mánadagur 30. apríl 2012síða 11

11 Mánadagur 30. apríl 2012 · Nr. 49 Sosialurin Hugskot og viðmerkingar – send sms til 225000 Nøvn Min góði elskaði beiggi, nú eru fimm mánaðir farnir, men tað følist enn sum í gjár, at boðini komu um, at tú ikki var her meira. Várið kemur so spakuliga, men tú kemur ikki aftur. Tað verða ikki fleiri telefo­n­ samrøður at tosa, eingin Loll at ringja til, har kom eingin ávaring, sum segði, at okkara samrøða fríggjadag, skuldi verða tann seinasta. Men sunnumorgun var tú ikki her meira. Eg sakni teg so sáran. Siggi teg fyri mær sum smádrong og árini uppeftir. Tú bleiv til ein so deiligan drong og mann, róligur og álítandi, man visti altið, hvar man hevði teg. Vit blívu ikki spard fyri mótgang og sorgir, men vit komu viðari, tí vit vóru har fyri hvørjun øðrum og tað styrkti bæði teg og okkum. Tú fann tær konu av Nesi, og tú og Irma fingu eitt deilig heim saman. Eg veit, at tú tveist væl har noðruri, men ein partur var altið eftir her. Komu tit suður, var altíð fullur bilur av fiski, sum vit vóru sera takksom fyri, og vit smíltust altíð, tí tú var so tungur, tá tit fóru avstað aftur, sum um tað var eitt annað land. Men hatta var bara tú góði, sjómans lívið gjørdi, at tú ikki var so nógv heima, og frítíðin kundi ofta verða ov stutt at deila við øll. Men tú royndi og so var telefonin eitt gott amboð til kontakt. Eg kundi skrivað eina bók, men tú kemur ikki at lesa hana. Men í sorgini kann eg smíl­ast og verða takksom fyri øll góð og rík minnir, vit systk­in hava havt. Nú fækkast vit, og hetta er jú lívsins gongd, nú fór tú, í morgin er tað kanska eg, bert Harrin kennir dagarnir. Góða Irma og børnini hjá Loll. Míni orð eru so fátæk til troyst. Men eg fari at biða Gud um at styrkja tykkum øll í sorgini og sakninum. Hvíl í friði mín elskaði beiggi. Systur tín Hervør Sorg og gleði saman fylgjast, Søtt og beiskt er bland, mær lutast Blanda mær í lívsins skál Slíkt er alt mítt ævi mál. Gráti eg á nátt og degi hjálp mær Jesus, at tín gleði yvir synd og sorgum má altíð yvirlutan fá. Loll til minnis TÍÐINDASKRIV FRÁ FØROYA TELE Árið 2011 royndist væl hjá Føroya Tele. Tað vísir rokn­ skapurin, sum varð al­manna­ kunngjørdur í sam­bandi við ársaðalfundin hjá Føroya Tele fríggjadagin 27. apríl. Roknskapurin fyri 2011 vísir eitt avlop eftir skatt á 50,9 milliónir krónur. Hetta er munandi betri enn árið fyri, tá ið úrslitið eftir skatt var 7 milliónir krónur. Úrslitið er positivt ávirkað við góðum 11 milliónum krón­um frá óvanligum upp- og niðurskrivingum frá virk­ semi felagsins uttan fyri Før­ oyar. Leiðslan í Føroya Tele leggur dent á, at rokn­skap­ urin er úrslit av teimum til­ tøkum, sum eru gjørd seinnu árini. – Ein fortreyt fyri, at úr­ slitið er so nógv batnað í Føroya Tele, er tann mið­ vísa strategiska leiðin at seta kundan í miðdepilin í øllum okkara virksemi. Hetta hevur skerpað okk­ ara fokus á ta góðu tæn­ ast­una til kundan, sum er okk­ara tilverugrundarlag. Har­aftrat vísir góða úrslit­ið, at tær tillagingar og effek­ tivi­seringar, sum eru gjørdar á Føroya Tele síðstu árini, hava verið neyðugar og hava styrkt felagið. Føroya Tele er búgvið til frameftir at veita tænastur á høgum stigi við framhaldandi at menna fjar­ skiftiskervið í Føroyum og til umheimin, sigur Kristian R. Davidsen, stjóri. Í 2011 vóru íløgur gjørdar fyri umleið 30 milliónir krón­ ur til útbygging av neti og undirstøðukervi. Vinningsbýtið til eigaran, sum er Føroya Landsstýri, er 9 milliónir krónur. Sterkari og smidligari Úrslitið áðrenn skatt og av­ skrivingar, nevnt EBITDA, er 125,8 milliónir krónur í 2011; hetta er ein framgongd á 8,1 millión krónur, ella 6,9 prosent, samanborið við árið fyri. EBITDA vísir úrslitið av vanliga rakstrinum, og EBITDA-gradurin í sam­tak­ inum kom upp á 29 prosent í 2011 samanborið við 27,1 pro­ sent í 2010. Umsetningurin í 2011 var góðar 433 milliónir krónur, sum er á leið tað sama sum í 2010. Starvsfólkakostnaðirnir minkaðu 8 milliónir krónur, meðan aðrir kostnaðir einans minkaðu eitt vet. Hetta vísir, at tað góða úrslitið stavar frá, at fyritøkan er effektiviserað munandi. Føroya Tele er tískil vorðið smidligari og er betur brynjað at møta teimum av­ bjóðingum, sum framtíðin hevur við sær. – Góða úrslitið er fyrst og fremst einum stinnum starvsfólkahópi fyri at takka, tí hóast starvsfólkini eru vorðin munandi færri í tali, og tænasturnar eru vorðnar fleiri, er tað eydnast at hækka tænastustigið og økja fram­leiðsluna, sigur Kristian R. David­sen, stjóri. Eitt net í heimsflokki Føroya Tele hevur sum høv­ uðs­mál at tæna føroy­ing­um við dygdargóðum fjar­skifti. Hetta krevur eitt væl­út­bygt undirstøðukervi, sum er ein stór avbjóðing í einum fjar­ skotn­um oyggjasamfelagi við fjøllum og firðum langt frá evropeiska megin-land­ in­um. Hvussu er so støðan á hesum øki í dag? Svarið er, at Føroya Tele hevur eitt gott og framkomið net at bjóða føroyska fjar­skiftis­brúk­ar­ an­um. Breiðbandið í Føroyum røkkur út í hvønn krók; til sam­anberingar vísa tøl frá OECD, at Føroyar eru á einum áttanda plássi mill­um øll heimsins lond við út­breiðslu av breiðbandi. Før­oyar hava í dag eisini far­breið­band á landi og sjógvi; farbreið­ bandið á landi røkkum 90 prosent av føroyingum, og á sjónum røkkum farbreið­ band­ið út á 60-70 fjórðingar. GSM-netið dekkar øll øki í landinum. Førleikar flyta fjøll Fortreytin fyri einum góðum fjarskifti í Føroyum og mill­ um Føroya og umheimin eru dygdargóðir sjókaðalar. Í dag eru ikki færri enn trígg­ir sjókaðalar út í heim, har Før­ oya Tele eigur tveir teirra. Alt 2011 var arbeitt við at yvirtaka Cantat3-kaðalin fra 1994, sum bindur saman Ísland, Føroyar, Danmark og Týskland, og samstundis gera avtalur við altjóða oljufeløg í Norðsjónum um at vera knýtt upp í kaðalin. Hetta arbeiðið bar á mál fyrst í 2012. Við hesum er uttan­lands­ samskifti føroyinga betur tryggjað móti kaðalsliti, sam­stundis sum Føroya Tele hevur fingið eina týðandi og munadygga inntøkukeldu í Norðsjónum næstu 15 árini. At útbyggja og reka fjar­ skiftisnetið í Føroyum og at útvega sjókaðalar út í heim er ein kostnaðarmikil og krevj­ andi uppgáva, sum Føroya Tele tekur í størsta álvara. – Vit eru errin av, at vit kunnu veita føroyingum fjar­skiftistænastur á høgum stigi. Vit eru errin av, at vit hava fleiri sjókaðalar út í heim. Og vit eru errin av teimum avtalum, vit hava gjørt við oljufeløg í Norð­sjó­ num og vestan fyri Hetland. For­treytin er, at vit hava savnað førleikar á høgum stigi á einum stað, og at vit hóast alt hava eina stødd, sum ger, at vit megna at lyfta uppgávuna, sigur Kristian R. Davidsen, stjóri í Føroya Tele. Nevndin afturvald Á aðalfundinum hjá Føroya Tele vóru øll umboðini hjá Lands­stýrinum í nevndini aftur­vald. Í nevndini sita: Klaus Pedersen, Jóhannus Egholm Han­sen, Eyðhild Skaalum og Fanny Petersen, sum umboða Føroya Landsstýri, og Christian Joensen, Ulla Stenberg og Janus Djurhuus, sum eru starvsfólkavald um­ boð. Klaus Pedersen heldur fram sum formaður í nevnd­ ini fyri Føroya Tele. Ársúrslitið hjá Føroya Tele fyri 2011 gjørdist 50,9 milliónir krónur eftir skatt. Úrslitið vísir, at tey átøk, sum eru gjørd seinnu árini, hava styrkt felagið. Vinningsbýtið til eigaran verður 9 mió. kr. Føroya Tele kunnger sterkan roknskap