mikudagur 13. juni 2012síða 14

Mikudagur 13. juni 2012 · Nr. 67 14 Sosialurin Hugskot og viðmerkingar – send sms til 225000 Leo Poulsen Menningin hevur verið stór seinastu 30 árini innan olju­ nýtslu og ventilatión. Og ein útskiftan í Svimjihøllini í Gundadali skal væntandi skapa munandi sparingar innan el- og oljunýtsluna. – Oljufýrið hevur 30 ár á baki, og hevur gingið uttan steðg í øll árini.Tað er nú skift út, og hóast tað er ilt at siga, hvussu stór sparingin er, tí so lítið er fráliðið enn, so vænta vit heilt klárt, at talan fer at verða um spar­ingar, sigur leiðarin av Svimji­høll­ini í Gundadali, Gunnar Streym­ oy. Ein trupulleiki við at ávísa ítøkiliga sparing er, at oljuprísurin hevur verið so nógv hækkandi, og tí er rætti­liga høgur í løtuni. – Somuleiðis hava vit skift alla ventilatión í høllini út, og har fara vit heilt greitt at merkja tað aftur í minni el­ nýtslu, sigur Gunnar Streym­ oy. Tað hevur verið neyðugt at skift ventilatiónina út í tveimum umførum. – Fyrri parturin umfatari skiftirúm og onnur rúm enn sjálva høllina, meðan seinna umfar tók svimjihøllina, sigur Gunnar Streymoy. Neyðugt var at steingja høllina, meðan ventilatiónin varð skift har. – Vit máttu tøma sjálv­ar hyljarnar, meðan ventila­ tión­in í sjálvari høllini varð skift. Hetta var neyðugt, tí so nógvur klordampur annars hevði verið í høllini, sigur Gunnar Streymoy. Framkomin tøkni Svimjihøllin var sostatt slongd allan desember mán­ að, meðan ventilatiónin í høll­ini varð skift. – Vit meta hetta avgjørt sum eina góða íløgu, og vit vænta heilt víst, at vit fara at síggja sparingar aftur í bíligari rakstri. Vit skulu minnast til, at høllin fyllir 30 ár í ár, og tá er tað altíð okkurt, sum hevur tænt fyri seg, sigur Gunnar Streymoy. Viðvíkjandi ventilatiónini er tað heilt aðrar dimentiónir, ið nú liggja í svimjihøllini. – Vit vænta tí at fara at spara munandi í elnýtsluni. Men, sum nevnt er stutt tíð fráliðin enn, men vit rokna við, at fara at síggja ein mun tá árið er farið, sigur Gunnar Streymoy. Nýggja ventila­tións­skip­ anin er munandi meiri fram­ komin enn tann gamla, sum varð tikin niður. – Gamla skipanin koyrdi við fullum umsnaringum døgn­ið runt. Við nýggju skip­ anini ber til at skrúva niður fyri blussinum um náttina, og so skrúva upp aftur um morgunin, og tað eigur at fara at merkjast aftur í minni elnýtslu, sigur Gunnar Streym-oy. At arbeiðið at skifta olju­ fýr og ventilatión fer fram nú, skal síggjast sum ein náttúrlig útskifting. – Sum nevnt er høllin 30 ára gomul í dag, so hesar útskiftingar vóru neyðugar. Og vit meta tað avgjørt sum eina góða íløgu at fáa nýggja og framkomna tøkni at loysa gomlu skipanina av, sigur Gunnar Streymoy, leiðari í Svimji­høllini í Gundadali. Íløgur skulu betra um raksturin SPARINGAR Oljufýr og ventilatiónsskipan í Svimjihøllini í Gundadali hava eftirhondini 30 ár á baki, og ein útskiftan skal spara munandi í rakstrinum Leo Poulsen Bogi Andreasen er eyka­ mað­ur á Løgtingi hjá Fólka­ flokkinum, og sat á tingi, tá málið um at játta 36 mill.iónir krónur til Tekniska skúla í Klaksvík var fyri. – Eg fekk heilt greitt ta fatan, at málið um Tekniska skúla í Klaksvík als ikki var klárt at koma fyri Tingið. Tað er als ikki greitt, um talan skal verða um ein ella tveir deplar har norðuri, ein í Klaks­vík og ein á Kabsdali, sigur Bogi Andreasen. Hann spurdi tí lands­stýris­ mannin í Mentamálum, Bjørn Kalsø, hvørjar langtíðar­ ætlanir vóru fyri øki, men tað visti lands­stýrismaðurin ikki at siga. – Eg helt tað ikki vera rætt, at geva lands­stýris­mann­inum ein blanco-kekk á 36 millliónir, uttan at nøkur ætlan var við hesum peng­unum. Eg haldi tað vera bein­leiðis óseriøst at játta so nógvar pengar í hesum tíðum til nakað, sum man ikki veit hvat er, sigur Bogi Andrea­sen. Hann dugir als ikki at síggja, at vit skulu hava tríggj­ar deplar av sama slagi í Føroyum. – Eg haldi, at tað bert máar støði undan einari væl virkandi skipan, um vit fáa tríggjar deplar av sama slagi, sigur Bogi Andreasen. Ikki fordeila Hann heldur, at tað sjálvandi er positivt, at útjaðarin verð­ ur stuðlaður. – Men talan er ikki um eina útjavningarskipan, tí hetta er okkara ungdómur og okkara framtíð, talan er um. Ein stórur trupulleiki í Føroyuum í dag er, at vit hava ilt við at varðveita ungdómin í landinum, og skipa vit okk­ um ikki væl innan útbúgv­ ingarøkið, kemur ung­dóm­ urin ikki heim, sigur Bogi Andreasen. Hann sigur, at skipa vit ikki útbúgvingarnar á skyn­ saman hátt, so missa vit ung­ dómin uttanlands. – Soleiðis, sum eg síggi gongdina, fara vit at hava fleiri og smærri eindir, sum ikki megna at veita ta út­ búgving, sum skal til. Í løtuni hava vit eindir, sum virka rættiliga væl, men fara vit at fordeila útbúgvingarnar kring landið, fáa vit eindir, sum eingin dugur er í, sigur Bogi Andreasen. Tað verður tí neyðugt at seta seg niður og finna út av, hvat vit vilja. – Vit eiga at gera okkum greitt, at vit ynskja eina eind norðan fyri og ikki tvær. Og síðani skulu vit fokusera upp á miðstaðarøkið og gera tað framúr gott eisini, so vit skapa nakrar útbúgvingar, sum ungdómurin veruliga ynskir, sigur Bogi Andreasen. Men tað eru ikki bara sjálv­ar útbúgvingarnar, sum hava týdning. – Ungdómurin í dag ynskir so nógv meira og ann­að enn bert sjálva út­ búgvingina. Ungdómurin vil vera í miðstaðarøkinum, tí her er alt. Her er eitt ríkt mentanarlív, eitt umfatandi náttarlív, her er ítróttur, her er alt, og tað er hetta, sum ungdómurin ynskir, sigur Bogi Andreasen. Ikki lokalpolitikari Varalimurin hjá Fólka­flokk­ inum heldur, at tað ikki ber til at skapa slíkt umhvørvi í sama mun aðrastaðni. – Eg eri bangin fyri, at vit ikki megna at skapa eitt slíkt lestrarumhvørvi har norðuri, sum vit hava í Havn, har ungdómurin trívist. Eg eri bangin fyri, at vit ikki fáa teir næmingar og teir lærarar, sum kunnu lofta hesi útbúgvingini, sigur Bogi Andreasen. Hann vil tó ikki fara so langt sum at siga, at peng­ arnir eru tveittir burtur. – Nei, tað skal eg ikki siga. Eg lesi bara í Norðlýsinum, at eg eri lokalpolitikari, men tað eri eg ikki. Tvørturímóti. Eg eri valdur í Løgtingið fyri at skapa nakað gott í Føroyum. Eg sigi heldur ikki, at alt skal vera í Havn. Eg vil bara, at vit skulu fáa nakrar góðar útbúgvingar, og at hetta øki skal verða væl skipað, sigur Bogi Andreasen. Óseriøst við blanco-kekki til Bjørn ÚTBÚGVING Eg haldi, at tað er beinleiðis óseriøst av løgtinginum at samtykkja 36 milliónir krónur til útbygging av Tekniska skújla í Klaksvík, uttan at landsstýrismaðurin hevur nakra ítøkiliga ætlan um, hvat skal gerast, sigur Bogi Andreasen Gunnar Streymoy væntar heilt víst, at útskiftingin av oljufýri og ventilatiónsskipan fer at merkjast aftur í rakstrinum av Svimjihøllini í Gundadali Bogi Andreasen heldur tað vera óseriøst, at geva landsstýrismanninum ein blanco-kekk, uttan at nøkur ætlan fyriliggur sum sigur, hvat peningurin skal brúkast til