mikudagur 6. juni 2012síða 18

Mikudagur 6. juni 2012 · Nr. 64 18 Sosialurin Hugskot og viðmerkingar – send sms til 225000 Kjak Takk fyri viðmerkingina, Hjalmar! Hugaligt, tá frøð­ingarnir á Setrinum koma út undan væð­ing­ ini. ØLIN: Sambært móð­ urmálsorðabókini siga vit ein øl (kvennkyn), tí vit hugsa um fløskuna (ølfløska). Løgið, at tú ikki vilt kennast við hesa einføldu orsøk. Annars sømir tað seg kanska ikki at skriva um ølið/ølina, sum hevur elvt til manga vanlagnu. BESTEMMA eitur t.d. avgera ella ráða á før­ oyskum. DEILA eitur t.d. býta ella luta á føroyskum. MASSI eitur t.d. mongd, nøgd, fjøld á før­ oyskum. Eitt sindur ófólkaligt at biðja hálvgamlan málvin sløkkja útvarpið, tí hann helst ikki vil hoyra danismur í mál­ tátti Útvarpsins. Við føroyamálskvøðu Seinkað mál­ við­merking Eyðun á Borg á Borg á fedradegi 2012 Sosialistisk ung: Avtakið ferðaseðlakostnaðin Sosialistisk Ung Júst í hesum døgum fyllur Rio+20 heimsráðstevnan nógv í miðlunum, og eitt av miðpunktunum í arbeið­inum fram móti einum burðar­ dyggari heimi er frí almenn ferðing. Um vit vilja tað ella ikki, so verður gongdin tann, at tað verður dýrari og dýrari at hava bil, og við árunum nærum ógjørligt hjá vanliga húskinum, tí oljuprísurin bara hækkar. Ein loysn má finn­ast, annars verður í framtíðini einans búgvandi í Havn. Bussarnir, sum eru ókeyp­ is í Havn, skapa trivnað og effektivitet. Teir minka um ferðsluna av bilum, og gera tað gjørligt hjá fólki at liva uttan bil. Eisini dálka teir minni enn bilar - tað vísa allar kann­ ingar. Við at økja um játtanina á fíggjarlógini við eini 40 milliónum, fæst peningurin til vega, sum skal til fyri at avtaka ferðaseðlakostnaðin. Hetta svarar til knappar túsund krónur fyri hvønn føroying Tó kundi fíggingin komið aðrastaðni frá enn við beinleiðis hægri lønarskatti. Íløgan verður skjótt spard inn aftur við at skifta til almenna ferðslu. Eitt nú slepst undan vegskatti, um­ framt útreiðslum til brenni­ evni og trygging. Fyri landið merkir hetta færri bilar og minni slit á vegirnar, so útreiðslurnar hjá Landsverk minka. Vit vóna, at uppskotið verð­ur tikið í álvara av land­ sins myndugleikum. Tað nyttar einki at bíða, til fólk ikki longur hava ráð at halda bilin koyrandi - heldur fyri­ varin enn eftirsnarin. »Tit trúgva á Gud - trúgvið á Meg við!« Jóh, 14,1 Richard Danielsen “Hvør tann, ið trýr, at Jesus er Kristus, er føddur av Gudi, og hvør tann, ið elskar Fað­ irin, elskar eisini tann, sum føddur er av Honum.” 1. Jóh. br. 5,1. Tað eru nakrir gudloys­ ing­ar til (ateistar), teir trúgva ikki á Gud, sum tað liggur í orðinum “gudloysingur”. Tað eru tíbetur ikki mong, sum játtað seg til hesa vónleysu støðu. Trýrt tú ikki á Gud, so ert tú vónleysur, tú eigur onga troyst í hesum vónleysa lívi, uttan trúgv. Tú eigur onga veruliga troyst til tey, sum tú elskar, tey, sum koma aftaná tær, ongan sannleika, einki lív, uttan hetta stutta lív her, sum kann enda í dag fyri ein og hvønn av okkum, og tú eigur ongan veg, sum tú veist hvar hann ber. Onnur eru, sum trúgva at Gud, er til, at hann er skap­ arin, sum vit ein dag skulu møta. Men er tað nokk? Kunnu vit liva lívið, sum vit ynskja og ikki trúgva og fylgja skriftunum, sum Gud hevur givið okkum til leiðbeiningar og so rokna við at koma til Gud, og hann vil taka okkum til sín, inn í Himmal sín? Paulus ápostul sigur so um heilagleika Guds: “Hann, sum eina hevur ódeyðiligleika, sum býr í ljósi, sum eingin kann koma til, Hann, sum einki menniskja hevur sæð ella kann síggja – Honum tilhoyrir heiður og ævigt vald! Amen.” 1. Timoteus br. 6,16. Jesus sigur: “Tit mugu føð­ast av nýggjum.” Í sama kapitli, sum Jesus sigur hatta við lærda ráðharran Niko­ demus, stendur hetta: “Tann, ið trýr á Sonin, hevur ævigt lív; men tann, ið ikki vil lýða Sonin, skal ikki síggja lívið; nei, vreiði Guds verður verandi yvir honum.“ Jóh. 3,36. Tað er umráðandi at trúgva á Jesus Kristus, Jesus sigur eisini hetta við læri­ sveinar sínar: „Hjarta tykkara óttist ikki! Tit trúgva á Gud – trúgvið á Meg við!” Jákup sigur í brævi sín­ um: “ Tú trýrt, at Gud er ein. Tað gert tú beint! Hinir illu andar trúgva tað við – og skelva!” 2,19. Tað er sostatt umráðandi at koma til Jesus og fáa synd­ ir sínar avtváaðar í Kristi blóði, hann er millummaður millum Gud og okkum, tað er eingin vegur til Gud uttan gjøgnum Jesus Kristus. Vit mugu verða fødd av nýggjum við trúgv á Jesus Kristus. Men hann hevur eisini gjørt ein veg til reiðar til okk­ ara. Paulus sigur í 2. Korint­ brævi 5. kapitli soleiðis: “Tí í Kristusi samdi Gud heimin við Seg sjálvan og tilroknar teimum ikki syndir teirra, og Hann hevur lagt niður í okkum orð sáttar­ innar. Vit eru tá sendiboð í stað Kristusar, sum tað hevði verið Gud, ið áminti við okkum; vit biðja í stað Kristus­ar: Verðið sátt við Gud!” Gud hevur altso samt allan heimin við seg við at geva son sín í deyðan fyri okkum øll. Og nú sigur hann við okkum: “Verðið sátt við Gud!” Hetta ljóðar kanska sum ein mótsøgn, men tað er tað ikki. Hann hevur gjørt alt, men sigur: “Verðið sátt við Gud!” Tað vil siga, tú mást taka ímóti tí. Tað er, sum um eg skuldi givið tær eina gávu. Eg fari í krambúðina og keypi gávuna til tín, biði tey pakka hana vakurt inn og fari so til hús og leggi hana frá mær, tí dagin eftir ætli eg mær at geva tær gávuna. Hvør eigur nú gávuna? Tú sjálvandi, tí eg havi ikki keypt hana til mín sjálvs, men til tín. Men tað vísir seg, at tú av eini ella aðrari grund, vilt ikki taka ímóti gávuni, og tí er gávan ikki tín longur, men eg gevi onkrum øðrum hana kanska. “Men so mongum sum tóku ímóti Honum, gav Hann mátt at verða børn Guds – teim­um, ið trúgva á navn Hans­ara;” Jóh. 1,12. Sendið viðmerkingar til post@sosialurin.fo