mánadagur 18. juni 2012síða 24

Mánadagur 18. juni 2012 · Nr. 69 24 Sosialurin Hugskot og viðmerkingar – send sms til 225000 Ítróttarblaðið Pætur Albinus Norski heimsmeistarin í bringu­ svimjing, Aleksander Dale Oen, sum brádliga doyði á venjingarlegu í USA fyri seks vikum síðani, bara 26 ára gamal, doyði av einum blóð­ tøppi í hjartanum. Hetta vísa úrs­ litini av einari líkkanning, sum júst er vorðin almannakunngjørd. Álvarsama sjúkur Nærri nágreiniliga var blóðtøppurin í einum av kransæðrunum tætt við hjartað. Vanligu orsøkirnar til sjúku í hesum kransæðrunum eru royking, ov høgt kolesterol-inni­ hald, ov høgt blóðtrýst, ovurfiti og leti. Hetta kann viðføra at renslið av súrevni til hjartað verður av­ markað. Sjálvur hevði Aleksander Dale Oen eina sjúku í kransæðrunum, sum avmarkaði um súrevnistilførslu hansara til hjarta. Ein sjúka, sum lættliga kundi verið steðgað. – Hetta er eitt púra óvæntað úrslit og tað er óskiljandi, at ein 26 ára gamal heimsmeistari í svimjing hevur ment eina slíka álvarsama hjartasjúku. Eg havi medisinsku ábyrgdina, og eg vil vegna meg sjálvan og Olympiatoppen orsaka familjuna, at vit ikki megnaðu at finna fram til sjúkuna áðrenn hetta ræðuliga hendi, sigur OL-læknin hjá Olympiatoppen, ítróttarsentrinum í Noregi, við VG. Familjan er skiljandi Tað er sum kunnugt púra óvan­ligt, at eitt ungt og annars frískt menn­ iskja hevur eina slíka álvarsama hjarta­sjúku. Hevði verið funnið fram til sjúkuna, so hevði hann fingið lætta viðgerð og verði frískur. Familjan er tó skiljandi og glað fyri at hava fingið eina orsøk at vita. Hon verjir læknarnar og viðgongur, at hann bara var álvarsliga sjúkur. – Familjan er takksom fyri at tað er funnið fram til eina orsøk, hví hann doyði. Tað er umráðandi fyri okkum, at vit sýna takksemi til teirra, ið gjørdu alt, tey kundu. Hann er deyður, tí hann hevði eina álvarsliga sjúku. Framyvir kunnu nøkur ting kanska verða gjørd øðrvísi, men vit í familjuni eru ikki úti eftir at finna ein syndara, sigur familjan í tíðindaskrivi og ynskir, at fjølmiðlar og onnur ikki leggja eftir einum møguligum syndara og at tey vilja hava frið at syrgja. albinus@sosialurin.fo Tróndur Arge René Shaki Joensen er kosin til ársins leikara á U19-liðnum hjá Brøndby. Tað vóru rósandi orð, ið venjarin hevði at bera føroyska U21-landsliðsleikaranum. – Tað kennist fantastiskt, segði René við Portalin leygardagin. René hevur verið fastur maður í miðverjuni á U19-liðnum, sum er á einum fjórða plássi í donsku kapp­ingini. – Eg bleiv eitt sindur rørdur, tá ið eg fekk tað at vita. Venjarin, Mads Davidsen, segði, at hann aldrin hevði møtt einum leikara við so sterkari mentalari styrki og sum venur so nógv tá hann annars hevur frí. Tað vísir bara, at tú kanst koma langt við rætta hugburðinum, sigur føroyski U21- landslisleikarin. René fekk debut á Superliga- liðnum hjá Brøndby í hesum kapp­ ingarárinum. trondur@sosialurin.fo Fótbóltur Føroyski René Shaki Joensen bleiv um vikuskiftið kosin ársins besti á U19-liðnum hjá danska felagnum, Brøndby René ársins leikari hjá Brøndby Dale Oen doyði av blóðtøppi í hjartanum Kundi verið bjargaður: Svimjing Ein líkkanning av norska svimjaranum, Aleksander Dale Oen, vísir, at hann hevði eina álvarsama hjartasjúku og doyði av einum blóðtøppi í hjartanum. Hann kundi tó lættliga verði sloppin av við sjúkuna