mánadagur 7. mai 2012síða 16

Mánadagur 7. mai 2012 · Nr. 52 16 Sosialurin Hugskot og viðmerkingar – send sms til 225000 Ítróttarblaðið EFFO deildin 7. umfar Jóannes Hansen Tá ið sekundvísarin fór undir 90. umgangin í høgættarkuldanum á Svangaskarði, bendi alt á, at tað skuldi endað soleiðis, sum tað byrjaði. Innskifti Páll A. Klettskarð fekk í næstsíðsta minutti dagsins tilboð, men staddur mitt fyri mál­ inum og úr níggju metra fjarstøðu sendi hann væl við síðuna av mál­ inum, tá ið hann smekkaði til heldur enn at plasera bóltin. Klaksvíkingarnir í ovara borði lættu sær á, og loftnaðu hendur­nar vóru um at verða tiknar úr lumm­ unum, men hatta var tað, og eitt stig var betri enn einki stig, mundi mangur maður hugsað. Hjalgrím Elttør var í undan­ vind­inum í 2. hálvleiki arbeiðs­ samur og eyðsýndur saman við Filip Djordjevic, ið hevur ment seg at vera snúningsdepulin í upp­ byggj­andi partinum, og sum eisini í verju­partinum arbeiðir ógvuliga nógv. Tá ið vanliga leiktíðin var farin, royndi Hjalgrím seg úr 23 metrum og heilt av síðulinjuni í vinstru. Ivaleyst hjálpti vindurin eitt sindur til. Í hvussu so er sang bólturin í handara síðunetinum, uttan at Hans Jørgensen í B68 málinum tóktist hava møguleika at verja fyri. Og teir bláu í ovara borði fingu uppaftur meiri at heita seg við. Páll A. Klettskarð umsetti upplegg frá Filip Djordjevic til eitt mál aftrat, eftir lítið sannførandi B68 verju­ avrik, og nú kennist tað so­leiðis, at nógv, sum hevur vent skeiva vegin, brádliga er snarað rætta vegin hjá Pálli Guðlaugsson og hans­ara monnum, ið als ikki vóru sann­før­ andi, tá ið TB fór úr Klaksvík við mál­leysum javnleiki! Umstøðurnar vóru ikki til polerað fótbóltsspæl, men KÍ vísti viljan, sum er alneyðugur í nærdystunum og í royndunum at fáa fatur á næstu bóltunum. Verjan var ansin og avgjørd, Heðin á Lakjuni fylti væl á sentrala miðvøllinum saman við Hjalgrími Elttør og Filip Djordjevic, Henry Heinesen og Andy Olsen arbeiddu nógv í borðunum – eisini í verjupartinum – og Bárður J. Heinesen tuskaði nógv sum fremsti maður. Hann hevði góðan møgu­ leika seint í 1. hálvleiki, men Hans Jørgensen í B68 málinum vardi meistarliga fyri, og so var tað, at KÍ í 2. hálvleiki avgjørdi sær til fyri­ munar. Kendu ikki sína vitjunartíð Sjálvandi vóru heimamenninir rættulig vónsviknir. Eftir framúr avrik og sigur í Gundadali ímóti meistar­unum í B36, skuldi næsta stigið fram ímóti toppinum takast á heima­vølli ímóti KÍ. At tað ikki eydn­aðist kendist sum stórt vón­ brot, og toftamenn áttu sjálvir ikki frítt av skuldini fyri, at tað mis­ eydnaðist. B68 legði bragdliga fyri undan lotinum. Fyrstu løtuna var tað breidd og tyngd í álopspartinum. Jústinus R. Hansen og Remi Langgaard arbeiddu nógv á sentrala miðvøllinum, Bjarki Johannesen og Jónleif Højgaard stríddust í borð­ unum, har Einar Hansen og Niklas Joensen yvirlappaðu fleiri ferðir. André Olsen hevði fleiri ferðir góðar fríspælingar, og Christian Høgni Jacobsen í fremstu røð leitaði eftir møguleikunum. Einki serligt trýst var á verjuni, meðan tað í framrættaða spælinum fyrsta hálva tíman fleiri ferðir eydnaðist at koma í heilt góðar støð­ur. Christian Høgni Jacobsen og Bjarki Johannesen áttu at havt skorað, men tað gjørdu teir ikki, og tað kostaði í ólukkumát! Síðsta korterið av 1. hálvleiki vóru ábendingar um, hvønn veg tað bar, og í 2. hálvleiki var tað ikki gott. Saknurin tóktist vera stórur í skadda Jann Inga Petersen á sentrala miðvøllinum, og í fremstu røð varð Christian Høgni Jacobsen alt meiri einsamallur, eftir at André Olsen var útskiftur. Sørmundur Kalsø og Jógvan Isaksen høvdu gott tak á, tá ið langar sendingar vórðu sendar fram, og í síðunum typtu Álvur F. Christiansen og Ísak Simonsen fyri B68 gjøgnumbrotum. Fyri B68 varð tað eyka tungt, at vinstri vongverjin Einar T. Hansen dygst undan síðsta bríksli sá gult fyri aðru ferð og harvið ikki verður tøkur, tá ið B68 leygardagin skal spæla 120 ára føðingardagsdyst á nýggja TB vøllinum við Stórá í Trongisvági! Klaksvíkingar kendu seg orna gjøgn­um mønu og merg, og nú ótolnast teir eftir, at FC Suðuroy skal koma norður sunnudagin. So er spurn­ingurin, hvussu tað verður við viljanum. Toftamenn vita alt um, at hann kann vera rættuliga ymiskur og eftir lítlari viku ikki vera at kenn aftur! Joannes@sosialurin.fo Jóannes Hansen Í Runavík eru tey ikki heilt álvulig við støðuna. Eftir seks sjey umfør er úrtøkan fýra stig og 9. plássið! Setningurin er greiður. Tað ræður um at stríða seg upp um strik­una og harvið at sleppa undan niður­ flytingini. Meiri verður ikki roknað við at unga liðnum. Higartil eru ov nógv mál farin ígjøgnum. Tá ið oddaliðið Víkingur vitjaði Dýra biðjudag royndu teir á heimaliðnum við Løkin at binda fyri í verjupartinum. Heimaliðið hevði fríska høgættar­lotið undan í 1. hálvleiki, men tá var sera lítið gjørt av í álops­ part­inum. Bara tí einu ferð­ina var tað vandamikið. Eftir diagonal­ sending úr vinstru frá Sjúrða Jacobsen sneiddi Jann Martin Mortensen inn frá høgru og smekk­ aði til, og bólturin fór dygst oman­ fyri tvørtræið. Tolin trívst Eftir sannførandi gongdina higar­ til vísa víkingarnir stórt tol og sjálvsálit. Royndirnar siga teimum, at tað ræður um at hava fokus á av­ tal­unum í verjupartinum. Í hinum endanum fara møguleikarnir at koma. Tað ger ikki so nógv, um teir ikki eru har beinanvegin. Ímóti FC Suðuroy á heimavølli varð fyrsta málið í 4-0 sigrinum skorað eftir ein tíma, og so gekk skjótt. Ímóti NSÍ í Runavík var upp­ skriftin ikki so langt frá hesari. Heimaliðið var meiri framrættað og álopskent fyrsta korterið eftir steðgin og ímóti lotinum, enn tað hevði verið allan 1. hálvleik og und­an lotinum. Besta møguleikan hevði Árni Frederiksberg, sum hesa ferð var sentralur miðvallari saman við Óla Arge, men bólturin streyk fram­við skeivu megin stólpan. Og so var tað, at Víkingur av­ gjørdi, tá ið Evrard Blé eftir lítlari løtu skoraði tvær ferðir. Í fyrra før­inum var tað við fínum stútara eftir neyvt innlegg úr høgru frá væl upplagda Bárði Hansen, og í seinna førinum var tað, tá ið Blé púra ísakaldur – í øllum kuldanum! – setti brotsspark framvið Kristiani Joensen. NSÍ málverjin bjargaði fyri stuttum trimum brotsspørkum ímóti HB, men ímóti væl upplagda Blé bar tað ikki til. Miðvallarin drálaði, inntil málverjin var farin í annað borið, og so setti hann bóltin í tóma málið! Nú hevur Evrard Blé skorað fýra mál í landskappingini, og hann er toppskjútti hjá Víkingi. Tað er merkisvert fyri verjukendan mið­ vallara! – Eg eri væl nøgdur við avrikið hjá okkara monnum, og tað er ein fragd at síggja, hvussu væl Evrard Blé er partur av liðnum. Hann hevur stórt yvirskot, og tað ber sjálvsagt økt sjálvsálit við sær, og gongdin verður ikki verri, tá ið hann aftur og aftur skorar mál, staðfestur Víkinga venjarin Jógvan Martin Olsen. Leygarkvøldið vóru víkingarnir í brúdleypi. Høgri vongverjin Bárður Hansen og konan høvdu boð­ið teimum. Bárður hevur verið fram­úr eyðsýndur higartil. Nú eru kon­an og hann farin brúðarferð, og tí verður neyðugt at finna nýggjan høgra vongverja, tá ið Víkingur sunnu­dagin skal í Gundadal at stríð­ast við illa sperda meistaraliðið B36. Sama dag skal NSÍ til Streym­ nesar. Tað ræður um hjá Kára Reynheim at halda mótinum uppi hjá ungu monnunum og siga teim­ um, at tað fer at síggja ljósari út! Viljin er sterkasta vápnið Fótbóltur B68 kendi ikki sína vitjunartíð á Svangaskarði, og sum 2. hálvleikur myndaðist, kom tað ikki óvart á, at klaksvíkingar at enda tryggjaðu sær sigurin Blé er stóri maðurin hjá toppliðnum Fótbóltur Eftir fimm minuttum miðskeiðis í 2. hálvleiki skoraði verjukendi miðvallarin tvær ferðir, og harvið tryggjaði Víkingur sær enn eina ferð fulla úrtøku, og harvið er NSÍ á niðurflytingarplássi Myndir: Álvur Haraldsen