hósdagur 3. mai 2012síða 36

Hósdagur 3. mai 2012 · Nr. 51 36 Sosialurin Hugskot og viðmerkingar – send sms til 225000 Ítróttur Fyrsta settið í stríðnum um høvuðs­ staðin verður í Gundadali fríggja­ kvøldið. Tvey stig eru millum HB, ið er á øðrum plássi, og B36 sum er á triðja plássi. Gongdin sein­astu vik­urnar boðar frá, at HB er á aldu­ kamb­inum, meðan meistararnir í B36 hava rættuliga ilt við at finna stevið, sum í fjør bar so glæsilig úrs­ lit við sær. Tað er rár hending, at B36 burt­ ur úr trimum heimadystum á rað bara vinnur eitt stig. Soleiðis hevur tað verið seinastu vikurnar. Teir í árstalsfelagnum hava havt bóltin nógv, men málmøguleikarnir hava verið fáir, úrtøkan hevur verið ógvu­liga lítil, og nú eru fleiri spæl­ arar skaddir. – Vit hava fokus á framrættaða partinum og arbeiða við at verða betri til at spæla okkum ígjøgnum í síðunum og at fáa meiri burtur úr innleggunum. Vit mugu ásanna, at lyklaspælarar ikki hava havt tað yvirskotið í ár, sum var at síggja í fjør, og tað hevur sæst aftur, stað­ festir Atli Danielsen, sum seinastu ferðirnar hevur verið í miðverjuni. Høgni Eysturoy er vøddaskadd­ ur, og hann verður ikki við næstu fýra vikurnar. Meinhardt Joensen fór út ímóti B68, og hann er rættu­ liga ivasamur. Boð eru send eftir Magnusi Poulsen, sum ikki hevur vant nakað serligt higartil í ár. Tað er rættliga sannlíkt, at hann verður málverji ímóti HB. HB kundi bæði havt vunnið og tapt í Streymnesi, har tað endaði 2-2. Ein av lyklaspælarunum sein­ astu ferðirnar, tá ið HB hevur vent hóttandi tapum til sigur í Runavík og Klaksvík hevur verið Andrew av Fløtum. Í hesi vikuni hevur hann ikki vant orsaka av sjúku, men hann vónar at vera við fríggjadagin: – Vøddaskaði hevur plágað, og tað er orsøkin til, at eg ikki altíð havi verið á liðnum frá byrjan. Vit kenna okkum hava funnið rætta lagið, og vit gleða okkum nógv at spæla ímóti B36. Allir spælararnir eru tøkir, og tað er kapping um pláss­ini. Liðið er væl skipað, ungu menn­inir standa seg væl, og saman­ spælið er væl betri, enn tað var í fjør. Tí er einki at siga til, at vit gleða okkum. Í fjør taptu vit allar tríggj­ ar ferðirnar ímóti B36. Tað ætla vit okkum at broyta, sigur Andrew av Fløtum. Fríggjadagin klokkan 18.00 Dómari: Eiler Rasmussen. EFFo-Deildin 7. umfar upptakt B36 stríðist fyri at sleppa úr tómgongdini Fyri fuglfirðingar kendist 1-0 tapið í Trongisvági sum stórt vónbrot. Eis­ini tí ÍF spældi seg til góðar mál­ møguleikar. Ta ferðina vóru Karl Løkin og Thomas Asmussen sjúkir. Teir eru báðir tøkir aftur, og so er spurningurin, hvussu Flemming Christensen fer at seta lið­ið, nú Høgni Madsen rættuliga tykist vera komin í venjing. Hjá EB/Streymi kemur tað væl við, at Arnbjørn Hansen er tøkur aftur. Tað munaði væl ímóti HB, at hann lítla løtu eftir steðgin varð settur á vøllin. Tað kemur illa við, at mið­vallararnir Pætur Dam Jakobsen og Pauli G. Hansen fram­ vegis eru skaddir. Støðutalvan sigur, at góður møgu­leiki er fyri, at møguligur vinn­ari í Fuglafirði kann lyfta seg upp á bronsuplássið. Leygardagin klokkan 15.00 Dómari: Dagfinn Forná Bronsuplássið er í eygsjón Fótbóltur Fyri aðru ferð í ár fer EB/Streymur at vitja ÍF. Fyrru ferðina gekk væl, tí tá vann EB/Streymur steypadystin 4-2. Ta ferðina var ÍF sera lítið sannførandi í verjuspælinum Fótbóltur Pílarnir peika hvønn sín vegin í B36 og í HB, har teir siga seg hava funnið spæligleðina, sum aftur ber økt sjálvsálit við sær Føroyameistararnir høvdu væl og virðiliga takið á HB í fjør, men í ár tykist grannauppgerðin meiri spennandi, nú teir hvítu ikki eru komnir orduliga í gongd enn, og HB hinvegin er væl koyrandi Mynd: Álvur Haraldsen