fríggjadagur 11. mai 2012síða 43

nr. 53 · 11. mai 2012 7 VIKUSKIFTI Hvat er tað besta við starvinum? Starvið er varierandi, og eg møti nógvum ymiskum fólkum Er nøkur serlig hending í starvinum tú minnist? Tá tað bleiv ringt til mín um gassspreingingina á Hotel Hafnia fyri jól í 2010 Hvat ger tú í frítíðini? Eg eri fótbóltsvenjari hjá smádreingjum hjá HB Hvussu heldur tú teg í form? Eg gangi, renni og venji á rógvimaskinu Er tú til føroyska náttúru ella suðurlendskar strendur? Mær dámar væl hita, so eg eri til suðurlendskar strendur Hvat er tað besta, tú fær at eta? Lambsrygg Er tú veiðimaður? Mær dámar at fara á flot, men tað er langt ímillum Hvat er besti filmur tú hevur sæð? »Ikke uden min datter« Hvørjum tónleiki lurtar tú eftir? Øllum tónleiki – serliga føroyskum Hvør árstíðin er hin besta? Summarið Hvørjum hyggur tú at í sjónvarpinum? Fótbólti og Degi & Viku Hvør bók liggur á náttborðinum? Ein bók um Dalai Lama »Vejen til et bedre liv« Hvat ger tú um 10 ár? Eg veit tað ikki – kenni ikki dagin í morgin Føroyingar mótmæla. Føroyingar mótmæla øllum. Føroyingar eru eitt mótmælandi fólk. Sjáldan ella ongantíð viðmælandi, altíð mótmælandi. Einki uppskot er so frálíkt, at tað kann ikki mótmælast. Einki uppskot er heldur so vánaligt, at tað kann ikki mótmælast. Alt er nakað lort. Einki er so ringt, at tað kann ikki gerast verri. Eingin sparing er so eyðsýnd, at hon verður ikki mótmælt. Fyri tveimum vikum síðani var eitt øgiligt rok, tí niðurslitin fólk skulu noyðast at arbeiða til tey fylla 68. Og tá tey fylla 68 skulu tey halda fram at arbeiða til tey fylla 69. Mótmæli. Ella mismæli. Fyri einari viku síðani var hann sjálvur ríkisleiðarin í neðra aftur leysur við báli og brandi. Nú blivu fólk biðin um at gevast at arbeiða, tá tey fylla 67. Mótmæli. Sum ikki túsund aðrar ferðir vóru mannarættindasáttmálin og Mannarættindadómstólurin hálaðir fram at hótta við. Løgið við øllum hesum áganginum á mannarættindini, at Mannarættindadómstólurin ikki er um at kódna av stevningum úr Føroyum. Nú koma vit til hitt, sum føroyingar eisini duga so væl, at hótta. Hótta við at fara til Mannarættindadómstólin. Fakfeløgini hótta við tiltøkum og svørðssløgum, sum ongantíð koma, samgongumenn hótta við at fara, men fara ongantíð, tí teir hava fingið okkurt lyfti. Hví mótmælir eingin, at eingin slítur samgonguna? Hví mótmælir eingin, at eingin fer til Mannarættindadómstólin? Hví mótmælir eingin, at fakfeløgini ikki fáa fingurin út? Um onkur ætlar at stovna holdingfelagið Nøgdir føroyingar og atknýttu dótturfeløgini Vælnøgdir føroyingar og Relativt nøgdir føroyingar verður tað sjálvandi mótmælt. Útarmað fólk eiga ikki at noyðast at gevast at arbeiða, tá tey eru 67. 67 er eingin aldur annar enn arbeiðsførur aldur. Tey 67 ára ungu klára sum einki nøkur afturat sum lønartrælir. Ikki minst vit, sum arbeiða hjá tí almenna. Vit noyðast, tí okkara løn verður tann sama, tá vit fylla 67, sum hon er nú. Á aðalfundinum hjá Starvs­ mannafelagnum hevði eg uppskot um, at felagið fær sær professionell fólk at samráðast fyri seg, ein advokat til dømis. Uppskotið varð sjálvandi kolldømt og felt. Tí eingin dugur betur at samráðast enn nevndin sjálv. Arbeiðarafeløgini fingu ein ikki so vánaligan sáttmála. Ein nógv betri sáttmála enn vit hjá tí almenna fingu. Hvør var samráðingarleiðari hjá teimum? Var tað ikki ein advokatur? Nei, eg veit ikki. Nú mundi eg gloymt at mótmæla, at vit noyðast at lata ALS meira fyri at fáa minni, missa vit arbeiðið. Er hetta tað, tey kalla minni fyri meira? Nei, annað er ikki at gera enn hasin filosoffurin mælti til á sinni, fara aftur til náttúruna. Vinur mín, hin kroniskt illi gásarsteggin, stóð og hugdi inn í gásarhúsið í nakrar dagar. Dagin fyri flaggdagin var úrslitið har. Tá eg fór til arbeiðis um morgunin, stóð hann har og hugdi inn, var farin at ótolnast. Tá eg fór til hús eftir døgurða, vóru bøgan og 13 gulir ungar úti á stykkinum, hvør fittari enn annar, hóast allir eru eins. Steggin mótmælir hvørja ferð, eg gangi framvið og nú eisini steðgi fyri at eygleiða gula hópin. Eg ynskti honum tillukku, men hann físti bara aftur og mótmælti, at eg stóð har og hótti við Djóraverndarfelagnum og Gásarfrælsisdómstólinum. Tað er einmælt mótmælt, svaraði eg og fór heim til ein single malt. Eftirmæli: eg viðmæli at frámæla at mótmæla. Umafturafturum høgni djurhuus Móðurmálsviðursløn 2012 Páll á Reynatúgvu lagt til rættis: Leo Poulsen Gassspreingingin á Hafnia stendur í minninum Tað sigur Annfinn Hansson stjóri í Sp/f Føroya Gassølu, sum dámar væl hita, og tí er til suður­ lendskar strendur. Hann venur smádreingirnar hjá HB í frítíðini, og so dámar honum væl at fara á flot Einmælt mótmælt