hósdagur 3. mai 2012síða 13

13 Hósdagur 3. mai 2012 · Nr. 51 Sosialurin Hugskot og viðmerkingar – send sms til 225000 Randi Jacobsen 33 ára gamla Ásla Rannvá Svensson hevur áður mál­að mest í gráum og myrk­um litum, men allir málningarnir á fram­sýn­ing­ ini, hon letur upp í morgin eru í bjørtum litum. Tað er ikki tilvitað, sigur hon. Orsøkina heldur hon vera, at veturin var stræv­in, og tað var eitt stríð at fáa húsini, sum tey hava bygt sær á Velbastað, liðug. – Eg giti, at litirnir hava hjálpt mær gjøgnum ta tíðina, sigur Ásla Rannvá Svensson. Hon hevur einki ættar­ tilknýti til Velbastaðar, men pápi hennara, lista­ maðurin Kári Svensson hevur listaskála á Velba­ stað, og hann hevur eisini eina íbúð. Ásla hevur verið nógv saman við pápanum á Velbastað, og hon valdi at byggja á Velbastað, tí har er hugnaligt, og ljósið so hugtakandi. Annars hevur hon altíð verið hugtikin av litum. Ásla málar beinar linjur, og sjálvt um hon ikki bein­ leiðis brúkar motiv, kunnu fjøll og skýggj hómast í myndunum. – Eg eri eisini byrjað upp á nakað nýtt, sum eg nevni spor í lívinum. Umframt teir 30 máln­ ingarnar hevur hon á fram­sýningini smúkkur, sum hon hevur gjørt sjálv, arm- og hálsbond, ymist úr trøi og tøvdum. Alt er líka litríkt. Framsýningin hjá Áslu Rannvá Svensson í Smiðj­ uni í Lítluvík letur upp í dag klokkan 16 og er opin tað kvøldið til klokk­an 23. Fríggjadagin er opið frá klokkan 13 til 18, leygar­ dagin frá klokkan 11 til 18 og sunnudagin frá klokk­an 14 til 19. Ásla Rannvá hevur havt fleiri framsýningar. Saman við øðrum og eis­ ini einsamøll. Síðsta fram­ sýning hennara var fyri umleið hálvum øðrum ári síðan í Smiðjuni í Lítluvík. Litrík fram­ sýning í Lítluvík Í dag letur Ásla Rannvá Svensson upp málningafram­ sýning í Smiðjuni í Lítluvík Hetta verður aðru ferð, at North Atlantic Fish Fair verður hildin í Klaksvík. Fyrstu ferð, hetta tiltak bleiv fyriskipað, var í Runavík í 2001, og hevur síðani verið eitt afturvendandi tiltak annað hvørt ár, tó undantikið 2009. Yvirlit yvir messurnar: 2001: Runavík 2003: Runavík 2005: Tórshavn 2007: Tórshavn 2011: Klaksvík 2013: Klaksvík Heilt frá byrjan hevur undir­ tøkan verið avbera góð – bæði hvat viðvíkur vitjandi og fram­sýn­arum, og hava fleiri av framsýnarunum lut­ tikið øll árini, messan hevur verið. Av framsýnarum hevur lut­tøkan verið umleið helvt um helvt føroyskar og út­ lendskar fyritøkur, og av teim­um vitjandi hava eini 10 pro­sent verið útlendingar. – Samfelagsliga er nógv broytt hesi seinastu 12 árini, og hevur infrastruktururin við undirsjóvartunlum gjørt tað nátúrligt, at messan í 2011 flutti til fiski­vinnu­høvuðs­ staðin, Klaksvík, skrivar Klaks­víkar kommuna í tíð­ inda­skrivi. Meðan messan er, verður eisini skipað fyri ráðstevnu og fyrilestrum, eins og Klaks­ vík annars kemur at hava nógv ymisk tilboð til gest­ir­ nar. North Atlantic Fish Fair í Klaksvík næsta ár FRAMSÝNING Klaksvíkar Kommuna og North Atlantic Fish Fair hava gjørt avtalu um, at næsta North Atlantic Fish Fair verður í Klaksvík í døgunum 9. til 11. apríl 2013 Gunvá við Keldu, borgarstjóri í Klaksvík, og Áki í Skemmuni, stjóri fyri North Atlantic Fish Fair Margarinfabrikkin skipar fyri Talent 2012 í mai mán­ aði. Hetta er fjórða árið, at stóra Talentkappingin verð­ ur í Margarinfabrikkini fyri børn í 3. - 7. flokk, og hús­ ið ger seg klárt til at taka ímóti talentfullum børn­um og teim­um mongu áskoðar­ unum. Í ár er vinn­ingurin ein fram­førsla á Barna­festi­ val­inum og 1000 kr, og fyri­ skipararnir gleða seg at síggja alt frá sang­fuglum, slangu­ fólkum til ganda­kallar. Kappingin verður 23. og 24. mai, og stóra finalan verður fríggjadagin 25. mai. Talent er fyri øll børn í Føroyum, sum ganga í 3. til og við 7. flokki. Tað er møguligt at tekna seg til kappingina á talent@ fabrikkin.fo, har ein skrivar navn, aldur og talent. Fyrsta árið vann Hjalte við sínum undirhaldandi og kulum dansurørslum, tá lut­ tóku nógv børn við ymiskum talentum. Av tí at undirtøkan var so stór, var kappingin árið eftir enn størri, við størri vinningi og fleiri luttakarum. Finalan var hildin í Perluni, har tón­ leikabólkurin Dragon Eye vann. Síðsta ár var tað aftur ein dansari, sum vann. Jón vísti fantastiskar dansi­fram­ førslur, sum vóru væl vandar og undir­haldandi. Størsti munurin frá fyrstu Talentkappingini til í ár er, at luttakararnir gera nógv burtur úr framførsluni, teir venja nógv og hugsa nógv um stíl og pallframførslu. Hvørt umfar er eitt festligt show við dugnaligum børnum. Margarinfabrikkin bjóð­ar øllum børnum at vera væl­ komin til Talent 2012, sum í ár er stuðlað av Tórshavnar Kommunu. Meira kunning er á okkara facebook síðu og á www. fabrikkin.fo eirikur@sosialurin.fo Talent í Margarinfabrikkini tiðindi Leingi væntaða byggilógin, ið Kári P. Højgaard, landsstýrismaður, hevur lagt fyri Løgtingið, varð mikudagin samtykt og kemur í gildi 1. apríl 2013. Endamálið við lógini er at tryggja dygdargóða bygging í Føroyum, sum er tillagað føroyska veðurlagnum.