mánadagur 23. apríl 2012síða 17

17 Mánadagur 23. apríl 2012 · Nr. 47 Sosialurin Hugskot og viðmerkingar – send sms til 225000 Ítróttarblaðið Hondbóltsfinalan kvinnur ans verja borg og at hann tískil tók seg aftur sum venjari. Tað gingu bara nakrir fáir dagar, áðrenn Neistin boðaði frá, at nýggjur venjari var settur. Talan var um vestmenningin Kára Durhuus, sum hevði røkt ymiskar venjarauppgávur í KÍF, men nú leitaði sær til Havnar at standa á odda hjá kvinnuliði Neistans saman við Sigruni Mikkelsen, sum eisini var hjálparvenjari undir Birgiri Hansen. Tað gekk strúkandi hjá nýggja venjaraparinum frá byrjan. Fýra teir komandi dystirnar vann Neistin, og ein av teimum var ein søtur 33-29-sigur á argastu kapp­ ingarneytunum úr Stjørnuni. Skift­ini á venjarabeinkinum kunnu tískil bara tulkast sum at ikki hava nerv­að ella ávirkað hópin á nakran hátt, og at tað bara hevur gingið ein veg síðani. Ræðandi styrki Tað vitnar um ræðandi styrki og trivalig avrik, at Neistin í 24 lands­ kappingardystum bara mátti boyggja seg tríggjar ferðir. Tá ið tað so kom fyri, so var tað við í mesta lagi tveimum málum, so talan var ongantíð um nakran avsmurning. Telja vit báðar finalurnar við, so vann Neistin heili 23 av teimum 26 dystunum. Fyrsta tapið var ikki fyrr enn 16. desembur, tá ið VB á heimavølli vann 27-25. 3. mars vann Tjaldur heima í Runavík 25-24 á Neistanum og hálvaaðru viku seinni vann Stjørnan heima í Klaksvík 31-30. Tað merkir, at eingin megnaði at nerta Neistan á heimavølli, har tær bláu vunnu allar dystirnar. Størsti sigurin kom í hús 15. januar, tá ið Neistin vann einki minni enn 43-7 á Tjaldur. Tey seks stigini á muni á SunSet- kappingartalvuni og teir báðir yvirlegnu sigrarnir í FM-finalunum strika undir, at Neistin er ein uppi­ borin Føroyameistari 2012. Sigrun Mikkelsen, sum hevur ver­ið partur av venjaratoyminum hjá Neistanum undir allari til­ gongdini, hevur bara rósandi orð at bera leikarum sínum. – Liðið hevur verið saman í gott tvey ár nú, og tær hava ver­ ið svangar eftir at vinna. Tær hava verið øgiliga grammar undir venjing og hava havt FM sum eitt mál. Tær hava verið ágrýtnar og víst styrki undir venj­ingar­tilgongdini, sum hevur borið tær á mál, sigur Sigrun Mikkelsen. Eins og nógv onnur vísa á, so metir Sigrun eisini, at verjan hevur havt ein avgerandi leiklut í hesum meistaraheitinum. – Verjan hevur verið heilt av­gerandi og Barbara Brauer er tann, sum hon er. Tað er ein samanseting av nógvum tingum. Tær hava verið arbeiðssamar og raskar, og málmenninir hava báðir eisini havt sín part, vísir hon á. Hópurin hjá Neistanum varð raktur av einum venjaraskifti í januar, tá ið Birgir Hansen takk­ aði fyri seg og Kári Durhuus varð settur ístaðin. – Tað var ein skelkur at byrja við, men vit kláraðu væl at standa saman um tað. Tey, sum vóru rundan um liðið, stóðu sam­an og arbeiddu víðari. Vit komu væl burturúr skiftinum, fingu ein nýggjan venjara og hann er komin nær inn í hópin, sigur Sigrun, sum eisini útpeikar sálarliga venjaran á liðnum sum ein av avgerandi liðunum í FM- heit­inum. – Vit hava havt Jóhonnu Andreassen sum sálarligan venj­ ara. Hon hevur fingið savnað spæl­arararnar og fingið hvønn einstakan leikara at halda fokus. Hon fekk tær sterku síðurnar fram í leikarunum og gjørdi tær klárar til finaluna. Tær høvdu nervar, ja, men í tí stóra vóru tær ógvuliga klárar og úrslitini vísa, at vit høvdu fokus á rætta stað, sigur Sigrun Mikkelsen at enda. albinus@sosialurin.fo Myndir: Norðlýsið Verjan var avgerandi Sigrun Mikkelsen: