mánadagur 18. juni 2012síða 7

7 Mánadagur 18. juni 2012 · Nr. 69 Sosialurin Hugskot og viðmerkingar – send sms til 225000 Áki Bertholdsen Nú fer Landsverk undir eitt um­fatandi arbeiði at gera Hvalbiar­tunnilin tryggari og lætt­ari at koyra ígjøgnum. Kári P. Højgaard, lands­ stýris­maður í inn­lendis­ málum sigur, at á fíggj­ ar­lógini í ár eru tríggjar millión­ir krónur settar av til Hva­l­bi­ar­tunnilin. Spurningurin er, hvussu tær skulu brúkast, um tað skulu brúkast til at pro­jek­ tera ein nýggjan tunnil ella um tær skulu brúkast til at bøta um umstøðurnar í tunli­ num, sum er. Hann staðfestir, at sam­ gong­an er samd um, at tann næsti tunnilin, sum verður gjørd­ur, verður til Viðareiðis. Sostatt er greitt, at tað verð­ur ikki farið undir ein nýggj­ur Hvalbiartunnil fyrr­ enn í 2018. - Hildið verður ikki at tað er skilagott at projektera ein nýggjan tunnil so langt áðrenn hann skal gerast, sigur Kári P. Højgaard. - Tað er lítið høpi í at pro­ jektera ein nýggjan tunnil nú, tí vit vita, at hann verður ikki gjørdur hesi næstu árini kort­ini. - Tískil havi eg gjørt av, at peningurin ístaðin skal brúkast til at bøta um um­ støður­nar í tunlinum, sum er. Landsstýrismaðurin legg­ ur afturat, at hetta er ein avgerð, sum er tikin í sam­ ráð við landsverk og borgar­ stjóran í Hvalba. Tryggari og betri Av teimum trimum millió­ nunum, sum eru til taks til Hvalb­ia­r­tunnilin í ár, skal eitt sindur brúkast til at gera jarð­frøðiligu kanningarnar í sam­band við tann nýggja tunnil­in, lidnar. Men nógv tann størsti parturin skal brúkas til at at bøta um umstøðurnar í tunli­ num. Í hesum sambandi skulu víki­plássini í tunlinum ger­ ast størri og tunnilin skal tett­ast betri. Harumframt skulu rýming­ar­ljós, telefonir og eld­sløkkj­ar­ar setast upp í tunlinum og harafturat skal útgerð setast upp so at radio og fartelefon hoyrist ígjøg­ num allan tunnilin. Liðugt í ár Kári Post sigur, at farið verð­ ur undir arbeiðið í næstu fram­tíð og at tað skal vera liðugt í ár. Frammanundan er frí­ hædd­in hækkað 50 senti­ metr­ar, so hon nú er 3,5 metr­ar Kári P. Højgaard leggur kort­ini dent á, at hetta skal ikki skiljast sum um at ætlanin at gera nýggja Hvalbiartunnil er slept ella út­sett enn meiri. - Ein nýggjur Hvalb­iar­ tunnil er á lan­g­tíð­ar­fíggjar­ ætlan­ini. Tað, sum nú verður gjørt, er bara ein roynd at bøta um umstøðurnar, so at hann verður tryggari og lætt­ ari at koyra ígjøgnum hesi árini, til tann nýggi tunnil er komin, sigur lands­stýris­mað­ ur­in. Áki Bertholdsen - Nøkur hava spurt, men ong­ in hevur bjóðað! So stutt og greitt tekur Regin Jacobsen, stjóri á Bakka­frost, samanum, tá ið hann verður spurdur, um nak­ar áhugi er fyri at keypa stóra flakavirkið í Vági, Bakka­frost. Tað stóra flakavirkið í Vági, sum upprunaliga nevnd­ist Polarfrost, hevur stað­ið tómt í fleiri ár. Tað hevur havt eina um­ skifti­liga lagnu. Tá ið at kalla øll fiski­vinn­ an í landinum fór á húsagang tíð­liga í nítiárunum, endaði tað hjá Fiskavirking. Av og á var arbeiði á virki­ num, men yvirhøvur lá tað stilt í fleiri ár. Tískil endaði tað sum laksa­virkið, men tá ið ILA jarðlegði føroysku ali­vinnu­ na, gekk tað heldur ikki long­ ur og virkið lukkaði aftur. Tað ljóðaði, at stórur áhugi var fyri at keypa, men Fiska­virking noktaði at selja tað til virksemi, sum var í kapp­ing við Fiskavirking. So fór Fiskavirking á heys­in og tá keypti Faroe Farm­ing, sum Havsbrún átti stóran part í, virkið. Men síðani hendi tað, at Faroe Farming endaði hjá Bakkafrost í sambandi við, at Bakkafrost keypti Havsbrún. Ongin einstøk fyritøka hev­ur loyvi at eiga meiri enn 50% av føroysku ali­loyvu­ num, men nú Bakkafrost ognaði sær Faroe Farming, varð markið sprongt. Tískil varð Faroe Farm­ ing aftur selt burtur úr Bakka­frost til eitt felag, sum Tjaldur eigur 51% í og Bakka­ frost eigur 49% í. Vælkomin at bjóða Men tá ið virkið endaði í hondu­num á bakkafrost, stað­festir Regin Jacobsen, stjóri rættiliga skjótt, at fingu tey eitt boð, sum kundi góð­takast upp á virkið í Vági, vóru tey sinnað at selja. - Vit seta ongar treytir til ein keypara uttan tað, at vit semj­ast um ein prís, segði Regin Jacobsen. Men síðani er at kalla onki hent. Stjórin í Bakkafrost sigur, at lítil og ongin áhugi hevur ver­ið fyri virkinum. - Onkrir einstakir fyri­ spurn­in­gar hava verið, men held­ur ikki meiri enn tað. - Onki ítøkiligt er hent og onki tilboð er komið, leggur hann afturat. Í løtuni er nevnd og leiðs­ la í Bakkafrost eisini nevnd og leiðsla á Faroe Farming, men tað skal ikki halda fram í sambandi við, at Faroe Farm­ing er selt einum nýggj­ um felagi. Tískil skal nýggj nevnd velj­ast fyri Faroe Farming. - Tað verður í næstum og í sambandi við, at tann nýggja nevndin skal leggja virk­ semið í Suðuroy til rættis, fer fer hon so eisini at umrøða spurn­ingin um, hvat skal ger­ast við virkið í Vági , sigur Reg­in Jacobsen - Men vit hava sagt, at vit lurta eftir tilboðum upp á virk­ið í Vági og tað stendur við, leggur hann afturat. Hvalbiartunnilin gerast nýmótans TRYGDARÚTGERÐ Nú skulu umfatandi ábøtur gerast í Hvalbiartunlinum fyri at bøta um trygdina og ferðsluna Hvalbiartunnilin er trongur og myrkur og har er als ongin trygdarútgerð yvirhøvur. Men nú verður bøtt um tað so at hann verður brúkiligur hesi næstu árini, til ein nýggjur tunnil er gjørdur Trongur og myrkur Lítil áhugi at keypa flakavirkið í Vági POLARFROST Ongin hevur bjóðað upp á flakavirkið í Vági, sigur stjórin á Bakkafrost Ongi tilboð Enn er ongin áhugi at keypa stóra fiskavirkið í Vági. Myndina tók Erik Christensen