mikudagur 9. mai 2012síða 14

Mikudagur 9. mai 2012 · Nr. 53 14 Sosialurin Hugskot og viðmerkingar – send sms til 225000 Kjak Yvirlýsing: Frá ársað­alfundi Eysturoyar Sjálvstýrisfelags á Skála týsdagin tann 08. mai 2012 Vísandi til úrslitið á fólkaatkvøðuni um kommunusamanlegging er greitt, at talan neyvan verður um tann stóra kommunalreformin á hesum sinni. Tí heitir felagið heitir á sjálvstýrisumboðini í kommunu- bý og bygdaráðum, um at gera eitt miðvíst arbeiði, fyri at uppbyggja samstarv millum grannakomunur. Felagið frøðist um, at tað endaliga er eydnast, at fáa samtykt eina byggilóg, tí lógin ið er tillagað føroysk viðurskifti og verður ein góðskutrygd fyri borgaran, sum byggir sethús ella ognar sær íbúð. Við ásetingum um bjálving, verður eitt ítøkiligt stig tikið á leiðini móti málinum, at minka oljunýtsluna og harvið útlátið. Fólkið sum livir á útoyggj, hevur serligar avbjóðingar í gerandisdegnum. Vit fegnast um, at avtala er gjørd um oljuflutning til Skúvoyar. Heitt verður á landstýrismannin um at virka fyri, at henda loysnin eisini kann gerast fyri aðrar útoyggjar, sum eru bundnar av oljuflutningi í tunnum. Breið semja er um yvirtøku útlendingamálum. Vit geva landstýrismanninum okkara fulla stuðul, at henda verður framd 1. januar 2013. Nú Húsalánsgrunnurin er farin í gongd við at fíggja lutaíbúðir kring landi, kemur gongd á byggivinnuna. Vónandi verður næsta stigið, at grunnurin eisini fær heimild til at veita realkreditlán til privat. Kostnaðarstøðið á byggiloyvum Heðin Mortensen borgarstjóri Annfinn Brekkstein, bý­ráðs­ limur, er í løtuni í fjøl­miðl­un­ um og tekur sær heiður av at hava lækkað kostnaðarstøðið á byggiloyvum í Tórshavnar kommunu. Hann og minni- lutin hava, sum tað skilst, bukað meirilutan upp á pláss í hesum máli, so nú er skil á.  Tað, Annfinn Brekkstein kallar “gjald fyri byggiloyvi”, er tað, vit í kommununi van­ liga kalla íbindingargjald. Íbind­ingargjaldið hevur ver­ið álagt øllum borgarum í Tórs­havnar kommunu, ið hava fingið/fáa byggiloyvi og harvið eru íbundin í vatn­ leiðingar, kloakkskipanir og vegir. Henda praksis gongur heilt aftur til 1898.   Verandi íbindingargjald varð álagt í 1969 í samband við útflýggjan av byggiloyvum, og hevur tað verið siðvenja síðan. Tað varð endurskoðað í 1998, og gjaldið var óbroytt, til býráðið 31. januar í 2008 sam­tykti at endurskoða gjald­ið.  Henda broyting viðførdi ein annan leist at rokna nevnda gjald eftir. Mett varð, at nýggi útrokningarhátturin frá 2008 vildi viðvirka til “rættvísari” gjøld og tók eis­ini hædd fyri nýggjari byggi­hættum. Men ein vaks­ andi ónøgd førdi til drúgva málsviðgerð av íbind­ingar­ gjal­d­inum, sum er rættiliga fløkt. Nýggj gjøld vóru fyri í fíggjarnevndini fyri seinastu jól. Eftir nýggjár tók stjórnin avgerð um at mæla til, at politiska skipanin tók støðu til m.a. ein broyttan út­rokn­ ingarhátt, til tess at fáa eina rættvísari og fyri borgaran bíligari skipan. Fíggjarnevndin sam­ tykti einmælt at mæla bý­ ráð­num til at fremja hesar broytingar fyri bara viku síðan. Beint eftir kom til­ mæl­ið fyri á býráðsfundi. Tað varð einmælt samtykt við eini broyting, sum Jan Christ­iansen, býráðslimur, mælti til. Samlaða málsviðgerðin hevur verið drúgv og long. Men ongastaðni í máls­við­ gerðini dugi eg at síggja, at Annfinn Brekkstein hevur havt nakað sum helst við málið at gera, hvørki í nevnd ella aðrastaðir. Kortini fer hann nú út í fjølmiðlarnar at taka sær heiðurin av einum máli, hann onki hevur havt við at gera, eitt mál, sum stjórn, ein samd fíggjarnevnd og eitt samt býráð hava avgreitt. Einasta, hann hevur havt við málið at gera, var at lut­ taka á seinasta býráðs­fundi.  So jú, Annfinn Brekkstein, skil er á kostnaðarstøðinum. Men tað er ikki tær at takka fyri. Byggiloyvið enn einaferð Annfinn Brekkstein býráðslimur fyri Sambandsflokkin So var borgarstjórin aftur úti við einari takling, nú und­ir­ ritaði dittaði sær alment at fegnast um, at skil aftur er komið á kostnaðarstøðið, tá borgarar í Tórshavnar komm­ unu skulu hava byggiloyvi. Í brævi mínum nýtti eg høvið til at greiða frá, at ein trupulleiki, sum eg vísti á í lesarabrævi í fjør, nú hevði fing­ið eina virðiliga loysn í bý­ráðnum. Sambært borgar­stjóran­ um eigi eg ongan heiður í tí, sum hendi á seinasta býráðs­ fundi. Tað biði eg heldur ikki um. Tó loyvi eg mær at stað­ festa, eins og borgar­stjórin vísir á, at tað var eitt samt býráð, sum tók undir við broytingaruppskotinum frá Jan Christiansen. Sostatt tók ongin býráðs­ limur undir við tilmælinum frá einari samdari fíggjar­ nevnd og tí drúgva fyri­ reik­ingar­arbeiðinum, ið um­sit­ingin, sambært borgar­ stjór­anum, hevur gjørt. Her kann borgarin so sjálv­ur meta um, hvør ið hev­ur gjørt hvat og hvør, ið hevur ávirkað hvat. Mín meting er, at tá eitt samt býráð vrakar til­mæl­ ið frá einari samd­ari fíggj­ arnevnd og tekur undir við einum broytingar­upp­skoti, so er drúgva fyri­reik­andi arbeiðið ikki gjørt nóg gott. 1. juni fer kring­varps­ kvinnan Beinta Løwe Jacobsen í nýtt starv. Hon fer í Starvs­ manna­felagið, har hon skal ráðgeva í sam­bandi við komandi sátt­mála­ samráðingar, kunningar­ arbeiði og aðrar upp­ gávur. Talan er tó bara um farloyvisstarv frá 1. juni og árið út. Beinta Løwe Jacobsen sigur, at hon søkti, tí hon hevði hug at royna okkurt annað. Hon hevur fingið farloyvi úr Kring­varpinum hesar sjey mánaðirnar. Beinta verður ráðgevi www.sosialurin.fo