mikudagur 9. mai 2012síða 9

9 Mikudagur 9. mai 2012 · Nr. 53 Sosialurin Hugskot og viðmerkingar – send sms til 225000 Delta Seafood og Marine Harvest Nevndarformaðurin sig­ ur, at samstarvið upp á sikt fer at bera í sær, at allur ali­fisk­urin, sum Marine Harvest Føroyar framleiðir, verð­ur konsentreraður í Sand­oynni. – Vit hugsa okkum í fyrsta lagi, at virkið á Sandi verður brúkt sum kryvjistøð, sum kemur at skapa eini 30-40 nýggj og støðug arbeiðspláss í oynni. Í øðrum lagi hugsa vit okkum, at tann parturin av fiskinum, sum væntandi verður framleiddur og so­ leiðis meirvirkaður, eisini verður virkaður í oynni, og her kunnu skapast eini 20-30 støðug arbeiðspláss aftrat. Sum skilst á nevndar­for­ manninum fer samstarvið millum feløgini at byggja á, at allir fiskurin hjá Marine Harvest Føroyar verð­ur kruvdur og partvís meir­virk­ aður í Sandoynni. – Júst, hvussu hetta verður skipað, fara vit at finna út av, sum tíðin gongur, men eyð­vitað er, at hetta bæði hevði skapt fleiri nýggj og nógv støðugari arbeiðspláss í Sandoynni, enn vit hava í dag, nú ráfiskagrundarlagið undir virkinum í Skopun er so veikt. Í verandi løtu kann Marner Lisberg tó ikki siga, hvussu verður við vanligu fiska­framleiðsluni í Skopun, um ætlanin við alifiskinum gerst veruleiki. – Tað fer tíðin sjálvandi at vísa, men fyri okkara verandi arbeiðsfólk í Sandoynni og fyri nýggju arbeiðsplássini, sum hetta fer at skapa, hevur tað jú størsta týdningin, at virk­semið er nógv og støð­ ugt. – Vit eru ógvuliga spentir upp á hesa ætlan, og vit vóna, at myndugleikarnir, tá tann tíðin kemur, fara at geva Marine Harvest Føroyar aliloyvi á Sandsvág og í Hest­ firði, so alifelagið á henda hátt fær savnað ein part av sínum virksemi upp at Sand­ oynni. Strategiskur partnari Nú stóra uppsjóvarfelagið Varðin valdi at gera sína íløgu á Tvøroyri, og stóra ali­felagið Marine Harvest Føroyar tekur upp samstarv við Delta Deafood og Sandoy Seafood, kann hetta bara vera ein ásannan av, at feløg­ ini hava stórt álit á Delta- monn­unum sum teir, ið duga at framleiða. Teir, sum standa aftanfyri Varðan í Gøtu, hava sum áður nevnt drúgvar royndir í veiði – og teir, sum standa aftan fyri Marine Harvest Føroyar, hava drúgvar royndir í aling. – Jú, vit fegnast sjálvsagt um, at áhugi er fyri at sam­ starva við okkum, og vit vóna, at tað besta kann spyrj­ ast burtur úr hesum sam­ starvi. Vit vilja í øllum før­um gera okkara besta sum partur av hesum samstarvi, sigur Marner Lisberg, nevndar­ for­maður í Delta Seafood og Sandoy Seafood. vilmund@sosialurin.fo Í øðrum lagi hugsa vit okkum, at tann parturin av fiskinum, sum verður framleiddur og meirvirkaður, eisini verður virkaður í oynni. Her kunnu skapast eini 20-30 støðug arbeiðspláss aftrat Í Skopun hevur Sandoy Seafood øll árini megnað at havt fiskaframleiðslu, men undir verandi umstøðum er ráfiskagrundarlagið ov veikt til støðugt fiskaarbeiði Mynd: Vilmund Jacobsen – Vit eru farin í samstarv við Marine Harvest Føroyar, sum fer at søkja um aliloyvi á Sandsvág (mynd) og í Hestfirði, sigur Marner Lisberg Mynd: Vilmund Jacobsen Marner Lisberg, sum er nevndarformaður í Delta Seafood og í Sandoy Seafood, hevur góðar og drúgvar royndir við vinnulívssamstarvi. Á Tvøroyri verður samstarvað við stóra uppsjóvarfelagið, Varðan í Gøtu Mynd: Vilmund Jacobsen