mánadagur 23. apríl 2012síða 11

11 Mánadagur 23. apríl 2012 · Nr. 47 Sosialurin Hugskot og viðmerkingar – send sms til 225000 Flaggdagin fyllir Árni Olafs­ son sjeyti. Árni varð føddur suðuri í Vági tann 25. apríl 1942, son­ur Halldor Olafsson og Lenu, fødd Danielsen. Hann er giftur við Annu fødd Jo­ hannesen, á Skála. Tey eiga dótrina Malan. Árni tók realprógv í Vági í 1958 og studentsprógv í Havn í 1960. Foreldrini fluttu til Havnar, so Árni búði barnaárini í Vági og ung­ dóms­árini í Havn. Hann man longu tíðliga hava havt hug at leita út um eingjargarðarnar, tí hann fór á málskeið í Ong­ landi, áðrenn hann fór at lesa víðari. Tað var ikki so van­ligt tá á døgum sum nú, og eiheldur var nógvur pen­ ingur at fáa til tílíkt. Hann hevur fortalt, at hann fekk fimmhundrað krónur í studn­ingi frá landsstýrinum, og at tað gjørdi góðan mun. Sum tey flestu, ið tá fóru undir víðari lesnað, fór Árni til Danmarkar, har hann tók prógv í búskaparfrøði, cand. polit., í 1968. Hann fekk starv sum skrivari og seinni fulltrúi í Finansernes centralstyrelse, har hann starvaðist inntil hann í 1976 avloysti Einar Kalls­berg sum serkønur í før­oyskum viðurskiftum í danska uttanríkisráðnum. Árni undirvísti eisini í bú­ skap­arfrøði á Keyp­manna­ havnar universiteti og á Hand­ilsháskúlanum. Í 1980 fekk Árni far-loyvi frá starvinum í uttan­ríkis­ ráð­num og tók við sum skriv­stovu­stjóri í lands­stýr­ in­um saman við Johan Djur­ huus. Árni tók sær ser­liga av fíggjarmálum og fiski­vinnu­ sam­ráð­ingum, sum hann var serliga skikk­að­ur til við síni fíggjar­ligu út­búgv­ing og starvi í danska fíggjar­mála­ ráðnum, eins og royndunum í uttanríkismálaráðnum. Hetta starvið røkti Árni inntil 1984, tá hann fór aftur í starvið í uttanríkisráðnum. Nevnast kann, at Árni hevur givið eina sera lesiverda frágreiðing um upplivingar sínar hesi fýra árini í landsstýrinum í teirri annars á mangan hátt løgnu ”Frágreiðingini um 80-árini”, sum løgtingið gav út í 2000, har politikararnir stórt sæð verða ”frídømdir” fyri alla ábyrgd. Árni og eg komu at arbeiða saman í 1987, tá vit vórðu bidn­ir um, saman við Jalgrími Hildu­berg, at fyrireika sam­ráðingar við donsku stjór­nina um yvir­ tøku av ráevn­un­um í før­ oysku undir­grund­ini. Í 1985 hevði ein onnur nevnd rikið nógv av donsku sjónar­mið­ unum í undir­grundar­mál­ in­um aftur, men framvegis var stjórnin lítið sinnað til at fara undir veruligar sam­ ráðingar við landsstýrið. Hetta gjørdist byrjanin til eitt drúgt og sera áhugavert sam­starv, har fjølbroyttu evnini hjá Árna veruliga komu til sín rætt. Tað ráddi á mangan hátt um at bróta upp úr nýggjum við útvegan av tilfari og undirbygging av argumentum á nógvum ym­ isk­um økjum. Hetta arbeiðið førdi til at forsætisráðharrin og løgmaður gjørdu semju í august 1988 um at farast skuldi undir samráðingar, og at ein nevnd av sakkønum við umboðum fyri báðar partar skuldi setast at fyrireika og útgreina arbeiðið. Vit tríggir gjørdust tey føroysku umboðini í hesi nevnd, og aftur her var Árni tann, ið dugdi at finna tey sakligu argumentini og orða tey á tílíkan hátt, at tey vunnu frama. Vit høvdu eitt sera gott samstarv okk­ ara millum og eisini við donsku umboðini. Hóast vit mangan stóðu langt frá hvørjum øðrum fall einki øvugt orð partanna millum. Tá so yvirtøkan varð framd í september 1992 vórðu aftur boð eftir Árna, hesaferð at vera við í tí stóra, og higartil ógjørda, arbeiði at fyrireika eina skilagóða umsiting av ráevnum í føroysku undir­ grundini. Ein nýggj nevnd av serfrøðingum framdi hetta arbeiðið bæði skjótt og væl, og longu í juni 1993 var frágreiðingin liðug og saman við henni uppskot til lóg um forkanningar av føroysku undirgrundini. Við heimild í lógini varð eitt umfatandi kanningararbeiði framt sum fortreyt fyri seinni út­vin­n­ ingararbeiði. Seinni gjørd­ist Árni formaður í Olju­ráð­legg­ ingarnevnd landsstýrisins, ið legði fram drúgt álit við upp­skoti til fullfiggjaða lóg um kolvetnisvirksemi í juli 1997. Við heimild í hesi lóg er eitt umfevnandi leit­ing­ ar­virksemi farið fram á før­ oyskum havbotni, og kom­ andi summar fer størsta bori­virk­semi higar­til í gongd. Størsta bragdið, ið Árni framdi, er kortini tað, at hann átók sær leiðsluna av donsk-føroysku nevnd­ini, ið samráddist við bretsku stjórn­ina um havbotns­mark­ ið landanna millum. Hesar samráðingar leiddi hann við einum skynsemi og toli, sum at enda førdi til eitt sera fyri­munarligt úrslit fyri Føroyar. Hóast Árni hevur búð og virkað meginpartin av lív­inum í Danmark, hevur hans­ara starv í størsta mun verið til frama fyri før­oysk áhugamál, og hetta starv hevur hann røkt á fyrimyndarligan hátt, sum vit hava honum nógv at takka fyri. Sjálvur vil eg fegin takka honum fyri gott samstarv og vinalag gjøgnum mong ár, og ynskja honum tillukku við teimum sjeyti. Halgir Winther Poulsen Nøvn Árni Olafsson sjeyti Terapi og sosialT arbeiði - Tá øll kenna øll v/Dr. Zur skeið 31. mai & 1. juni 2012 Arbeiðir tú innan sosiala ella sálarfrøðis- liga øki? Merkir tú av og á, at tað er tor- ført at hava klientar ella viðskiftafólk, ið tú hittir undir meiri privatum umstøðum? Hvussu skalt tú handfara problematikk- in? Hvussu skalt tú t.d. fyrihalda teg, tá tú hittir tínar klientar í lokalu ítróttar- veitsluni? Í hvussu stóran mun kanst tú uppføra teg, sum tú hevur hug til? Eigur tú at taka atlit til, at klientar eru millum gestirnar? Í nýggju talgildu øldini hevur ein nýggj avbjóðing eisini stungi seg upp hjá terapeutum og fólkum, ið arbeiða við líknandi arbeiði. Googlar tú t.d. tínar klientar? Kanst tú verða vinur við tínar klientar á Facebook? Hvar gongur markið? Og kanst tú kanska nýta Skype til terapiforløb? Hvussu eigur tað at ganga fyri seg? málbólkur Psykologar, terapeutar, sosialráðgevar og onnur sum fáast við at veita sálar- frøðiliga- og sosiala hjálp. TilmelDing Tekna teg og les meiri um skeiðið á heimasíðu okkara - www.synergi.fo - ella ring 322355. OBS! Tilmeldingarfreistin er broytt til 7. mai 2012. Synergi | Tvørgøta 13 | 100 Tórshavn | Tel. 322355 | Fartel. 227464 | www.synergi.fo | synergi@synergi.fo