fríggjadagur 5. mars 2004síða 4

6 Nr. 45 - 5. mars 2004 Nr. 45 - 5. mars 2004 7 Øll duga okkurt uttan fyri skúlan Føroya Handilsskúli á Kambsdali hevði opið hús fyri almenningin- um mikukvøldið. Eitt avbera væleydnað til- tak, sum fyrst og fremst hevur til enda- máls at finna evni hjá næmingum til at skapa nakað uttan fyri skúlagongdina TILTAK Solby A. Eliasen solby@sosialurin.fo Samantvinnaða tiltakið við kunning og hugnakvøldi á Handilsskúlanum á Kambs- dali er eitt tiltak, sum hevur ment seg á hvørjum ári, síðani tey byrjaðu fyri trimum árum síðani. – Endamálið er fyrst og fremst at finna onnur evni hjá næmingunum uttan fyri skúlagongdina, sigur Katrin Zachariasen, inspektørur. Hon fekk hugskotið til hetta tiltak fyri trimum ár- um síðani, tá hon var floks- lærari. Tá varð tiltakið hild- ið bara fyri starvsfólkum, lærarum og næmingum á skúlanum. Annað árið bjóðaðu tey tíggjunda flokkum við fyri at hesi kundu fáa eina mynd av, hvussu handilsskúlin virk- ar, og í ár gjørdu tey so av at hava opið hús alment. – Eg ivist ikki í, at øll vita, at vit eru her, men hetta er ein góður máti at varpa ljós á skúlan og geva fólki innlit í okkara gerand- isdag, samstundis sum tey fáa eitt hugnaligt kvøld, sigur Katrin. Hon sigur, at tað er stutt- ligt at síggja, hvussu nógv næmingarnir gera fyri eitt tílíkt kvøld, skal eydnast til fulnar. – Her fáa vit eyguni upp fyri øðrum evnum, sum næmingarnir hava, men sum ikki koma til sjóndar í dagligu undirvísingini, sig- ur hon. Hon vísir á, at øll duga eitt ella annað uttanfyri skúlan, og tað royna tey so at finna. Mótaframsýning og kunning Kvøldið byrjaði klokkan seks við kunning um skúlan og virksemið. Umsóknar- freistin til at søkja inn á skúlan er úti um 10 dagar, so hetta var eitt gott høvi til at kunna. Kunningin gekk fyri seg á tann hátt, at skúlastovur vórðu gjørdar um til eitt slag av kunningarbásum, har fólk so kundu síggja tilfar um skúlan. Og tað var ikki so lítið av tilfari, tá samanumkom. Páll Isholm, skúlastjóri, sigur, at hann heldur hetta vera eitt frálíkt hugskot, tí at á einari síðu fæst eyga á eina øðrvísi síðu av skúlan- um, meðan tann dagliga eisini kemur fram. Tá kunningin var av, har greitt var frá høvuðsupp- gávuni og marknaðarføring, byrjaði sjálvt hugnakvøldið við skemti, mótaframsýning og øðrum undirhaldi. Einir níggju handlar í Eysturoynni og úr Klaksvík luttóku á mótaframsýning- ini, og næmingarnir gingu sjálvi. Ein genta úr FHS gekk eisini í klæðum, sum hon sjálv hevði sniðgivið og seymað. Og tað var nakað, sum hugtók øll. Mótaframsýningin varð skipað á tann hátt, at hon gekk aftur allatíðina, og so vóru aðrar framførslur ímillum. Hetta gav teimum, ið gingu, betri stundir at skifta klæðir. Av øðrum framførslum hetta kvøldið kunnu nevn- ast tónleikur og sangur, framløga frá einum bólki, sum hevur arbeitt við ein- um ávísum evni og ljós- myndir, sum vórðu vístar um skúlan. Afturvendandi Hetta var sum sagt fyrstu ferð, at skúlin hevði opið hús fyri almenninginum, og vistu tey tí ikki, hvat tey skuldu vænta frammanund- an. Men heilt fitt av fólki komu á gátt, og tað fegnast tey um. – Hetta gera vit aftur næsta ár, tað er púra vist, sigur Katrin Zachariasen, inspektørur á Føroya Hand- ilsskúla á Kambsdali. Norðoyastevna mennast Klaksvík: Nevndin í Norðoya frí- tíðar og ítróttarráð heldur ikki, at norðoyastevna er nóg áhugaverd, sum er, og tí hevur nevndin gjørt av, at fundurin um stevnuna skal verða nógv fyrr í ár. Símin Michael Sørensen, ein av limunum í Norðoya frítíðar og ítróttaráð sigur við Norðlýsið, at í mong ár hevur verið tosað um at lyfta Norðoyastevnuna upp á eitt hægri og meira áhugavert støði. – Vit fara at ganga und- an, at broyta Norðoya- stevnuna og tí fara vit longu hóskvøldið í kom- andi viku at hava fund við øll feløg, sum vanliga myndað norðoyastevnu. Hetta fyri at geva feløg- unum longri skoðbrá at fyrireika tiltøk, sigur hann við Norðlýsið. Fundurin verður í bý- ráðshøllini kl. 19 hós- kvøldið. Norðoyastevna í ár er sett til at verða viku- skiftið 4., 5. og 6. juni. -sae- aaSkúlastovurnar á handilsskúlanum á Kambsdali virkaðu sum sokallaðir kunningarbasar mikukvøldið. Páll Isholm, skúlastjóri letur væl at tiltakinum Mynd: Johnard Hammer Næmingarnir fáa við hesum tiltakinum høvi til at vísa evni sum tey hava uttanfyri vanligu skúlagongdina. Mynd: Johnard Hammer Mótaframsýning var millum undirhaldið hetta kvøldið Mynd: Johnard Hammer Sissal Kristiansen greiddu frá um marknaðarføring Mynd: Johnard Hammer Tjóðveldisflokkurin brynjar seg til andstøðupolitikk Eftir seks ár í sam- gongu hevur størsti flokkur á tingi fyri- reika seg til nýggja leiklutin sum and- støðuflokkur kom- andi valskeið, og í hesum sambandi varð boðið til tíðindafund- ar hósmorgunin á Gamla Apotekið. Tjóðveldislokkurin hevur sett nýggj framsøgufólk og lagt 15 uppskot á ting komandi tingsetuna TJÓÐVELDISFUNDUR Heini í Skorini heini@sosialurin.fo Formaður Tjóðveldisflok- sins, Høgni Hoydal, vónar, at politikkurin í komandi andstøðu ikki fer at drukna í andstøðu mótvegis sam- gongu, men at talan heldur verður um ein initiativríkan andstøðupolitikk við støð- ugum íkasti til samgongu- arbeiðið. Við hesum vónum hevur Tjóðveldisflokkurin brynja seg til eitt nýtt politiskt kapitul í andstøðu við nýggjum bygnaði og 15 løgtingsuppskotum hesa tingsetuna. Omanfyri er listi prentaður við nýggju framsøgufólkum Tjóð- veldisfloksins á ymsu økj- unum umframt løgtings- uppskot Tjóðveldisfloksins. Barsilsskipan fyri lesandi Úr rúgvuni av uppskotun- um kann nevnast, at barsils- skipan fyri lesandi ikki hevur verið frammi fyrr og verður tískil áhugaverd at fylgja í løgtingsviðgerð. Í hesum uppskoti er ynski um eitt ára eyka útbúgving- arstuðul til møður undir út- búgving, meðan ein lesandi faðir kann fáa seks mánaða eyka útbúgvingarstuðul. Móðirin hevur tó møgu- leikan at geva nakað av síni tíð til faðirin, og er talan í roynd og veru um eitt sera umfatandi uppskot, sum Tjóðveldisflokkurin vónar fær góða móttøku í sam- gonguni. Uppskot til løgingslóg um barnaverndarlógina er sjálvsagt eitt sera umfat- andi og stórt øki, og er talan um sama uppskot, sum hev- ur verið frammi fyrr, tó við nøkrum tillagingum. – Á hesum øki hava vit framvegis tann hugburð, at skulu kommunurnar valda, skulu tær eisini gjalda, segði framsøgumaður Tjóðveldisfloksins á hesum øki, Páll á Reynatúgvu. Betri umstøður til tónleikarar Torbjørn Jacobsen hevði undir fundinum eisini áhugavert upplegg um menning av tónleikaum- støðunum í Føroyum. Í valdømi hansara er ikki eitt einasta spælistað til lokalu tónleikararnar, og hóast viðurskiftini í miðstaðarøk- inum eru á einari leið, eru umstøðurnar sambært hon- um út av lagi í útjaðaranum. Sum liður í økismenning- arpolitikki floksins er tískil ætlanin at gera íløgur í tónleika- og mentanarlívið. – Vit síggja, hvørji úrslit tjóð okkara hevur fingið við íløgum í ítróttin, og við einum styrktum grundar- lagið kann tað sama saktans henda á tónlistarliga økin- um, raðfesta vit rætt, segði Torbjørn Jacobsen á fundi hósmorgunin. Við at hyggja at listanum við løgtingsuppskotum sæst, at stórar og kostnaðar- miklar verkætlanir eru í hyggju á útbúgvingarøkin- um við Fiskivinnuskúlan- um í Vestmanna, Tekniska Skúla í Klaksvík og Lista- og Ítróttaskúla á Sand- oynni. Samanumtikið kann sig- ast, at Tjóðveldisflokkurin hevur brynjað seg út til komandi valskeið, og hóast flokkurin í hesi støðu neyv- an verður eins sjónligur og áður, hevur formaður floks- ins Høgni Hoydal stórar ætlanir at reka initiativríkan og virknan andstøðupolit- ikk. 04. mars 2004 Framsøgufólk Tjóðveldisflokins: Politiskt framsøgufólk: Høgni Hoydal Fullveldismál: Høgni Hoydal Uttanlands- og trygdarmál: Hergeir Nielsen Fíggjar - og búskaparmál: Karsten Hansen og Páll á Reynatúgvu (Býtið er greinað) Almannamál: Finnur Helmsdal og Annita á Fríðriksmørk (Býtið er greinað) Heilsumál: Annita á Fríðriksmørk og Finnur Helmsdal (Býtið er greinað) Vinnupolitikkur: Torbjørn Jacobsen og Heidi Petersen (Býtið er greinað) Fiskivinnumál: Heidi Petersen Vinnumál: Torbjørn Jacobsen Undirvísingar og granskingarmál: Heidi Petersen Mentamál: Torbjørn Jacobsen Løgmál og rættarmál: Finnur Helmsdal Eldrapolitikkur: Páll á Reynatúgvu Umhvørvismál: Hergeir Nielsen Samferðslumál: Páll á Reynatúgvu Javnstøðumál: Annita á Fríðriksmørk Kommunumál: Karsten Hansen Íbúðarmál: Finnur Helmsdal Landbúnaðarmál: Páll á Reynatúgvu Oljumál: Annita á Fríðriksmørk Arbeiðsmarknaðarmál: Karsten Hansen Ferðavinnumál: Páll á Reynatúgvu Kirkjumál: Annita á Fríðriksmørk Orkumál: Karsten Hansen Økismenning og útjaðaramál: Hergeir Nielsen Tingsins virki: Hergeir Nielsen Norðurlandamál: Høgni Hoydal Uppskot hjá Tjóðveldisflokkinum á tingi, mars 2004 Uppskot til løgtingslóg um broyting í løgtingslóg um útbúgvingarstuðul (barsilsskipan fyri lesandi) Uppskot til løgtingslóg um barnavernd (Barnaverndar- lógin) Uppskot til løgtingslóg um broyting í løgtingslóg um áset- ing av skatti Uppskot til løgtingslóg um yrkisskeið (útbúgving fyri fólk í vinnu) Uppskot til løgtingslóg um broyting í løgtingslóg um avgjald á framleiðslu og innflutningi Uppskot til løgtingslóg um at byggja lista- og ítróttaskúla við Meginskúlan í Sandoynni Uppskot til løgtingslóg um at byggja fiskivinnuskúla í Vestmanna Uppskot til løgtingslóg um at útbyggja Tekniska Skúlan í Klaksvík Uppskot til løgtingslóg um broyting í løgtingslóg um ítróttarvedding v.m. Uppskot til løgtingslóg um yrkisskeið Uppskot til løgtingslóg um broyting í løgtingslóg um viðgerð av persónsupplýsingum Uppskot til samtyktar um almennan málpolitikk Uppskot til samtyktar um miðvís framtøk fyri gransking, tøkni og menning í Føroyum Uppskot til samtyktar viðvíkjandi vegakervunum Skálafjørður-Strendur og Norðskáli-Oyri Uppskot til samtyktar um framtøk fyri føroyskar tónleikarar Uppskot til samtyktar um at velja umboð Løgtingsins til Norðurlandaráðið Tjóðveldisflokkurin hevði hósmorgunin tíðindafund um framtíðarætlaninar í andstøðu Mynd: Álvur Haraldsen – Vit fara at leggja stóran dent á sjálvir at koma við uppskotum og reka ein virknan andstøðupolitikk, sigur Høgni Hoydal Mynd: Álvur Haraldsen C M Y K 7 6