hósdagur 3. mai 2012síða 33

33 Hósdagur 3. mai 2012 · Nr. 51 Sosialurin Hugskot og viðmerkingar – send sms til 225000 Í fleiri ár hava Hvíta­ nes­fólk og onnur við, ynskt at fáa tryggari viður­skifti at ferðast til gongu ímillum Hvítanes og Hoyvík. Hetta er mest ferðslutyngdi veg­ urin í Føroyum, og hava foreldur havt stóran ampa at lata børnini ganga eftir hesum vega­ strekki, umframt at tað eisini er hættisligt fyri vaksin fólk at ferð­ast til gongu. Fleiri upp­ skot hava verið frammi seinnu árini, men eru síðani dottin niður­ímill­ um aftur. Nú sær loksin út til at tað fer at eyðnast at gera eina trygga og góða gongugøtu ímill­ um Hvítanes og Hoy­ vík. Landsverk og Tórs­ havnar kommuna eru komin ásamt um ein leist at gera gøtuna eftir. Ein samd teknisk nevnd tók tann 19. apríl 2012 undir við at gera út­bjóðingartilfar og fáa arbeiðið boðið út. Ein meiriluti í fíggjar­ nevndini tók tann 26. apríl 2012 somuleiðis undir við eini samdari tekniskari nevnd.. Málið kemur fyri á komandi býráðsfundi, og er tað mín vón, at eitt samt býráð tekur undir við at gera gøtuna. Tað eigur tó framhaldandi at verða arbeitt fyri at fáa sett 50 km hámarksferð longu tá komið verður í Sandvíkar. Hetta fyri at tað skal verða tryggari hjá bilaferðsluni av Hvíta­nesi at koma út á lands­vegin. Tað var á vári fyri 175 árum síðani at Hvítanes varð bygt. Nú er vár, so tað kann ikki verða betri hóskandi, enn við einum samdum býráði í hesum máli. Hetta hevur verið eitt av mínum mongu hjartamálum síðani eg kom í býráðið, og er hetta eisini tað minsta Tórshavnar býráð eigur at geva Hvítanesfólki í føðingardagsgávu. Góða eyðnu og bestu føðingardagsheilsanir! Nú verður gøtan til Hvítanesar gjørd – á sjálvum 175 ára føðingar­ degnum hjá bygdini Jákup Símun Simonsen býráðslimur At pynta brúður Høgni Hoydal Vónandi hava øll nú fingið sjón fyri søgn um, um hvussu stórur sjónleikur - hvussu nógv hykl og gykl - fer fram í makrelmálinum í donskum politikki og í ES. Danmark er formaður í ES í løtuni. Danmark hev­ ur stór áhugamál í makrel­ fiskiskapi. Danmark ger onki fyri at steðga heim­ild­ unum og tiltøkunum frá ES. Og Danmark ger alt fyri, at endaliga støðan í ES ikki verður tikin fyrr enn beint eftir, at danski for­mans­ skap­urin er liðugur tann 1. juli í ár. Men saman við føroysku fólkatingsmonnunum og restini av donsku skipanini, verður nú øll orka brúkt til at spæla ein sjónleik, har Danmark og donsk áhugamál skulu snákast og pyntast til tess at spæla tann framhaldandi glantrileikin um "ríkisfelagsskapin". Nú skal Danmark atkvøða blankt, fyri at halda sjónleikinum gangandi – hóast tey í roynd og veru stuðla tiltøkunum móti Føroyum. Og tey vita, at tað ger hvørki frá ella til, at tey atkvøða blankt. Brúdleypsstákan uttan vígslu Hetta er sum orðatakið um “at pynta brúður" – tað tekur langa tíð. Og her verður øll orkan hjá føroyskum fólka­ tingsmonnum og í føroyskari pressu, brúkt til at pynta eina danska brúður. Og tá hon verður leidd fram til altarið... ja, so sigur hon hvørki ja ella nei. Men onki! Altso, ein óneyðug brúdleypsstákan og ein óneyðug kirkjugongd. Tí úrslitið er onki, og sjón­ leikurin hevur bert havt til endamáls at sýna brúðrina (donsku stjórnina) og brúðar­ genturnar (Edmund, Sjúrð og Kaj Leo) fram. Tað hevði verið nógv virði­ligari, at Danmark at- kvøddi fyri tiltøkum móti Før­oy­um og spældi erligt spæl. Tá kundu vit sloppið burtur úr hesi barnsligu fatan­ini um, at Danmark skal "hjálpa okkum", tá tey hava heilt onnur og egin áhuga­mál. Og vit kunnu tá brúka orkuna at røkja okkara áhuga­mál við beinleiðis sam­ starvi og samskifti. Bæði við ES, Danmark og onnur lond - og vit kunnu frítt gera tær alliansur, sum eru neyðugar í teimum ymsu uttanríkispolitisku málunum av týdningi fyri okkum. Hjálond og harrafólk Hoyrdi eisini Lenu Espersen - fyrrverandi danska uttan­ ríkis­ráðharran og vinnu­ mála­ráðharran - í Útvarpi Før­oya. Hon segði, at Dan­ mark mátti stuðla ES í at útvega sær valdsamboð og boykottsamboð fyri at fáa "onnur lond at fiska burð­ar­dygt". Tey somu tíð­ indini berast nú ókiritiskt í føroyskum fjølmiðlum frá fundi millum norska fiski­ málaráðharran, Lisbeth Berg Eriksen, og ES-komis­serin, Mariu Damanaki. Og frá umboðum fyri uppi­sjóvar­ vinnuna í ES. Mangt skal ein hoyra av hjálandahugsan og og harrafólksmentaliteti: ES og Danmark skulu læra onnur lond at fiska burðardygt (!). Neyvan nakrastaðni í heim­inum finnast dømi um ein meira oyðileggjandi og stovnsoyðandi fiski­vinnu­ politikk, enn júst felags fiski­ vinnupolitikkurin hjá ES. Nú bíði eg bara eftir, at Myanmar fer at krevja boykott av øðrum londum, so tey kunnu læra at hava fólkaræði og halda manna­ rættindi. Ella at Grikkaland fer at krevja boykott av lond­um, sum hava ov stóra uttanlandsskuld. Og tíðindini fara at berast óviðgjørd í før­ oysku pressuni. Og hvussu man tað nú vera í Danmark, Noregi, ES og Skotlandi? Munnu føroyskir politikarar og umboð fyri før­oysku makrelvinnuna hava fría mikrofon og óskerda atgongd at føra síni sjónar­mið fram í teirra fjøl­ miðlum? Hyklið og gyklið í makrelmálinum er ovboðið. Tað kann ikki bera til, at føroyska pressan støðugt ber ein sjónleik fram, har danskir og føroyskir fólkatingslimir, norskir ráðharrar og ES- politikarar ókritiskt sleppa at spæla síni egnu leikrit YVIRLÝSING Søkið breiða semju á kommunalpolitiska økinum Tjóðveldið hevur á innan­ hýsis politiskum fundi sett kommu­nal­poli­tikk á breddan. Allir partar í flokk­ in­um, aðal­s­tjórn, ting­mann­ ing, økisfeløg og kommunal­ politikarar flok­sins, vóru umboðaðir á fund­in­um. Um­framt mong viðkom­ andi kommunal mál, bæði fyri land og kommunur, var kom­andi fólkaatkvøðan við­ gjørd. Tjóðveldið slær fast, at flokkurin vil tryggja fólka­ ræði í Føroyum, og at tað er fólkaræðisligur rættur at fara á val. Tjóðveldi staðfestir, at kom­andi fólkaatkvøðan als ikki hevur fingið nakra politiska viðgerð, og tískil er endamálið við fólka­at­ kvøðuni ikki greitt, hvørki fyri okkara fólkavaldu ella landsins borgarar. Førdi politikkurin hjá sam­gonguni, bæði pensjóns­ politikkur og skatta­poli­ tikkur, hevur broytt til­ veru­grundarlagið hjá komm­un­un­um. Og tey álit, sum fyriliggja um komm­unu­ viðurskifti, hava ikki ført til nakra politiska niðurstøðu, og tí metir flokkurin, at spurningurin um ein komandi kommunubygnað ikki er búgvin til støðutakan. Borgarin hevur rætt til at vita, hvørjar ætlanir og hvørjar avleiðingar komm­ unu­samanlegging hevur við sær. Tjóðveldi mælir tí til, at ávirkan og avleiðingar greitt vera lýstar, óansæð hvør politisk kós verður stungin út í kortið fyri kommunurnar í Føroyum. Tjóðveldi mælir endaliga til, at samgongan søkir breiða semju á komunalpolitiska økinum, í staðin fyri sum nú at fara fram eftir fummum til óhepnar avleiðingar fyri borgarar, land og komm­un­ ur. Tjóðveldi