mánadagur 18. juni 2012síða 13

13 Mánadagur 18. juni 2012 · Nr. 69 Sosialurin Hugskot og viðmerkingar – send sms til 225000 Ítróttarblaðið effo-deildin 12. umfar Hilmar Jan Hansen Klokkan tikkaði fram ímóti teimum 90 minuttunum, tá Kristoffur eftir enn eitt miseydnað B36-álop fekk fatur í bóltinum afturi í høgru síðu og valdi at seta ferð á frameftir eina seinastu ferð. Hann fór fram við einum og tveim­um monnum, uttan at nakar gjørdi nakað serligt fyri at steðga hon­um, og so var sjálvandi bara at halda fram. At enda sendi hann bóltin tvørtur­um til liðformannin, Hjalgrím Elttør, ið hevði strítt seg fram­við, men hann orkaði ikki ordiliga at seta trumf á, so tað bleiv eitt millumting millum eitt skot og eina sending aftur til Kristoffur, ið hinvegin var púra kaldur og smekkaði bóltin í málið – til ovurstóra gleði fyri klaks­víking­ arnar, sum annan leygar­dagin á rað fingu trý stig at gleðast um. Hinvegin var ikki nógv at frøast um hjá vertunum, ið høvdu yvirvág so at siga allan seinna hálvleik – og serliga ímóti end­anum, tá KÍ-ararnir vóru full­komu­liga sperlaðir – men teir í B36 dugdu bara ikki at finna málið. Tá kann tað vera so skjótt, at tú verður revsaður í hinum end­ anum. – Vit taptu tað uppá býttheit í fyrra hálvleiki. Vit vístu annað spæl í seinna hálvleiki, har vit høvdu tamarhald á øllum, men fingu bara ikki mál. Og tá teir skor­ aðu upp á lítið og einki, so varð tað øgiliga trupult hjá okkum, segði liðformaðurin hjá B36, Jákup á Borg. – Hetta var ein dystur, har vit skuldu havt koyrt tað heim í seinna hálvleiki. Men akkurát nú eru vit ein bunki av amatørum, sum ikki hava uppiborið annað enn at liggja, har sum vit nú liggja. 25 góðir minuttir Dysturin byrjaði annars rættiliga linliga, og gott og væl fyrsta korterið hendi ikki tað stóra. Men so fekk B36 eitt fríspark í høgru síðu miðskeiðis á KÍ-hálvuni, sum Súni Olsen slapp at skjóta. Við sínum eyðkenda stíli sendi hann bóltin væl inn í brotsteigin, og har var Dánjal Rói Olsen hægstur og skallaði í málið til 1-0. Minti ikki sørt um EM-málið hjá Andy Carroll ímóti Svøríki… Hetta málið var akkurát tað, sum dysturin hevði brúk fyri, tí nú kom líkasum lív í báðar partar. Bæði B36 og KÍ gjørdust meira miðvís í spælinum og tað hekk betur saman hjá báðum liðum, ið royndu at fara eftir møgu­leik­unum, tá tað eydnaðist at fáa bóltin fram á vøllin. Síðstu 25 minutt­irnir av dystinum blivu klárt meira undirhaldandi, enn teir fyrstu 20 høvdu verið tað. Tá hálvur tími var spældur, fekk KÍ javnað til 1-1 við einum rættiliga løgnum máli, ið B36-mál­verjin, Meinhardt Joensen, onkurs­vegna má taka á sín kappa. Helst var talan um eitt innlegg frá Heðini á Lakjuni, men tað lá so mikið væl, at tað slapp at sigla allan vegin inn í málið. B36 fekk skjótt svarað aftur, tí minni enn tríggjar minuttir seinni endaði eitt hornaspark í høgru síðu við, at Atli Danielsen slapp at standa púra leysur og ódekkaður mitt inni í KÍ-brotsteiginum, har hann hevði ivaleysa góðar stundir at seta bóltin í málið. Fult av bláum var har á leiðini, men eingin sá Atla sum sína verjuuppgávu, og so var 2-1 til B36. Vakrasta málið Hetta var eisini støðan, til fimm minuttir vóru eftir til hálvleiks. So hendi nakað løgið, tí B36-málverjin royndi at signalera, at ov lítil luft var í bóltinum, men valdi so ta løgnu loysnina at gyppa hann út av vøllinum, so KÍ fekk innkast. Ein skaddur bóltur er ikki nøkur »fair play«-støða, so sjálvandi tóku klaks­víkingar sítt innkast og koyrdu bóltin ímillum sín í eina løtu – uttan at nakar B36 slapp at nerta hann, fyrr enn hann skuldi takast úr málinum. Henda útjavningin til 2-2 má hava verið higartil vakrasta mál­ ið í hesum kappingarárinum, ið spurd­ist burtur úr eini so sera bein­raknari sending úr vinstru frá Hjalgrím Elttør fram í høgru síðu, har Álvur Christiansen var komin fram av bakkinum, tamdi hegnisliga við bringuni og heilfluktaði mitt í málið, heilt uppi undir yvirliggjaranum. – Vit vóru ræðuliga kroystir ímóti endanum, so vit fingu ikki spælið ordiliga at koyra. Men vit hildu tætt og koyrdu eitt sindur upp á kontra ímóti endanum. Tað lukkaðist so, segði Álvur, ið ikki hevði stórvegis hug at reypa av sínum fantastiska flotta máli til 2-2, ið man vera higartil besta boðið upp á ársins mál í Effodeildini higartil. – Tað sá kanska flott út hjá mær, men eg haldi, at tað allarflottasta var sendingin frá Hjalgrími. Hjá mær var tað bara at seta bóltin inn, tí eg sá, at Meinhardt stóð langt úti, so eg skuldi bara fáa bólt­in inn um hann. hilmarjan@sosialurin.fo Kristoffur koppaði B36 Effodeildin Hóast B36 hevði bóltin tað mesta av tíðini í seinna hálvleiki, dugdi KÍ betur at goyma kreftirnar – og serliga Kristoffur Jakobsen, sum í evstu løtu avgjørdi dystin til fyrimuns fyri gestirnar Tróndur Arge – Gundadalur Tað var ongantíð nakar ivi um hvør fór at vinna dystin í Gundadli sunnudagin. FC Suðuroy hevur tunnan hóp og tá menn sum Heini Vatnsdal, Poul N. Poulsen og Sasa Kolman ikki eru tøkir, so er tunt. Álopini skolaðu oman móti Stanislav Kuzman og ungu verjuni hjá FC Suðuroy, sum í ein hálvan hálvleik megnaði at standa í móti trýstinum. Miðskeiðis í seinna hálvleiki gekk tó ikki meir, tá Christian R. Mouritsen sendi eina langa neyva sending inn í brotsteigin, har Símun Samulsen kom rennandi upp á tvørs frá vinstru til høgru. Hann tamdi bóltin við bringuni og so var lætt at skjóta bóltin í málið. Nú bíðaðu tey flestu bara eftir at FC Suðuroy fór at skrambla saman, men so var ikki. Rangstøða og veikleikar hjá HB HB hevði í dystinum móti EB/ Streymi fyri viku síðan stórar trupul­leikar av skjótálopum. Liðið tykist ikki at hava røttu javnvágina, tá teir skulu umstilla seg eftir at hava mist bóltin í uppspælinum. Hesa ferð var tað serliga ótømandi orkan hjá løgreglumanninum í høgra borði, sum gav verjuni hjá HB trupul­leikar. Vinstri bakkur hjá HB er fram­ rættaði Alex Jose dos Santos. Og tá HB hevur fer í álop, so fer hann við. Góði bóltførleikin og neyvu sendingarnar geva nógv í fram­ rættaða spælinum, men í verju­ part­inum manglar hann. Ella liðið megnar ikki at fylla tað holið, sum íkemur tá hann fer í álop. FC Suðuroy hevði upp í tríggjar stórar málmøguleikar fyri hálvleik. Serliga aftaná ein hálvan tíma stóð nógv á. Palli Augustinusen fór tví­ sporandi avstað í høgru og legði inn­fyri til ein púra frían John T. Poulsen, sum trillaði bóltin í málið. Tíverri fyri John T. Poulsen og FC Suðuroy, so hevði hjálpardómarin flaggið á lofti og veittraði fyri rang­støðu. Hetta vóru gestirnir úr suðri als ikki samdir í. Talan var um eina avlevering upp á tvørs og FC suðuroy spælararnir mettu tað als ikki vera møgulig hjá John T. Poulsen at verða rangstaddur í støð­uni. Seinasta korterið høvdu John T. Poulsen og Jón Krosslá Poulsen hvør sín málmøguleika, men tá vildi bólturin ikki inn. – Tað er rætt at vit høvdu nakar mál­møguleikar, men fór vit til hálvleiks við eini leiðslu, so hevði tal­an verið um tjóvagóðs, helt Jón Krosslá Poulsen skemtiliga fyri eftir dystin. HB var bæði leikliga omaná og hevði fleiri málmøguleikar. HB avgerð Í seinna hálvleiki setti HB ferðina upp, meðan tað eisini gjørdist al­ samt meiri greitt hví FC Suðuroy ligg­ur niðast. Eitt lítið korter inn í seinna hálvleik kemur Símun Samuelsen í góða skot støðu í brots­ teig­inum, men velur heldur at taka eitt trekk og so er vegurin til málið púra opin, tí bæði verjuleikarar og mál­maðurin vóru snýttir. Tíggju minuttir fyri tíð skrædn­ aði av álvara hjá FC Suðuroy. Fyrst skoraði Tróndur Jensen dagsins mál, tá hann mitt fyri uttanfyri brots­teigin smekkaði bóltin í mál­ hornið til 3-0. Miðvallarin hevur skotið okkurt líknandi mál fyri HB, síð­ani hann í fjør gjørdi vart við seg á besta liðnum. Tveir minuttir seinni fór Hendrik Rubeksen um koll í brotsteiginum og so var brotsspark. Fróði Benjaminsen umsett trygt til 4-0. Hann meddaði bóltin í nettakið. Símun Samuelsen økti til 5-0 úr spískum í vinstru, áðrenn Hendrik Rubeksen setti punktum við máli til 6-0. 6-0 og hvat so? Tað var gott lag á HB viðhalds­ fólk­unum eftir stórsigurin. Tveir ósigrar á heimavølli hava skumpað HB niðureftir á stigatalvuni, men við sigrinum er vend komin í. Men tað er ivasamt hvussu nógv HB skal leggja í sigurin. FC Suðuroy hevur bara fingið trý stig í ár og tað sigur nógv um støðun hjá felagnum. HB spældi væl, men sigurin var altíð eitt krav. Komandi dysturin er móti Víking í Gøtu. Vøllurin er skiftur og tað er til tað betra fyri føroyska fótbólt og ikki bara fyri HB, sum roynir at leggja seg eftir at spæla bóltin eftir jørðini heldur Símun Samuelsen fyri. – Tað var ógjørligt at spæla á gamla vøllinum, men hetta er ikki ein fyrimunur fyri okkum. Víkingur hevur fleiri góðar bóltspælarar og tað fer eisini at gagna teimum, sigur Símun Samuelsen um dystin komandi umfar. Fyri FC Suðuroy sær uppgávan vón­leys út, men Jón Krosslá Poulsen hevur enn eina vón. – Tað sær einki serligt út, men vón­andi verða allir menn klárir til komandi umfar, sum er móti EB/Streymi á jóansøku. Fáa vit fýra stig móti EB/Streymi og KÍ undan summarferiuni, so er tað ikki ógjørligt, sigur Jón Krosslá Poulsen. trondur@sosialurin.fo Fótbóltur Símun Samuelsen skoraði hattrick, tá HB vann ein lættan stórsigur á botnliðnum FC Suðuroy. Hóast HB var greitt omaná, so var um reppið at FC Suðuroy var á odda í hálvleikinum Símun søkti FC Suðuroy