fríggjadagur 8. juni 2012síða 39

nr. 65 · 8. juni 2012 7 VIKUSKIFTI Lá lærarayrkið altíð í kortunum? Nei, ætlaði mær at verða gullsmiður. Hvussu nógv pliktar eftirnavnið mentanarliga? Ikki so nógv í mínum huga, men kanska onnur meta, at eg skuldi mett tað hægri. Hvørjar eru størstu avbjóðingarnar hjá einum lítlum bygdarskúla? At fáa Mentamálaráð og Sernám at skilja, at avbjóðingarnar í lítlum skúla í ávísum føri eru størri enn á stórum skúla. Hví valdi tú Nólsoyar skúla fram um ein størri skúla í Havn? Eg havi starvast á Argja skúla og í Eysturskúlanum, men kom aftur til Nólsoyar at starvast - helst var tað ein liður í at gerast fyrstilærari. Hvat er gott við at búgva í Nólsoy? Friðurin, hugnin og sjálvsagt manskórið. Hvussu heldur tú teg í form? Haldi meg frá bommum og royni so at íðkað tað, ið tíð er til. Vónandi ferð ábyrgdin sum røktingarmaður at betra formin. Hvat ger tú í frítíðini? »Frí?« ...skrivi onkur orð um ferjuna til Nólsoyar. Dugi alt ov væl at finna mær okkurt at takast við. Ferðast tú nógv í egnum landi? Alt ov lítið. Men í summar verður onkur túrur. Tá tú ferðast uttanlands, er tú til sól á strondini ella til aktiva feriu? Hvørki. Sólin er góð, men eg tími ikki at liggja á strond í fleiri dagar. »Aktiv« og »feria« sampakka ikki í mínum huga. Best er at slappa av og njóta løtur við familju :-) Hvat er tín lívrættur? Mær dámar mestsum allan mat, serliga føroyskan, men er lívrættur tað eg kundi etið hvønn dag í árinum, so er svarið: Heimagjørd pizza. Hvørjum hyggur tú at í sjónvarpinum? »Degi og viku« og »3-2«, og so slappi eg av um ein action-filmur er. Hvør bók liggur á náttborðinum? »Vitjan...«, ið Anfinnur í Skála hevur skrivað. Nú skal miðbýurin í Havn oyðileggjast. Klaksvík veit eg einki um. Í Havn skal stórbæra grót­ laðingin hjá hegnismonnum uttan um tignarliga lands­ høvdinga­borgina brótast niður. Kortanei. Hann verjir ríkið móti føroyska frælsisherinum, skuldi hann eina ferð í framtíðini (tað er tó neyvan sannlíkt) fingið fingurin út og farið í hernað í staðin fyri bara at rópa. Garðurin skal ikki bara vera standandi. Píkatráður við streymi í skal setast oman á hann. Og hann eigur at fáa navnið Størstigarður. Havnin uttan fyri Størstagarð og innan fyri Stóragarð, sum bara er ein heilt vanligur bøgarður, sum havnarfólk fóru afturum at gera burtur av sær fyrr í tíðini. Og torir nakar at krevja, at Múrurin í Kirkjubø skal brótast niður og brúkast til vegargerð? Hann ímyndar eisini kúgandi vald og skuggar fyri sól. Bilarnir í Havn, sum líka síðani tann fyrsti kom hava havt fyrsta rætt til vegirnar, hava vunnið sær hevd og kunnu tí ikki bara soleiðis kroystast út úr mið­ býnum til frama fyri eina deyða á og breiðar trappur til nógv fólk at detta í í senn. Nei, kortanei, latið miðbýin sova í friði á sínum vagli, um­ girdur av demokratii, bønum og sálmasangi og øðrum hallelýja. So heldur ein golfvøll afturat, minst 18 hol, og ordiligt gras aftur á Tórsvøll. Og ein 500 metra hyl. Eitt torg í Steinatúni. Álvara­ tos, Steinatorg í stein­runn­um býi fer at krevja sjey ella átta bilpláss, tími ikki oman at telja beint nú. Hvar skulu teir bilarnir so standa? Á Skálatrøð. Har verður heldur ikki pláss fyri teimum. Í Gundadali. So noyðast fólk at ganga longri enn 10 metrar. Hví skulu tey so keypa sær bil? Sterkasta ábendingin um, at nú gongur betur í Havn, er, at færri fólk ganga, tí fleiri bilar verða keyptir. Og bussarnir eru tómir millum klokkan átta og fimtan. Vit hava bast enn einari kreppu við flatskatti og skattaðum inngjaldi. Ikki banna. Skilji væl, at landsstýrið vil hava sín part av eftirlønini alt fyri eitt. Eftirlønir hjá føroy­ ingum eru líka so ótryggir pengar sum allir aðrir pengar. Teir kunnu vera horvnir í morgin sum ein annan leygardag. Og so fær lands­kassin einki, tí so er einki útgjald at skatta. Og tá fær landsstýrið so sanniliga av at vita, fakfeløgini sjálvandi á odda sum vant: hví tryggjaði landsstýrið ikki okkum skattgjaldarum og landskassanum okkara og sínar pengar? Hví var inngjaldið ikki skattað? Hví svav landsstýrið í roknitímanum? Ikki tí, dugnalig fólk við skili fyri pengum eru í nevndunum hjá eftirlønarfeløgunum eins og í bankunum. Tey duga sítt, men fáa ikki vart seg fyri pengaetandi skrímslum uttaneftir. Eingin kreppa byrjar í Føroyum. Næstu ferð, virðisløn skal latast fyri gott føroyskt mál, eigur fyrsta kvinnan, sum tosar um seg sjálva og alla aðrar í kvenkyni, at fáa hana fyri góðan málburð. Fyri at virða, at føroyskt ikki er eitt ein­kynt mál. Tað ræður um altíð at byrja við sær sjálvari, ikki sær sjálvum. Tá Kitty May stillaði upp fyri Sam­bandsflokkin til eitt løgtings­ val var hon bara á tí listanum og vendi og endaði dagin eftir á list­anum hjá Fólkaflokkinum. Tíðindi, stórtíðini, konflikt, konflikt, so eg gjørdi eina sam­ røðu við Kitty May um hetta overnight skiftið frá einum liberal­um flokki til ein liberalan flokk. Tá samrøðan var liðug og mikrofonin, tíverri, sløkt, segði hon, at hon fór, tí tað var ikki pláss fyri tveimum sterkum kvinnum á sama lista. Soleiðis! Við slíkum sjálvsáliti hava vit ikki brúk fyri javnstøðulóg, javnstøðunevnd, javnstøðugrenj og demokratia. Umafturafturum høgni djurhuus Móðurmálsviðursløn 2012 Jákup av skarði lagt til rættis: Leo Poulsen Vóni ábyrgdin sum røktingarmaður betrar formin Jákup av Skarði er fyrstilærari við Nólsoyar skúla, men tað var ikki fyrstavalið frá barnsbeini av. Hann hugsar ikki so nógv um eftirnavnið, men slappar væl av aftur við einum action- filmi. Og so er nýstovnaða manskórið ein partur av hugnanum við at búgva í Nólsoy Millum garðar