mánadagur 4. juni 2012síða 14

Mánadagur 4. juni 2012 · Nr. 63 14 Sosialurin Hugskot og viðmerkingar – send sms til 225000 Ítróttarblaðið Norðoyastevnuróður Jóannes Hansen 10-mannaførini hava altíð verið roknað sum eitt slag av superligu í kappróðri. Seinnu árini hevur tað tó viðhvørt kenst eitt sindur ein­státtað, tí ein bátur hevur verið rættuliga suverenur. Tað skal leit­ ast heilt aftur til 2004 fyri at finna eina kapping, har tað vóru fleiri enn tveir vinnarar. Hetta árið vann Havnarbáturin tríggjar róðrar og FM heitið. Nólsoyingurin vann tríggj­ar róðrar, og Vágbingurin vann á Jóansøku. Hvussu kappingin fer at laga seg í ár, fer tíðin at vísa. Men finalu­ róðurin á Norðoyastevnu bar boð um, at tað verður sera tøtt kapping millum í hvussu so er tríggjar bátar. Klaksvíkingur vann, og tað var í stórum stíli. Vinnaratíðin var tann besta nakrantíð á 1500 metra tein­ inum, sum 10-mannaførini hava kapp­ast á Norðoyastevnu á síðani 1999. Síðani 2005 hevur Nólsoyingur átt metið, sum klaksvíkingar nú tóku við 7.04 sekundum. Sigurin var eisini merkisverdur á tann hátt, at hetta var fyrsta ferðin nakrantíð, at tað eydnaðist Klaksvíkingi at vinna norðoyastevnuróðurin. Sum tað varð nevnt í blaðnum und­an vikuskiftinum, so hevur tað verið langt millum sigrarnar í heima­ sjógvi hjá teimum í Klaksvík. S10- mannafarið hevur bara vunnið fýra ferðir – í 1958, í 1970, í 2011 og so nú leygardagin. Hildu høvdið kalt Tað er sjáldan, at tað er so tætt, og at tað broytist so skjótt, sum tað gjørdi fram ímóti málinum leygar­ dagin. Klaksvíkingur fekk besta startin, og hann leyp beinanvegin tað mesta av einari hálvari bátslongd framum hinar. Støðan helt sær, inntil tað varð farið undir endaspurtin, tá ið fyrst Suðuroyingur og síðani ser­ liga Vestmenningur rættuliga fóru at ganga. Bæði Suðuroyingur og Vest­ menn­ingur løgdu Klaksvíking aftur um seg, og evarska lítla løtu tóktist spourningurin um, hvør fór at vinna, at verða svaraður við kapp­ ing millum hesar báðar bátarnar. Men 50 metrar úr málinum mannaði Klaksvíkingur seg upp aftur, og tað eydnaðist hvíta bát­ inum at stinga tað mesta av skut­ inum framum bikasvarta Suður­oy­ ing og hvíta Vestmenning. Janus Dam Jacobsen er báts­ formaður á Klaksvíkingi, og hann greiðir soleiðis frá: – Tá ið tað vóru 250 metrar eftir á mál og kanska meiri enn tað, segði stýrimaðurin, at nú settu teir á Suðuroyingi føtur í bekk. Tað er óvanliga tíðliga, og vit vistu, at hann fór at taka seg inn á okkum, áðrenn vit eftir ætlan skuldu fara undir endaspurtin. Vestmenningur hevði eisini góðan endaspurt. Vit hildu okkum til tað, sum vit framm­an­undan høvdu avrátt. Vit settu føtur í bekk, tá ið 30 tøk vóru eftir, og tað var ikki fyrrenn í 20 teimum síðstu tøkunum, at vit rættu­liga fingu ferð á bátin, og at tað eydnaðist at taka Suðuroying og Vestmenning. Hatta var ógvuliga spennandi, og tað er hugaligt at fara undir fyrireikingarnar til næstu avbjóðingina, tá ið tað er so tætt og intenst. Kiksaði hjá havnarmonnum Hesa ferð var Havnarbáturin ikki við í kappingini um oddasessin. Teir, sum tey bæði undanfarnu árini hava verið so suverenir við Argja­ bátinum, eru nú farnir úr Argja Róðrarfelag og umborð í flaggskipið hjá Havnar Róðrarfelag. Tað hevur kynt undir vónina um, at tað aftur skuldi eydnast mest vinnandi 10-manna­farinum yvirhøvur at koma fyri seg eftir trý søguliga soltin ár. Á Norðoyastevnu stemmaði tað ikki hjá Havnarbátinum, sum misti eitt sindur beinanvegin og endaði ellivu sekund aftanfyri hinar tríggj­ar. At tað orsaka av skaða var neyðugt stutt undan stevnuni at skifta annan toftimannin út kom sjálvandi illa við. Tí kann tað hugs­ ast, at Havnarbáturin fer at standa seg betri, enn hann gjørdi leygar­ dagin. Longu leygardagin verður lagt til brots aftur, tá ið 2000 metra málið á Skálafjørðinum skal takast. Róðurin á Norðoyastevnu ger, at tað verður sæð fram til róðurin á Eystanstevnu við serliga stórum spenningi! joannes@sosialurin.fo Dramatikkur fyri allar pengarnar 10-MANNAFØR Tíðirnar boða frá, at talan er um topptrimmaðar rógvarar, sum við avrikinum leygardagin hava lagt upp til sera tætta kapping, ið Klaksvíkingur hesa ferð var bestur í Mynd: Jens Kristian Vang