týsdagur 9. mars 2004síða 13

Nr. 47 - 9. mars 2004 25 Neistin-VB 22-29 (13-14): VB missir ikki Neistin var eingin forðing hjá VB, sum framvegis hevur beina kós móti eini veruligari FM-finalu HONDBÓLTUR Jákup Mørk jakup@sosialurin.fo Undan leygardegnum varð útidysturin móti Neistanum mettur sum ein av tveimum møguligum snávingarstein- um hjá VB-kvinnunum, sum framvegis liggja trý stig aftan fyri oddaliðið Stjørnuna. Ikki minst komst hetta av, at Neistin í grundspælinum megnaði at vinna dystin í Vági móti VB, men hetta fingu tær ikki loyvi til at endurtaka leygardagin. Fyrstu longu l,øtuna var Neistin tó heilt væl við í dystinum hesaferð. Ein part av fyrra hálvleiki vóru tað eisini tær, sum høvdu leiðsluna í dystinum, men tá seinni hálvleikur fór ígongd, setti VB alt upp á pláss. Við eini krútsterkari verju, sum sjáldan loyvdi Neistanum bara tað allar- minsta, megnaðu tær fyri tað nógva at halda mótstøð- uni burturi frá nøkrum opnum málmøguleikum, og so kundi eyðkenda kontra- spælið hjá VB tryggja teim- um sigurin. Finalan bíðar Og við hesum halda meist- ararnir framvegis rimmar- fast um møguleikan fyri at endurvinna gullmerkini. Trý stig eru sum sagt á muni, men við einum dysti til góðar, tykist VB hava allar møguleikar at gera seg galdandi, og tó at tær enn hava ein truplan heimadyst móti VÍF undan stórdystin- um í næst seinasta umfarin- um, so tykist tað í lotuni vera sera ósannlíkt, at nak- ar annar enn Stjørnan skal nerta kvinnurnar úr Vági. Neistin hinvegin hevur ikki longur tað heilt stóra at stríðast um. Hvussu víkir og vendir, so enda tær kappingarárið á fjórða plássinum, og tað er so í øllum førum eitt pláss lægri enn tað, sum miðjað varð eftir við ársbyrjan. Stóri munurin í mun til tey trý ovastu tykist vera, at Neistin – sum annars í nógv ár hevur roynt at dúva upp á egið fólk - »bara« hevur tvær útlendskar kvinnur á liðnum. Gongdin í føroysk- um kvinnuhondbólti hevur hesi seinnu árini verið, at útlendski styrkurin skal vera so stórur sum gjørligt, um heiðursmerki skulu vinnast, og tí er lítið at ivast í, at tey í Neistanum eru farin at hugsa um, hvør triðja útlendska kvinnan skal verða. Seinasta meist- araheitið liggur heilt afturi í 1997, og tað er long tíð hjá einum felagi, sum við 35 meistarheitum er so nógv tað mest vinnandi í før- oyskum kvinnuhondbólti. Dysturin í tølum Neistin-VB 22-29 (13-14) Málskjúttar Neistin: Lív Sørensen 6(2), Simona Dziugyte 5(3), Lina Andriulyte 3, Marjun Tróndarson 3, Unn Krage- steen 3, Ása Dam á Neysta- bø 2 VB: Gurið Mortensen 12, Daiva Toumaite 6, Aukse Vysniaskaite 5(2), Rannvá Augustinussen 3, Eydis Kjærbo 1, Laila Jespersen 1 Brotskøst: Neistin 8, VB 2 Útvísingar: Neistin 1, VB 2 Dómarar úr Kyndli: Hannis Wardum & Uni Wardum Flogbóltsúrslit Meistaradeild kvinnur ÍF-TB 0-3 (20-25, 13-25, 20-25) Dráttur-Mjølnir0-3 (19-25, 14-25, 18-25) Meistaradeild menn SÍ-Mjølnir 1-3 (21-25, 25-23, 18-25, 18-25) Dysturin Fram-Fleyr er fluttur til 11. mars. Klaksvíkskvinnurnar vunnu trygt á Gilja- nesi, og nú skal okk- urt sera óvæntað úr- slit til, um tær skulu missa gullmerkini FLOGBÓLTUR Jákup Mørk jakup@sosialurin.fo TB gjørdi sítt, men tær fingu ikki hjálp frá Drátti, og tí bendir alt á, at Mjølnir verða føroyameistarar í kvinnuflogbólti hetta kapp- ingarárið. Á Giljanesi varð annars roknað við, at Mjølnir hevði eina sera trupla upp- gávu, men royndu kvinnur- nar prógvaðu, at tær ikki høvdu nakrar sum helst ætlanir um at fáa gummi- bein- ella armar, nú so stutt er eftir á mál. Tó at Dráttur royndi, so megnaðu tær ongan tíð av álvara at skapa nakran veruligan spenning í dystin sunnudagin, og tá Mjølnir so eisini lat vera við at detta í 2-0 felluna, har lið ofta brádliga taka sær av løttum, so kundi úrslitð ikki verða øðrvísi. Enn hava Mjølnir-kvinn- urnar ein útidyst, sum kann arga nakað, tá tær í seinasta umfarinum skulu á Kambs- dal, men tað má tó metast sum sera ósannlíkt, at ÍF skal gera nakað sum helst við oddaliðið, og á tann hátt hjálpa TB. Júst TB var annars liðið, sum var á vitjan hjá ÍF um vikuskiftið, og tann upp- gávan var á ongan hátt nak- að, sum órógvaði TB. Uttan stórvegis hóvasták varð ÍF sent heim við greiðum 3-0 tapi, og soleiðis tykist eis- ini TB halda fast um kósina, har tær skulu vinna sítt og so bara vóna, at onk- ur ger okkurt óvæntað við Mjølnir. Ein hjálp, sum tó tykist alt meira veruleika- fjar, so hvørt sum umførini ganga. Stuttir sørvingar Hjá monnunum varð bert ein dystur leiktur um viku- skiftið. Hesin var í Sørvági, har Mjølnir var á vitjan, og her eydnaðist Mjønlir at leggja seg einsamalt á odda í bestu mansdeildini. Fyrstu tvey settini góvu sørvingar tó oddaliðnum dygga mótstøðu, men eftir at klaksvíkinganrir í triðja settinum fingu veruligt glið á spælið, megnaði heima- liðið ikki at svara aftur, og máttu teir tí enn einaferð staðfesta, at teir í ár hava verið akkurát ov stuttir, tá taln hevur verð um dystir- nar móti ávíkavist ÍF og Mjølnir. Mjølnir heldur gullinum Hóast TB vann greitt á Kambsdali, so munaði hetta lítið, tá Mjølnir vann eins trygt í trupla útidystinum á Giljanesi Mynd: Jonhard Hammer Í samband við feildøming í dystinum millum Stíf–Neistan, sum varð umrødd í bløðunum í farnu viku, sipaði kapp- ingarleiðarin hjá HSF, eisini til tríggjar aðrar hendingar, har dómarnir høvdu tikið skeiva avgerð í avgerðandi løtu í sam- band við team time-out. Undirritaða dómarapar dømdi dystin millum millum Kíf – Neistan tann 15. februar 2004, har vit dømdu brotskast eftir at dómaraborðið hevði floytað ov seint til team time-out. Neistin hevði mist bóltin og hevði tí ikki rætt til time-out og Kíf fer í skjótt mótálop tá dómaraborðið floytar fyri time-out til Neistan. Dómaraborðið skal syrjga fyri at liðið sum biðjur um time-out, hevur bóltin. Um liðið ikki hev- ur bóltin, skal tað grøna kortið returnerast til liðið. Best hevði verið um kappingarleiðarin hevði fingið kunning um døm- ing, áðrenn hann úttalar seg um slíkt. Hann var eisini fyrstur eftir at dyst- urin var av, at spyrja dóm- araparið hví vit dømdu, sum vit gjørdu, og hann fekk svarið tá. So tað er eitt sindur undrunarsamt hví hetta dømið verður tikið uppaftur nú og ser- liga tá avgerðin var røtt. Sambært altjóða regl- um var avgerðin røtt og kann staðfestast av dómarafelagnum. Avgerðin var røtt 25 24 Nr. 47 - 9. mars 2004 Jákup á Borg var við í hóp- inum hjá OB, tá hesir um vikuskiftið tóku lut í so- nevndu Viking-Cup kapp- ingini í Århus. Í seinasta dystinum í kappingini, sum var móti svenska Hammerby, varð Jákup eisini sendur inn á vøllin, og sambært heima- síðuni hjá felagnum, so stóð nýggi leikarin seg væl. Sagt verður, at hann tóktist kvikur og at hann hevði nøkur fín innlegg, sum tó helst skulu hækkast nakrar fáar sentimetrar afturat. Spælið hjá Jákupi var eisini við til at leggja stórt trýst á svenska liðið seinastu løt- una, men tað eydnaðist tó ikki at venda dystinum, sum endaði við 1-0 sigri til Hammerby. Kappingin endaði annars við, at OB vann bæði steyp og tær 100.000 krónurnar, sum vinnarin fekk, so hóast talan í seinasta dystinum gjørdist um tap, so mundi lagið á leikarum og leiðar- um vera á eini leið, tá kósin sunnukvølidið varð sett móti Odense. Tá danska kappingin byrjar aftur, leggur OB fyri við heimadysti móti FC Midtjylland, áðrenn odda- liðið, Brøndby, kemur á vitjan. -jm Jákup slapp at royna seg Seinastu tíðina hevur brasilski Alex José dos Santos vant við B36, og eftir øllum at døma hava báðir partar verið nøgdir um tað, sum teir hava sæð. Í øllum førum varð um vikuskiftið staðfest frá Frem, at teir hava gjørt leigusáttmála við B36, og fer brasilski leikarin sostatt at spæla við føroyska árs- talsfelagnum hetta kapp- ingarárið. Annars ljóðar úr B36, at teir framvegis ikki hava slept ætlanunum um at styrkja um hópin við enn einm málverja. Herfyri var danski Henrik Bødker og royndarvandi við felag- num, men avtalan varð tó av ongum. Tá segði Krist- ian á Neystabø, formaður í B36, at teir vóru nøgdir við teir málverjar, sum longu eru í felagnum, men sum skilst, so fer B36 í næstum at fáa vitjan av einum litav- iskum málverja, sum skal royndarvenja við liðnum. Hartil kemur so eisini, at B36 ætlandi fer at gera sáttmála við enn ein brasilskan leikarar, og skal talan í hesum førinum vera um ein áleypara, sum í síni tíð hevur leikt við íslendska Leiftur saman við fleiri før- oyskum leikarum. -jm B36 og Santos skrivaðu undir C M Y K 24