mikudagur 30. mai 2012síða 20

Mikudagur 30. mai 2012 · Nr. 61 20 Sosialurin Hugskot og viðmerkingar – send sms til 225000 Ítróttur Pætur Albinus 2. hvítusunnudag vóru tríggir før­oyskir súkklarar við í súkklu­ kapp­ingini Pinseløbet i Hammel. Torkil Veyhe kom á sigurspallin við tað at hann gjørdist nummar trý í B-bólkinum, sum er eitt støði niðanfyri teir, sum súkkla fulla tíð. Eitt nú kann nevnast, at vinnarin í A-bólkinum gjørdist stórtalentið Rasmus Guldhammer, sum súkklar fyri liðið hjá Michael »Kyllingen« Rasmussen, Christina Watches - Onfone. Bogi Kristiansen og Gunnar Dahl- Olsen luttóku í aldursbólkinum menn 40 ár og eldri. Her gjørdist Bogi Kristiansen, sum umboðar Hareskov Cykelklub, nummar seks við tíðini 02.12,08. Hetta var júst omanfyri ein minutt aftanfyri vinn­ aran. Gunnar Dahl Olsen endaði á einum 23. plássi. Eisini Súsanna Skylv luttók í kvinnukappingini. Her fekk hon eitt 16. pláss í einum felti við 48 súkklarum. albinus@sosialurin.fo Torkil Veyhe á sigurspallinum Súkkling Torkil Veyhe, sum súkklar fyri Odder CK í Danmark, gjørdist 2. hvítusunnudag nr. 3 í Pinseløbet i Hammel Tróndur Arge Síðani 2004 hevur kekkiski lands­liðsmálverjin staðið í Chelsea-málinum. Nú er greitt, at tað verður eisini hann, ið skal verja málið komandi fýra árini. Síðani hann kom til felagið frá franska Rennes hevur Chelsea millum annað vunn­ið trý Premier League- heiti, fýra ferðir FA Cup, tvær ferðir Carling Cup og nú eisini eitt Champions League-heiti. – Eg eri fegin um at skula halda fram í hesum góða felag­ num í fýra ár aftuat. Vónandi verða tey komandi fýra árini eins góð og tey farnu átta, sigur Petr Cech við heimasíðuna hjá felagnum. Petr Cech hevði bara eitt ár eftir á sáttmálanum, men helst munnu avrikini hjá honum í Champions League hava sann­ ført Roman Abramovich um at halda fast um málverjan. Í Champions League-finaluni valdi hann røttu síðu í øllum fimm brotsspørkunum hjá Bayern Munchen í brots­ sparks­kappingini. Hann bjarg­ aði tveimum, umframt at hann eisini bjargaði einum brots­ sparki í umdystinum. trondur@sosialurin.fo Cech heldur fram í Chelsea Fótbóltur Hann var ein av hetjunum í Champions League -finaluni ímóti Bayern Munchen, og nú hevur Petr Cech skrivað nýggjan fýra ára sáttmála við Chelsea Hilmar Jan Hansen Í dag er føroyska flogbólts mans­lands­liðið farið avstað til Luxem­bourg at kappast í EM- undan­kapping fyri smátjóðir, sum verður um vikuskiftið. Føroyar eru í bólki við Skotlandi, Írlandi, Norður­ írlandi og Luxembourg, so flog­ bóltsmenninir skulu spæla til­ samans fýra dystir. Tann fyrsti verður fríggja­ dagin klokkan 17 ímóti Írlandi, so verður spælt ímóti bæði Luxembourg og Norðurírlandi leygardagin og at enda ímóti Skotlandi sunnudagin. Venjari hjá føroyska liðnum er Romica Øster og aftur at sær hevur hann Suna Hansen sum hjálparvenjara, og teir hava tikið hesar spælarar út til kappingina: Thorvald Danielsen, Trygva Hansen og Jón Syderbø úr Mjølni, Boga Midjord og Suna Juul Pedersen úr Fleyr, Ólav Jensen og Jón Joensen úr SÍ, Fróða Bærentsen og Rasmus Mortensen Potts úr TB, Gunnar Olsen Jørgensen og Jóhan Petur á Stongum úr Aalborg Volley og Bjarna Larsen úr ÍF. hilmarjan@sosialurin.fo Menninir avstað Pætur Albinus Nevndin í FC Suðuroy hevur gjørt avtalu við slovenska verjuleikaran, Saša Kolman, um at gerast venjari hjá besta mansliðnum, tað, sum eftir er av hesum kappingarárinum. Tað sigur FC Suðuroy á heimasíðu síni Saša hevur tikið venjara­út­búgv­ ing í heimlandi sínum. Hann kom til Føroya síðst í januar 2012 fyri at spæla við FC Suðuroy í Effo­ deildini. Pól F. Joensen fór úr venjara­ starvinum fyri einari viku síðan, og síðan tá hava Tórður Wiberg Holm, Bogi Mortensen og Egill Steintórsson tikið sær av besta mansliðnum. Saša Kolman er nú altso settur sum høvuðsvenjari og Tórður Wiberg Holm heldur fram sum hjálparvenjari. Saša Kolman heldur fram við at spæla fótbólt við besta liðnum og verður sostatt leikandi venjari. albinus@sosialurin.fo FC Suðuroy sett blaðungan venjara Fótbóltur Saša Kolman settur sum leikandi venjari hjá FC Suðuroy. Hann er júst vorðin 28 ára gamal og er harvið greitt hin yngsti venjarin í Effodeildini