fríggjadagur 15. juni 2012síða 75

Jóansøka 2012 Vikutema Vágur Vilmund Jacobsen Borgarstjórin í Vágs kommunu, Kirstin Strøm Bech, sigur, at fíggjarstøðan hjá komm­ununi hevur verið trupul og hevur gjørt, at rásarúmið hevur verið lítið. – Men nú tykist, sum tað er lætt eitt sindur í hjá okkum. Hon sigur, at skuldin hjá Vágs komm­unu liggur um 45 miljónir krónur, og inn­tøkurnar liggja um 36 miljónir krónur. Soleiðis skyldar kommunan meiri enn eina álíkning, og tað hevur komm­unan gjørt øll árini, sum hon hev­ur røkt borgarstjórastarvið. – Vit gjalda slakar 5 miljónir krónur um árið í avdrøgum, og eg vænti, at vit verandi gongd eru komin undir eina álíkning í skuld um eini tvey ár ella so, sigur hon. Tungur sjógvur Kirstin Strøm Bech sigur, at hóast tað hevur havt bindingar við sær, at skuldin er oman fyri eina álíkning, held­ur hon, at tað hevði verið keðiligt, um tey í kommununi bara høvdu sitið og trill­að tumlar, sum hon tekur til. – Ein partur av vinnulívinum í kommununi hevur verið í tungum sjógvi, men høvdu vit einki havt gjørt hesi árini, hevði tað avgjørt gingið enn meiri út yvir trivnaðin. Borgarstjórin heldur ikki, at tað sigur alt um fíggjarstøðuna hjá eini kommunu, at skuldin er oman fyri eina álíkning. – Vit klára at svara hvørjum sítt, og tað haldi eg eigur at verið avgerandi, sigur hon. Ikki rættvíst Borgarstjórin í Vágs kommunu heldur, at tað ikki altíð er rætt at »sekta« eina kommunu við niðurbinding, tó at hon skyldar meiri enn eina álíkning. – Slíkt kann skjótt viðvirka til, at ein kommuna, sum ikki er væl fyri framm­ an undan, gerst enn verri fyri, meðan ein onnur kommuna, sum skyldar eitt sindur minni enn eina álíkning, gerst enn betri fyri. Sjálvandi er einki skeivt í, at ein kommuna gerst betri fyri, enn hon er, men tað er sjálvandi spell, um kommunur, sum eru eitt sindur verri fyri, ikki fáa møguleikan at skapa trivn­að í bygdini, sigur Kirstin Strøm Bech. vilmund@sosialurin.fo – Tað er ikki vist, at tað er rætt at »sekta« eina kommunu við niðurbinding, tó at hon skyldar meiri enn eina álíkning. Skuldin sigur ikki alt um fíggjarligu støðuna hjá eini kommunu, sigur Kirstin Strøm Bech Umráðandi at skapa trivna í kommununi – Vit klára at svara hvørjum sítt, og tað haldi eg eigur at verið avgerandi, sigur Kirstin Strøm Brech