mikudagur 16. mai 2012síða 4

Mikudagur 16. mai 2012 · Nr. 56 4 Sosialurin Hugskot og viðmerkingar – send sms til 225000 Trýr upp á føroyskan tónleik – Viðhvørt er tað sera møtimikið, men eg eri uppvaksin við, at mann sjálvur má gera nakað fyri at fáa ting at henda. Tað sigur Kristian Blak, stjóri í plátufelagnum Tutl, sum hevur 35 ár á baki Rannvá G. Fossaberg Hann er kendur sum tann enga­ sjeraði spælimaðurin, sum ger alt, hann kann, fyri at hjálpa før­ oyskum tónleikarum. Sjálvur dylir hann ikki fyri, at tað stundum er sera strævið at arbeiða innan føroysku tónleikavinnuna, men um allir partar samstarva, kann føroyskur tónleikur koma langt, heldur hann. – Ofta eri eg frustreraður, men um øll gera sítt og taka ábyrgd, so trúgvi eg, at føroyskur tónleikur kann koma víða, soleiðis at tón­ leika­vinnan í Føroyum verður vird sum einhvør onnur vinna her á landi, sigur Kristian Blak. Síð­ani 1977 hevur hann verið partur av plátufelagnum Tutl, og sam­bært honum er føroyski tón­ leikaheimurin nógv broyttur hesi 35 árini. Tað óplanlagda barnið Plátufelagið Tutl hevur givið nógvar LP´ir, kasettubond og fløgur út hjá føroyskum tón­ leikar­um, men at plátufelagið yvir­høvur bleiv sett á stovn, var rætt­iliga tilvildarligt. – Hugskotið til plátufelagið kom meira ella minni av sær sjálv­ um. Eg vil kalla tað eitt óplanlagt barn. Ymiskt varð spælt inn, og onnur feløg vóru, men eg og aðr­ ir við mær hildu, at tað var gott við einum plátufelag, sum tón­ leikararnir sjálvir áttu, greiðir Kristian Blak frá. Fyrimunurin hjá teimum bólkunum og ein­ stak­lingunum, ið vóru knýttir at Tutl, var fyrst og fremst tann, at tón­leikararnir høvdu í størri mun enn áður fríar teymar. – Nú var tað eingin, sum kundi siga, hvat tónleikararnir skuldu, og hvat teir ikki skuldu, tí ein­asta kravið frá Tutl var og er fram­ vegis, at tað, ið kemur út, skal vera á einum ávísum støði, sum vit meta at vera nóg góð góðska, sigur Kristian Blak, sum er út­ lærdur cand. mag. í tónleiki og fronskum. Sambært honum hevði før­oyski fløgumarknaðurin verið heldur óskipaður, um ikki Tutl varð sett á stovn. – Um Tutl ikki var, so hevði tað verið rættiliga rótut, tí so høvdu øll givið út á egnum forlagi, sig­ur Kristian Blak. Umleið 80 pro­sent av øllum føroyskum út­gávum verða givnar út av Tutl, og tað metir Kristian Blak vera sera um­ ráðandi fyri føroysku tón­leika­ vinnuna sum heild. – Eg haldi, at tað er umráðandi, at føroyskur tónleikur verður presen­teraður upp á ein máta, tað vil siga, at mann hevur eina strategi, ið sigur hvussu føroyskur tón­leikur skal marknaðarførast úti í heimi, sigur Kristian Blak, sum heldur tað verða júst hesin hugsanar­hátturin, sum ger at før­ oyskir tónleikarar stuðla Tutl. – Í Tutl royna vit allatíð at hugsa internationalt, og tað er nak­að, sum hevur nógv at siga fyri tónleikararnar. Rokk í Føroyum stóran týdning Sambært Kristian Blak er tað av alstórum týdningi, at før­oyskir tón­leikarar hava teir neyð­ugu karm­arnar at virka und­ir, tí á tann hátt mennist tón­leik­urin best. Hann heldur, at hvørja ferð, skipað verður fyri onkrum stór­um konsertum, tónleika­kapp­ing og øðrum líknandi tiltøkum, hevur tað eina stóra ávirkan á tón­leika­ lívið í Føroyum. Mitt í 90árunum gav Plátufelagið Tutl út fýr fløgur við heitinum Rokk í Føroyum. Her spældu tólv tónleikabólkar hvør sítt lag inn, sum so bleiv givið út á fløgu. Tað førdi millum annað við sær, at fleiri og fleiri bólkar fóru frá at spæla coverløg, men byrjaðu at gera egnan tón­leik. Í kjalarvørrinum á Rokk í Før­ oyum-útgávunum kom tón­leika­ kappingin Prix Føroyar. Kristian Blak metir Prix Føroyar at vera eitt tónleikatiltak, sum eis­ini gjørdi nógv við føroyska tón­ leika­heim­in, meðan kappingarnar vóru og fyrstu tíðina aftaná. – Norðurlandahúsið og Út­ varpið hevur í stóran mun verið við til at ment føroyskan tónleik, tí saman høvdu tey pengarnar í meldrinum Clickhaze er eftir mínum tykki ein varði, tá tað umræður føroyskan rokk- og popptónleik, tí tey vóru millum tey fyrstu, sum spældu tónleik á einum altjóða støði