mikudagur 23. mai 2012síða 13

13 Mikudagur 23. mai 2012 · Nr. 59 Sosialurin Hugskot og viðmerkingar – send sms til 225000 alilaksi, og millum alterna­tiv­ ini varð fiskavirkið í Skopun eisini frammi. – Jú, eg haldi, at vit høvdu ein góðan og gevandi fund her suðuri, og eg ivist onga løtu í, at samstarvið, sum partarnir nú vilja vera saman um, kundi verið ein gyltur møgu­leiki fyri Sandoynna, sigur løgtingsmaðurin og borgar­stjórin á Sandi. Sum skilst, fer Marine Harvest Føroyar at søkja um ali­loyvi á Sandsvág og í Hest­ firði, men tað er ikki vist, at neyðugt er hjá felagnum at fáa loyvi í báðum støðum fyri, at sam­starvið millum ali-og fram­leiðslufelagið kann setast á kjøl. – Eg helt meg skilja, at sam­starvið eisini kann bera á mál, um alifelagið fær loyvi til aling – antin á Sandsvág ella í Hestfirði, leggur hann aftrat. Oynni til góðar Brandur Sandoy sigur, at hann slett ikki ynskir at taka nakað alifelag fram um ann­að, tá loyvi verða givin til aling í nýggjum og komandi aliøkjum, men hann dylur ikki fyri, at tað er av hansara áhuga sum borgarstjóri og løgtingsumboð í Sandoynni, at virksemi, sum verður upp at oynni, fer at koma øk­ inum til góðar. Í aðrar mátar er tað honum líka mikið, hvørjar fyritøkurnar verða, sum koma at brúka teir møguleikar, sum her fara at spyrjast burturúr. – Er talan um góð hug­skot, sum kunnu skapa eitt støð­ ugt virksemi í Sand­oynni, fari eg sjálvsagt at virka fyri hesum. Soleiðis, sum støðan er í oynni í dag, haldi eg, at vit sum fólkavald í øk­inum hava skyldu til at hyggja við vælvild upp á teir møgu­ leikar, sum kunnu skapast um okkara leiðir, sigur hann. Aling veruleiki Brandur heldur, at hevði Sandoyggin – nú nýggj aliøki verða løgd út – fingið sín rímiliga lut í hesum virksemi, kundi hetta virksemi verið við til at ment oynna vinnuliga. - Eingin ivi skal vera um, at eg politiskt fari at virka fyri, at vit – so ella so – gerast partur av møguleikunum, sum nýggja kunngerðin um aliøki leggur upp til. Síðan eg kom á ting, havi eg virkað fyri, at Sandsvág gerst partur av nýggju aliøkjunum, og nú er líkt til, at soleiðis verður í nýggju kunngerðini um aliøkir, sigur løgtingsmaðurin og borgarstjórin í Sands kommunu, Brandur Sandoy. vilmund@sosialurin.fo Aling Bæði Sandsvág og Skúvoyarfjørður eru við í nýggju kunngerðini, sum er til hoyringar. Hoyringsfreistin er úti fyrsta dagin, men mangt bendir á, at hesi økir verða við, tá samanum kemur Mynd: Birgir W. Høgnesen Ætlanin hjá Marine Harvest Føroyar og Delta Seafood, sum er høvuðsparturin aftan fyri Sandoy Seafood, er, at fiskavirkið á Sandi skal brúkast til kryvjing av laksi Mynd: Birgir W. Høgnesen