mikudagur 6. juni 2012síða 20

Mikudagur 6. juni 2012 · Nr. 64 20 Sosialurin Hugskot og viðmerkingar – send sms til 225000 Brot úr Vágs útróðrarsøgu FYRI VESTAN Útróður av Vágseiði Finnur Johansen Vestanbátur Eg róði nógv út fyri vestan, tann tíð tað var, so sum aðrir. Julius í Líðini var formaður hjá okkum. Ja, eg var so blaðungur, eg var ikki meira enn 22-23 ára gamal tá vit, eg og svágrarnir, fóru inn til gamla Poul Hammer, og bóðu hann gera okkum ein vestanbát. Hann var altíð so stakfittur maður at koma til, altíð blíður. So siga vit við hann, at vit komu at biðja hann gera okkum ein vest­ an­bát. So sigur hann: Vestanbát? Óvitar gera við vestanbát? So søgdu vit: Tað veit eg ikki, vit eru raskir at fáa fisk. So sigur hann: Finna tit nakra leið, nakrar plinkar vestanfyri? Nei, sigi eg, men vit hava fingið ein góðan formann. Góðan formann? Hvør er hann? Tað er Julius í Líðini. Julius í Líðini! Ja, so hava tit fingið ein góðan formann. Jú, bát skulu tit fáa. Ja, hvussu stórur skal hann vera? Eg veit ikki, vit vita ikki júst, men tað er nakað langt at draga. Ja, tað kundi verið eitt lít­ið fimmmannafar, fýra-fimm­manna­ far. Jú, tað varð so gjørt av, at hann skuldi vera 10 alin og 10 tummar til støddar. Jú, so gingu vit inn uppiløgudagar at hyggja, hugagóðir. So var hann liðugur eina ferðina. og hann sigur: Nú er báturi liðugur. Hvat dámar tykkum? Jú, jú, hann sär väl út. Ja, stýrið er liðugt eisini. Báturin kostar við stýrinum 110 krónur. Vit fingu so bátin. Árarnar mundu ikki kosta nógv. “Fiskurin” So róðu vit út, Julius var formaður. Tað mest vanliga var, at vit róðu vestur fyri Famjin. Vit vóru har vesturi, áðrenn tað lýsti. Eg minnist väl, vit róðu so langt vestur, at vit høvdu kirkjuna í Famjin leysa. So høvdu vit ýti suðuri í Beinisvørð. Vágseiði fyri einum hundrað árum síðani. Menninir standa á Lágkletti, og aftanfyri eru Heltnarnar. Kleivin er vinstrumegin sunnanfyri Lágklett. Dorius Jacobsen sigur frá, tá hann róði út av Vágseiði. Dorius, ið var føddur í 1892, var ættaður úr Tjørnustovu í Norðragøtu. Hann fisk­aði við skipum í Vági frá 1907, í 1914 flutti hann til Vágs at búgva, og í 1925 fór hann at koyra bil. Frá­søgnin hjá Doriusi er frá 1981. Hetta er fyrri partur.