fríggjadagur 22. juni 2012síða 62

Tað er eingin ivi um, at Divaz í dag teljast ímillum best umtóktu bólkarnir í Føroyum. Tær tríggjar, Anna Maria Olsen, Malan Eyðunsdóttir og Laila Carlsen hava við vælsvingandi sangi, karisma og einastandandi góðum røddum sungið seg inn í elituna innan tónleik í Føroyum. Allar tríggjar er vælkendar innan føroyska tónleikaheimin. Vit kenna tær frá fleiri tónlistarligum samanhangum, og tær hava allar verið viðurkendar songkvinnur seinastu mongu árini. Eingin ivi er um, at røddirnar hjá Onnu Mariu, Maluni og Lailu hóska ógvuliga væl saman, og saman við teirra dugnaligu tónleikarum gongur alt upp í eina hægri eind. Úr hvør sínum tónleikauniversi hittast tær tónlistarliga í hesum høpi, og skapa eitt heilt serligt ljóð, sum ikki er hoyrt her á landið áður. Teirra tónlistarligi stílur er ein blanding av nýggjum og gomlum. Ein samanrenning av fangandi poppløgum, vøkrum R&B balladum, pumpandi Rock N’ Roll og frekur Soul og Diva. Malan Eyðunsdóttir, Anna Maria Olsen og Laila Carlsen hava ógvuliga dugnaligar tónleikarar aftrat sær, sum allir eru kendir innan føroyska tónleikaheimin. Talan er um trummuleikaran Henning Nicodemussen, ið vit millum annað kenna frá Kjølum, All That Rain, Jens Marna Band, Brandur Enni, Rox og fleiri øðrum bólkum. Gittarleikarin er Jóhan Ziskason, sum er best kendur frá bólkinum Mark No Limits, men sum eisini hevur framført við ymsum øðrum bólkum seinastu árini. Bjarki Meitil er bassistur við drúgvum rondum. Hann hevur verið hinumegin Atlantshavið og nomið sær útbúgving, og er ein bassleikari við kanti, dirvi og tónlistarligari orku. Bjarni Lisberg er ein ungur harri við heilt serligum gávum. Hann er eitt nýtt navn í føroyskum tónleikahøpi, og sambært kvinnunum í Divaz, so telist hann millum teir allar bestu ljómborðsleikararnar í landinum. Tað er eingin ivi um, at hesar kvinnurnar kunnu gera ein hvønn sang til sín egna, og tað fara tær eisini at prógva saman við sínum bólki, tá ið tónleikatiltakið Voxbotn er á skránni leygarkvøldið. • DIVAZ forføra Voxbotn Á stórapalli kl. 19.30 Dómadagsmálmur frá Hamferð Ikki eru trý ár farin um bak síðan Hamferð av álvara byrjaði at gera um seg á føroyska og altjóða tónleikapallinum. Og hóast ferðin hevur verið drúgv, hevur tað gingið metskjótt hjá teimum at gera sítt navn galdandi í Føroyum. Í 2010 vóru teir kosnir ársins nýggi bólkur einki minni enn tvær ferðir, og góvu tá framførslur um alt landið. Við samanrenningini av eksplosivum dómadagsmálmi og serkendum føroyskum sorgblídni talar tónleikurin til ein fjølbroyttan lurtaraskara, og tónleikurin hevur vunnið fjepparar í mongum av heimsins hornum. Í stuðul av teirra útgávu, "Vilst er síðsta fet", hevur Hamferð í 2011 ferðast víða um, millum annað norður til Íslands og smáir tíggju túsund kilometrar runt í Evropa saman við so víðagitnum bólkum sum Týr, Skálmold(IS), Crimfall(FI) og Moonsorrow(FI). 2012 hevur ikki verið minni spennandi fyri bólkin. Hamferð bleiv fyrr í ár kosin til at umboða Føroyar í altjóða tónleikakappingini Wacken Metal Battle. Hetta inniber eina konsert á Wacken Open Air 2012, sum óivað er heimsins størsti tungmálmsfestivalur. Restin av árinum ber við sær stórar hendingar fyri Hamferð og áhugaði. Nýggja útgávan verður smíðað, og nakrar fáar eksklusivar framførslur fylgja undan henni. Harímillum nú leygarkvøldið niðri í Vágsbotni. • Á stórapalli kl. 21.00 Trubadururin Eyðun Nolsøe verður partur av tónleikaligu manningini leygarkvøldið. Eyðun Nolsøe telist uttan iva millum teir allar bestu tónasmiðirnar í Føroyum. Við einari ørgrynnu av hittum aftanfyri seg trínur Eyðun Nolsøe á lítla pallini í Voxbotni. Vit kenna best Eyðun Nolsøe frá Frændum, sum í næstan 30 ár hevur ríkað føroyingar við sínum fangandi, tjóðskaparligu og inniligu løgum. Løg sum 80’ini, Dupult Song, Eros, Mítt Land, Føroyar og fleiri onnur Frændur løg eru at meta sum tey bestu í Føroya søgu. Umframt Frændur hevur Eyðun Nolsøe eisini givið út tvær solo fløgur, sum eisini hava prógvað hansara virði sum tónasmiður. • Eyðun Nolsøe eisini á pallin 6 | VOXBOTN 2012 | LEYGARDAGIN 30. JUNI 2012 KL. 15-03 18-25