarfólki frá teimum stóru broytingunum, sum eru hendar og fara at henda, bæði hjá landinum og hjá kommununum, har Starvsmannafelagið hevur nógvar limir. Setti tryggleikan til viks Formaðurin í Starvsmanna- felagnum helt, at tað kundi sloppist undan trupulleik- um, um Anfinn Kallsberg hevði víst meiri ábyrgd, tá ið hann útskrivaði Løg- tingsvalið. – Tað kann ikki góð- takast, at fíggjarlógin ikki varð gjørd, áðrenn avgerð- in um nýval varð tikin, tí øll vistu, at tíðirnar fóru at versna segði Gunnleivur Dalsgarð. – ikki minst er hetta løgið og ørkymlandi, tá ið hugs- að verður um, at avgerðin um nýval eina og aleina bygdi á persónlig viður- skifti, legði hann afturat. Hann sigur, at hetta hevur eisini sett síni spor á gongdina at skipa ein fíggj- arligan karm, tí nýggja samgongan skuldi at kalla byrja av nýggjum. Hann sigur eisini, at fráboðanir frá samgonguni benda eisini á, at tað verð- ur ein ein tungur burður at gera eina fíggjarlóg. Hetta fer eisini at hava við sær ó- greið viðurskiftir við sær og fer at gera, at ótryggleiki fer at valda alt árið. – Ongin ivi er um, at hetta eisini kann órógva og hava sera óhepnar avleið- ingar fyri limir okkara. Og seinasti boðskapurin frá løgmanni er eisini, at vit kunnu vænta uppsagnir í komandi tíðum, segði Gunnleivur Dalsgarð. Hann segði, at øll hava krav uppá at fáa tryggleik- an og virðingina aftur í há- sæti. Og hann vónaði at nýggja løgtingi og lands- stýri, fær hetta aftur á rætt- kjøl. Leggja alla orku í Gunnleivur Dalsgarð vísir eisini á, at vit nú hava fingið tvey ráð færri í al- mennu umsitingini. Eisini hetta fer uttan iva at hava munandi broytingar við sær, kanska við uppsagn- um. Hann helt, at tað er ein trupul spurningur at loysa, tá ið arbeiðsøki hvørva og starvsfólk kanska verða til avlops. – Men tað er rættuliga greitt, at sjálvt um aðalráð- ini eru færri, verða arbeiðs- uppgávur óbroyttar. Tí er at vóna, at størv ikki detta burtur, men at loysnin verður heldur, at fólk verða flutt í onnur størv. – Hetta er eisini hent. Hetta verður sjálvsagt ikki uttan trupuleikar, men vit fara so at leggja alla orku í at forða fyri, at broyting ikki fer at hava óneyðugar uppsagnir við sær, segði formaðurin í Starvsmanna- felagnum á aðaldundinum. Men hann segði eisini, at Starvsmannafelagið mátti vera á varðhaldi, tí nógv ar- beiðspláss eru mannað við hálvum og heilum akadem- ikarum. – Vit mugu verða vakin, so at okkara limir ikki verða skumpaðir út og arbeiðsøkini verða yvirtik- in av hesum kreftum, segði Gunnleivur Dalsgarð. Hann segði, at felagið fór eisini at venda sær til løg- mann fyri at gera støðuna greiða fyri honum. og hann helt eisini, at tað var sjálv- sagt, at myndugleikarnar ikki fara framm eftir fummum her, men seta seg í samband við allar avvarð- andi partar, áðrenn nøkur avgerð verður tikin. Hann vísti eisini á, at samanleggingin av komm- ununum, kann ávirka lim- irnar hjá Starvsmannafel- agnum. – Uppgávur, sum áður hava ligið undir landinum, vera uttan iva fluttar í kommunala umsiting. Hetta kann hava óhepnar avleiðingar við sær fyri tað einstaka starvsfólkið. – Tí er beinleiðis neyð- ugt, at Starvsmannafelagið og onnur fakfeløg, verða tikin við uppá ráð, áðrenn endaliga er stungið út í kor- tið. – Hetta ger seg eisini galdandi í teimum førum, tá almenn arbeiðspláss verða flutt úr einum til ann- an part av landinum. Hann sigur, at Starvs- mannafelagið hevur gjørt landsins mynduleikar var- ugar við hesi viðurskiftir áður. Men tað er synd at siga, at teir hava lurtað nóg væl. – Vit vóna at nýggju fólkini í landsins stýri fara at geva hesum spurningi størri ans og ikki taka illa undirbygdar avgerðir, yvir høvdinum á starvs- fólkunum, segði Gunn- leivur Dalsgarð fyri aðal- fundinum. Havnin stýrir øllum Formaðurin fýltist eisini á, at kommunurnar eru so truplar at samstarva við, tær alla tíðina lovprísa starvsfólkunum og fortelja, hvussu stórt álit og virðing, tær hava fyri tí arbeiði, starvsfólkini gera. – Trætan við Tórshavnar kommunu um jarðarferðir og læknaørindi, eru aftur ein staðfesting av hvussu ómetaliga torført, fyri ikki at siga vónleyst, tað er at samstarva við kommunur- nar. Gunnleivur Dalsgarð sigur, at í veruleikanum eru kommunurnar stýrdar frá ovastu leiðsluni í Tórs- havnar kommunu, tí tað, sum Tórshavnar kommuna fer, breiðir seg um alt land- ið, samstundis sum umsit- ingin í kommunala arbeiðs- gevarafelagnum hyggur at, uttan at gera nakað sum helst við at fáa viðurskiftini í rættlag. – Her lekur milt sagt í- millum teori og praksis, sigur formaðurin í Starvs- mannafelagnum á aðal- fundinum. Leygardagin hevði Starvsmannafelagið að- alfund á Platform. Har varð Gunnleivur Dalsgarð afturvaldur til formann í Starvsmanna- felagnum. Hóast onki mótval- evni er, skal atkvøðast og formaðurin skal hava yvir 50% av atkvøðnum. Tað fekk Gunnleviur Dalsgarð væl og virði- liga Nevndarlimirnir Heini Joensen og Súni Selfoss stóðu fyri vali, og eisini teir vórðu afturvaldir. Til eykalimir vórðu vald Eimi Fossdalsá og Kartni Ravnsfjall. Aðalfundurin sam- tykti eisini eina lóg, sum hevur til endamáls at styrkja Starvsmannafel- agið. Higartil hevur bara formaðurin verið løntur formaður. Men nú hevur aðalfundurin samtykt, at eisini onnur í felagnum, kunnu fáa løn í styttri tíðarskeið til ávísar upp- gávur Beint eftir aðalfundin í Starvsmannafelagnum varð eisini aðalfundur í Samlagstryggingar- grunninum. Har varð eisini nevndarval á skránni, og allir tríggir: Gunnleivur Dalsgarð, John Kjær og Jákup Danielsen vóru aftur- valdi í nevndina fyri Samlagstryggingar- grunnin. Stúra fyri uppsagnum Øll afturvald – Enn er ongin uppsagdur, men tað henda so stórar broyhtingar, at vasndin lúrir og tí mugu vit øll vera á varðhaldi, segði Gunnleivur Dalsgarð, formaður í Starvsmannafelagnum á aðalfundi í felagnum leygardagin Savnsmynd C M Y K 14