fríggjadagur 18. mai 2012síða 18

Fríggjadagur 18. mai 2012 · Nr. 57 18 Sosialurin Hugskot og viðmerkingar – send sms til 225000 Áki Bertholdsen Meiri enn tveir triðingar av bilførarum í Føroyum koyra skjótari enn loyvt er. Tað er niðurstøðan í eini spillfeskari Gallup kanning, sum Ráðið fyri Ferðslutrygd hevur gjørt. Kanningin er gjørd í sam­ band við nýggja átakið hjá Ráð­num Fyri Ferðslu­trygd og sum hevur til endamál at taka fótin eitt sindur av spidar­anum. Í kanningini eru fólk spurd, hvussu skjótt tey van­liga koyra og hvat halda um tað at koyra skjótari enn loyvt er. Í hesum sambandi verð­ur hugsað um koyring í óbygd­ um øki, har tað er loyvt at koyra 80 kilometrar um tím­ an Og kanningin vísir, at meiri enn tveir triðingar av øllum bilførarum, ella heili 66% koyra skjótari enn loyvt er. Hinvegin eru tað bara 32% av okkum, ella ein lítil triðingur, sum heldur seg røttu megin ferðmarkið, ímeð­an nøkur heilt fá ikki siga seg vitað, hvussu skjótt tey koyra. Kortini ber kanska ikki at siga, at talan er um beinleiðis vitleysa koyring, tí kanningin vísir, at meiri enn helvtin av okkum koyra eitt lítið sindur skjótari enn loyvt er. – Tað eru 55% av bilfør­ar­ unum, sum siga, at teir liggja vanliga um 90 kilometrar um tíman, men 10% plaga at liggja uppi á 100 kilometrar um tíman og 1% koyrir yvir 110. Og so eru tað eisini 1%, sum ikki vita, hvussu skjótt, tey koyra. Harafturat vísir kanningin sostatt eisini, at tað eru bara 32% av bilførarunum, ella minni enn ein triðingur av okkum, sum halda okkum niðan­fyri hámarksferðina. – Hetta halda vit er rætt­ iliga álvarsligt, sigur Brynhild Høgdadóttir, stjóri á Ráðnum fyri Ferðslutrygd. Men nú vísir kanningin, at tey flestu, ella 55% koyra bara 90 kilometrar um tím­ an. Hevur eitt so lítið brot á hámarksferðina nakran veru­ligan týdning? Brynhild Høgnadóttir ásannar, at tað kann tykjast rætt­iliga meinaleyst at halda seg til 90 kilometrar um tím­ an, tí tað er so lítið skjótari enn hámarksferðin er. – Onki kann vera meiri skeivt enn tað, staðfestir hon sam­stundis. Hon vísi á, at sum ein talva her á síðunum vísir, bara ferðin økist 10 kilo­ metrar um tíman, úr økist vandin fyri at doyggja í eini ferðslu­vanlukku heilt nógv. Kanningar úr Noregi stað­ festa eisini, at í 30% av deyðs­ vanlukkunum í ferðsluni, var ferðin bara eitt lítið sindur hægri enn loyvt var. Hinvegin var púra vitleys koyring orsøk til eini 20% av deyðsvanlukkunum. Hon vísir eisini á, at kann­ ingin vísir, at tað eru 11% av bilførarunum, sum koyra yvir 100 kilometrar um tíman. – Tað merkir, at í veru­leik­ anum eru tað fleiri túsund bilar, sum koyra meiri ella minni vitleyst hvønn einasta dag, tí tað eru so nógvir bilar á vegunum hvønn einasta dag. Vaksin eru størstu syndararnir Tað verður ofta sagt, at størstu syndararnir í ferðsl­ uni eru ungir, villir dreingir, sum akkurát hava fingið koyri­kortið. Hetta er ikki rætt, tí nýggja Gallup kanningin vísir, at í veruleikanum eru størstu syndararnir miðaldrandi bil­ førarar. – Kanningin vísir, at tey, sum koyra varligast, eru tey eldru yvir 60 ár. – Hinvegin eru tað mest teir ungu bilførararnir undir 25 ár, sum koyra heilt skjótt. Men sum sagt, er tað nógv tann størsti parturin, sum koyrir 90 kilometrar um tím­ an og í hesum bólkinum eru tað miðaldrandi bilfør­arar í aldrinum frá 40 til 59 ár, sum eru nógv teir størstu synd­ ararnir. Kanningin vísir at heili 71% av teimum, sum siga, at tey vanliga liggja um 90 kilo­metrar um tíman, eru til­ komnir bilførarar í aldr­inum frá 40 til 59 ár. – Eg má viðganga, at hetta er eitt úrslit, sum kemur eitt sindur óvart á meg, sigur Brynhild Høgnadóttir. Og mannfólk eru ikki stórt verri enn konufólk, so­ leiðis, sum vit ofta hava lyndi til at halda. Tvørtur ímóti er kynsbýtið rættiliga javnt við eini lítlari yvirvág til mann­ fólkini. Vælbjargað koyra skjótast Ein greið niðurstøða í nýggju Gallup kanningini er eisini, at tað eru teir vælbjargaðu bil­førararnir, sum koyra skjót­ast. – Tað er ein heilt greiður samanhangur ímillum inn­ tøkuna hjá fólki og, hvussu skjótt tey koyra, staðfestir hon. Kanningin vísir, at nógv tey flestu, sum eru í einum húski, har inntøkan er oman­ fyri 600.000 krónur um árið, av koyra skjótari enn lógin sigur. – Tað eru nevniliga heili 87% av bilførarum, har húsk­ ið ­forvinnur yvir 600.000 krón­ur um ári, sum ásanna at tað er vanligt, at tey koyra ov skjótt. Eini 70% av teimum plaga at liggja um 90 kilometrar um tíman og hjá restini er tað vanligt at koyra yvir 100 kilo­metrar um tíman. Hinvegin eru tað bara 13% av bilførarum, har húskið for­ vinnur yvir 600.000 krón­ur um árið, sum halda seg innan­ fyri lógarinnar karm­ar. Hinvegin vísir kanningin eisini, at bilførar í húskjum við eini inntøku upp á minni enn 250.000 krónur um árið, eru teir, sum koyra spaku­ ligast og sum halda seg best til lógina. – Tað vísir seg, at fólk við høgum inntøkum hava ikki ser­liga stóra virðing fyri lóg­ ini á hesum øki. – Kanska er ein orsøk til tað, at vit síggja javnan, at fyri­myndir í samfelagnum, politik­arar, limir í kongs­hús­ inum og onnur, fáa bót fyri at koyra ov skjótt. – Ein orsøk kann eisini ver, at tey eru so mikið væl fyri, at ein bót hevur ongan týdn­ing, heldur Brynhild Høgna­dóttir. Mótstríðandi Tá ið fólk koyra ov skjótt, er tað ikki tí, at tey halda at tað er ílagi. Tvørtur ímóti er lyndið hjá fólki at koyra ov skjótt, eitt sindur í stríð við teirra sannføring, tí kanningin hjá Gallup vísir, at 43% av bil­før­ar­unum halda, at ein hámarks­ferð upp á 80 kilo­metrar um tíman, er hóskilig. Men so eru tað onnur 83%, sum vilja hava hámarkið flutt upp á 90 kilometrar um tíman og 11% vilja hava markið upp á 100 km/t. Og so eru tað nøkur heilt fá, sum vilja hava hámarksferðina upp á minst 110 km/t. aki@sosialurin.fo ferð í ferðsluni 66% koyra ov skjótt FERÐKANNING Ein spillfesk kanning vísir, at heili 66% av okkum koyra skjótari enn loyvt er. kanningin vísir eisini, at fólk við lágar inntøku koyra varligari enn tey vælbjargaðu Hvussu skjótt koyrir tú vanliga á einum vegi við ferðamarki á 80 km/t ? Hendan talvan vísir, at tað er ikki meiri enn ein triðingur av okkum, sum heldu seg innanfyri lógarinnar karmar. Hinvegin liggja tey flestu um einar 90 kilometrar um tíman. Tey halda ikki, at tað er vandamikið, men onki kann vera minni skeivt enn tað, staðfestir Brynhild Høgnadóttir, stjóri í Ráðnum Fyri Ferðslutrygd. Fleiri menn enn kvinnur koyra ov skjótt, men munurin er ikki so heilt stórur. Hendan talvan vísir, at fólk við góðum inntøkum hava ikki serliga stóra virðing fyri lógini á hesum øki. Gallup kanningin vísir, at av teimum, sum forvinna yvir 600.000 krónur um árið, eru tað heili 87%, sum vanliga koyra ov skjótt. Hinvegin eru tey lægri løntu nógv raskari at halda seg til lógina. Hendan talvan vísir, at tað eru teir tilkomnu og miðaldrandi bilførarnir, sum eri størsti bólkurin av ferðsyndarum og tað er ikki fyrrenn at talan verður um heilt skilaleysa koyring, at tey blaðungu taka yvir.