mikudagur 20. juni 2012síða 17

17 Mikudagur 20. juni 2012 · Nr. 70 Sosialurin Hugskot og viðmerkingar – send sms til 225000 Landið eigur eisini eldraøkið Jógvan Arge býráðslimur í Havn Tey sigla hvør sín sjógv í lands­stýrinum. Bjørn Kalsø sigur nú nei til at leggja skúlan út. Ann­ ika Olsen hevur tvíhildið um at leggja eldraøkið út til kommunurnar sum skjót­ ast. Bjørn sigur, at halda vit, at ábyrgdin er tvørlig, nú hon er býtt millum land og kommunur, verður hon enn tvørligari, tá hon verður løgd í kommunal samstørv, tí tá verða enn fleiri ábyrgdarar. Verður skúlin lagdur út til kommunurnar at umsita, skal hvørt øki kanska hava sína skúlaumsiting, og tí er vandi fyri, at umsitingin verður nógv størri enn hon er í dag, kanska heilar sjey ferðir størri. Soleiðis sær ábyrgdar­ mað­urin í landsstýrinum upp á fylgjurnar av at leggja skúl­an út til kommunalar sam­arbeiðseindir. Løgið, um niðurstøðan hjá landsstýrinum ikki verður nakað tann sama viðvíkjandi eldraøkinum. Landsins kosnu hava verið hálvhjartað í royndunum at fáa kommurnar at leggja saman í færri eindir; so hálv­ hjartað, at veljararnir lukt­ aðu tað og gjørdu bart á fólka­atkvøðuni herfyri.. Landið flýggjar Kommunurnar hava áð­ur sagt seg sinnaðar til yvir­ tøkur, men tær eru sera skept­iskar um tær treytir, sum higartil hava verið bod­nar teimum, tí tær hava snøgt sagt verið ræðandi. Stevnan hjá løgtingi og landsstýri er at grýta alt eldra­økið við ellis- og røktar­heimum, bygningum sum rakstri, og alla heima­ hjálpartænastu í føvningin á kommununum. Hetta er sera dýrt øki, sum krevur nógva fígging. Hvaðani fer hon at koma? Svarið er einfalt, at kemur hon ikki úr landskassanum, so má hon koma úr komm­ unu­kassunum, og skula komm­unukassarnir verða førir fyri at gjalda kostnaðin, so má kommunuskatturin upp. Skula kommunurnar gjalda, so mugu tær eisini ráða fyri tænastustiginum. Tá verður neyvan nøkur trygd fyri, at allir borgarar í land­inum fáa somu sømdir, tí umstøðurnar og harvið førleikin hjá kommununum er og verður ymiskur. Tað verður sagt, at komm­ unurnar skula hava eldraøkið, tí tær eru nærri borgarunum. Nærri enn hvør? Ongin vendir spurninginum og spyr, um løgting og landsstýri ikki eru líka nær borgarunum sum kommunurnar. Vit eru øll í sama landi, og higartil hevur tað ikki verið ov stórt. Tí ljóðar oft­ari og oftari, at hetta áhald­andi útleggingarprátið í veru­ leikanum er ein flýggjan und­an ábyrgdini fyri eldra­ økinum. Takið í nakkan Landið hevur allar dagar átt tað við húð og hár, men hevur ikki megnað sína upp­gávu. So hvørt sum trýst­ið øktist, vildu fólk hava nakað at henda, og tá landið egndi við ávísari upp­hædd fyri hvørt ellis- og røktar­heims­pláss, sum kommunurnar út­veg­ aðu, bitu nakrar kommunur á agnið. Men hetta er hvørki fugl­ ur ella fiskur enn, og tey neyðugu framstigini detta niðurímillum, tí landið tekur sær ikki av politikkinum, sum tað eigur. Heldur enn at ganga alskyns sniðgøtur fyri at sleppa undan ábyrgdini á eldraøkinum átti landsstýrið við fyrimynd í niðurstøðuni um skúlarnar at tikið í nakk­ an á sær sjálvum og farið at umsita og røkja eldraøkið so­leiðis sum tað sømir seg einum framkomnum væl­ ferðar­sam­felag. Vit hava minst av øllum brúk fyri einum syndraðum almanna- og eldraøki, men brúk fyri eini dyggari um­ siting og einum politikki, sum fyri rímiligan kostnað veitir øllum somu sømdir. Tórshavnar kommuna – skal vera pappírsleys! Levi Mørk býráðslimur Tórshavnar kommuna skal vera pappírsleys, og vit skulu hava eina talgilda skipan! Málið um ein talgilda skip­an skal fyri til komandi bý­ráðsfund, sum verður 28. juni. Sum er brúkar Tórshavnar kommuna fleiri milliónir av pappíri um árið, og um kommunan gerst meira tal­ gild, slepst undan hesum – og harvið eru vit eisini meira umhvørvisvinarlig sum komm­una. T er tann digitali ella tal­ gilti tíðaraldurin. Og vit mugu spyrja: eru Føroyar eitt T-land, sum er fyrireikað til KT-tíðaraldurin! Svarið er nei! Hetta mugu vit fáa skil uppá og ikki altíð vera eftirbátar á KT - økinum og í nútíðini. Í londunum runda um okk­um hava politikarar og em­bætisfólk sett sær sjálvum henda spurning. Vit eru annars næstan øll somul brúkarar av alnetinum í dag og av KT yvirhøvur. Londini rundan um okk­ um eru tey farin víðari til tað, sum tey kalla tann »tal­ gilta tíðaraldurin«, og kunnu hesi lond longu nú kalla seg D ella T-lond innan kunn­ ingar­tøkni. Tey hava longu orðað ein politikk, har hugtøk um uppi­havsrætt, API og onnur KT-hugtøk eru partur av lógar­verkinum. Somuleiðis eru lógar­tekst­ urin innan fleiri øki broyttur samsvarandi KT tíðini og tørvinum hjá tí einstaka og samfelagnum. Eitt nú hevur Danmark sett sær fyri at skapa stóra menning í T-tíðini innan KT. Vinnulív, kommunur, brúk­arar, politikarar, uni­ versi­tetini og embætisfólk eru í felag um hetta átak fyri at menna Danmark og fyri at útvega nýggjar vinnu­ møguleikar. Hugsað verð­ur um at bøta um kapp­ing­ar­ førið og at hækka tæn­astu­ støðið. Kommunernes Lands- for­ening, (KL), hevur gjørt stórar ætlanir um, at danskar kommunur skulu vera tal­ gildar og har lyklaorðini hjá KL, eru m.a. at fyrst skulu kommunur hava orða ein politikk og at øll starvsfólk og borgarar skulu vera við. Tíverri hava politikarar her á landi ikki í nóg stóran mun eygað á KT- økinum og allar teir stóru møguleikar, sum har eru. Serliga fyri eitt land sum Føroyar, ið bert hevur eina høvðusvinnu, hevur tað stóran týdning, at ein meira víðsýndur KT-politikkur verð­ur settur út í kortið. Her meti eg, at vit Tórs­ havnar kommuna, fær eina skjótari tænastu, skipan og eina umhvørvisliga tænastu og um vit fara yvir til eina talgilda (digitala kommunu). Tórshavnar kommuna hevur ymiskar talgildar skip­ anir, t. d. inni á heimasíðuni. Men vit hava ongan orðan politikk á økinum. Eg havi tí sett meg í sam­ band við umsitingina hjá Tórshavnar kommunu, fyri at fáa tey at orða ein politikk, sum skal lýsa hvat vit vilja og kunnu gera fyri at fáa eina pappírsleysa kommunu og ein talgilda skipan, sum røkkur til øll hjá Tórshavnar kommunu. Málið skal fyri til komandi býráðsfund, sum verður 28. juni. »KL og 22 kommuner har undersøgt, hvordan kom­ muner kan blive mere digitalt modne« les meira. http://www.kl.dk/ ImageVault/Images/ id_55065/scope_0/ ImageVaultHandler.aspx www.levimork.com