fríggjadagur 20. apríl 2012síða 43

nr. 46 · 20. apríl 2012 7 VIKUSKIFTI Hvat fekk teg at fara upp í landspolitikk? Tað var áhugin fyri politikki yvirhøvur, og so møguleikin fyri at ávirka landspolitikkin lokalt í Sandoynni Hvørji eru tíni hjartamál? Tað er sjálvandi tunnilin, sum øll vita, umframt at menna Sandoynna við arbeiðsplássum og samferðslukervinum Hvat hevði tú raðfest ovast í játtanarkarmunum? Eg hevði raðfest samferðslu ovarliga, tí hon er ein fyritreyt fyri, at útjaðarin kann trívast Hvussu fáast fólk at støðast á Sandoynni? Tey fáast at støðast við at Sandoyggin sleppur at menna seg sum restin av landinum við einum betri samferðslukervi, og fleiri arbeiðsplássum Hvat ger tú í frítíðini? Eg havi onga frítíð sum so, men eg royni at spæla fótbólt Hvussu heldur tú teg í form? Tað er partvís við at spæla fótbólt, men so eri eg eisini bóndi, og gangi tí rættiliga nógv í haganum Er tú til føroyska náttúru ella suðurlendskar strendur? Bæði, men serliga til føroyska náttúru. Mær dámar ótrúliga væl at ganga úti í førysku náttúruni Hvat er tað besta, tú fær at eta? Føroyskur matur Hvat er besti filmur tú hevur sæð? Schindler’s List Hvør árstíðin er hin besta? Heystið, tá slaktið er fyri Er føroyskt tilfeingi stórur partur av matarborðinum? Mítt matarborð er so at siga útilokandi føroyskur matur. Keypi næstan ongan mat. Hvør bók liggur á náttborðinum? Eingin Er tú framvegis uppi í politikki um 10 ár? Tað er sjálvandi trupult at siga. Mær dámar hetta væl og hetta er spennandi, eisini gevandi. Stórt trýst er á viðhvørt, so man skal verða av serligum stoypingi, fyri at klára tað. Men stendur tað til mín, verið eg framvegis uppi í landspolitikki um 10 ár Fjølmiðlarnir liva væl og leingi av deyðanum, deyðanum hjá øðrum, ikki blaðdeyðanum. Altíð er onkur vanlukka ella onkur beistagerð at minnast aftur á og hátíðarhalda. Tíggjunda hvørt ár verður nógv gjørt burturúr. Men tá hundrað ár eru farin, verður fest í tað heilt grova fýrverkið og alt jólaskreytið verður slongt upp um allar geilar, teigar og antennur. Nú vóru so hundrað ár síðani flótandi, í nakrar dagar, stættarsamfelagið Titanic rendi á og sakk. Meðan djassliðið spældi lívsjáttandi tónar, sum frystu úti á ovasta dekki. »I am sailing« var ikki uppfunnið tá, tey fingu ikki dupultan deyðadóm. Og smokingsklæddir menn drukku whisky við ísi í og reypaðu og taldu pengar og spældu kort, fyrst »Bridge over trouple water«, men so Svartaper til korthúsið rapaði og skolaði burtur saman við bjargingarvestunum. Sjómansvísan »Leið meg enn eina ferð út á dekkið« var heldur ikki til tá, so hana sungu teir ikki í amerikanskari týðing. Sniðgevingin hóskaði ikki til ping­vin­búnan, so bjargingar­ vesturin slapp at liggja. Brúk var heldur ikki fyri honum. Arrogansa hevur altíð, og hevði eisini tá fyri hundrað árum síðani, ein stíl, sum ikki varð brotin. Heldur ikki, tá deyðin stakk inn á dúrkið. Nógvar aðrar vanlukkur á sjónum kravdu nógv fleiri manna­lív enn handan, men eingin milliardingur doyði har. So tær eru ikki so gott infotainment sum Titanic. Ella annar heimsbardagi. Tori ikki at hugsa um 2039 ella 2045. Men ta miðlaveitsluna verði eg ikki boðin til, tí tá eri eg deyður. Og tað fer eingin at hátíðarhalda ella at minnast. Nú fingu miðlarnir tíbetur høvi at gera Titanic burtur av sær, áðrenn ein annar darling hjá teimum, ein sera avgjørdur og ágrýtin norðmaður, skal framat. Tíggju ferðir um dagin í tíggju vikur fara vit nú at hoyra um Breivik. Í staðin fyri, at hann bara gjørdist nummar 70 har á Utøya. So var sloppið, ikki hjá honum, men øllum øðrum. Effektivitetur eyðkennir ikki rættarsamfelagið og fólkaræðið. Ikki sami effektivitetur sum tann hjá teimum, sum spæla við tey og bjóða teimum av. Sum tað ljóðar so smikursøtt: øll hava rætt til eina rættvísa viðferð. Men fólkið, fjøldin, elskar undir­hald. Drep eina rúgvu av fólki, og tú fært títt egna reality­ sjóv í heimsins sjónvarpi. Øll spæla við. Eingin minnist tey, sum bjarga mannalívum. Líkteljingin ræður. Og so aftur í 2021, 2031 og so framvegis og so framvegis. Og í 2111 kemur so tað heilt stóra brakið. Segði annars nakar nine­ eleven? Heimatíðindi: álmanakkin er gjørdur í einari aðrari tíð enn okkara. Einari med alla farnari tíð. Hann er tí als ikki tíðarhóskandi longur og krevur broytingar. Jólaaftan eigur at vera 24.oktober. So kann jólasølan byrja í juli. Summarmáli, sum nú er á hávetri, skal flytast til 14.juli. Tá er vandin fyri frosti og kava minstur. Páskirnar eiga at vara í tvær vikur í staðin fyri hálva aðru, tí tá hátíðarhalda vit, at ein doyði. Flaggdagurin verður altíð sunnudag og eisini allir hinir frídagarnir, sum liggja og slongjast aftur og fram í vikuni. Allir sunnu­dag fyri at sleppa undan yvirtíð. 1.mai verður strikaður sum arbeiðaradagur, tí hann hava øll gloymt og stættarstríðið er tapt. Kvinnudagurin verður strikaður, tí hann er brot á javn­ støðu­lógina. Ella skal hann eita fólka­dagurin. Og í Føroyum fær Dýri biðidagur navnabroyting til Dýrasti biðidagur. Líkteljingin heldur fram hvønn álmanakkadag. Infotainment. Umafturafturum høgni djurhuus Móðurmálsviðursløn 2012 Brandur Sandoy lagt til rættis: Leo Poulsen Útilokandi føroyskur matur á borðinum Tað sigur Brandur Sandoy, sum umframt at vera tinglimur og borgarstjóri, eisini er bóndi á Sandi. Í politikki brennur hann fyri at menna Sandoynna, og besta árstíðin er heystið, tá slaktið er fyri Breitanic