mánadagur 25. juni 2012síða 24

Mánadagur 25. juni 2012 · Nr. 72 24 Sosialurin Hugskot og viðmerkingar – send sms til 225000 Kjak Saman við Føroya fólki fegnast Javn­aðar­flokk­ urin í dag um nýggja sjúk­ lingahotellið í Venøgade í Keypmannahavn, og ynskir bæði brúkarum og starvsfólkum alla eydnu í nýggja og heim­ liga umhvørvinum. At fáa til vega hósk­ andi karmar fyri hesar, okkara mest útsettu borg­arar, hevur fyri Javn­ aðarflokkin verið eitt av mongum átrokandi vælferðarmálum, sum nú loksins er rokkið. Upprunaliga var tað Javnaðarflokkurin, sum setti nýtt sjúklingahotell á dagsskrá, og saman við øðrum flokkum, hava vit nú borið hotellið fram á mál. Tí er dagurin í dag ein fagnaðardagur, har nið­urslitna og ótíðar­ hóskandi sjúklinga­ hotel­lið Tórshavn í Taas­ingegade flytur yvir í spildurnýggja og rúm­ liga bygningin í fimm hæddum - bygdur til enda­málið. Tað var Hans Pauli Strøm, táverandi lands­ stýris­maður í heilsu­ mál­um, sum tók fyrsta stig­ið og setti eina nevnd at greina tørvin og møguleikarnar. Hetta arbeiðið helt ótarn­ að fram undir Aks­el V. Johanne­sen, og nýggja sjúklinga­hotellið í Keyp­ manna­havn, um­framt fígg­ingin hertil, varð endi­l­iga fingin til vega, tá John Johanne­sen var lands­stýris­maður á øki­ num. Tað skerst ikki burtur, at álvarslig sjúka elvir til svára kreppu, bæði hjá tí einstaka og familjuni. At vit viðhvørt noyðast at leita okkum langt burtur heiman í sjúkraørindum, kann kennast tyngjandi í neyðini. Tí er tað av al­ stórum týdningi at før­ oyska heilsutænastan á økinum er á einum so høgum, tryggum og heimligum støði, sum til ber. Hjartaliga tillukku og alla eydnu í framtíðini ynskja vit øllum brúk­ arum, starvsfólki og øðr­um, sum vara av sjúk­lingahotellinum í Keyp­mannahavn. Javnaðar­flokk­ urin fegnast um nýggja sjúk­ linga­hotellið Javnaðarflokkurin Heðin Mortensen hóttir journalist í Kringvarpinum Liljan Weihe Tíðindaleiðari Kringvarp Føroya “Tú skalt ikki spæla við meg, tað kann eg lova tær fyri. Tað kann eg siga tær. Um fáar minuttir, so kann eg lova tær fyri, at tú fært tína sak fyri!” Orðini eigur Heðin Mortensen, borgarstjóri í Tórshavnar kommunu, og tey fullu fríggjamorgunin 22. juni 2012. Borgarstjórin rør upp­und­ ir, at hetta er eitt mál millum Kringvarpið og Tórshavnar kommunu. Men tað er tað ikki. Kringvarpið er ikki, og verður ongantíð, partur av byggimálsviðgerðini í Tórs­ havnar kommunu. Upp­gávan hjá frælsu miðlunum er at lýsa og greina mál, ið hava almennan áhuga og týdning fyri borgarar í samfelagnum. Hetta er ikki bert rætturin hjá frælsu pressuni, men okkara skylda – hóast hetta ikki hóvar Heðini Mortensen. Søgan í stuttum Í januar mánaði í ár avgera vit at gera eina sjónvarpssending um vantandi atlitini til bruna­trygdina í byggi­máls­ viðgerðini hjá Tórshavnar kommunu. Vit hava fingið at vita, at brunatrygdin ikki var í lagi í húsinum á Ravns­oyar­ gøtu 3, har tríggir dreingir lótu lív í einum eldsbruna í 2006. Vit savna inn tilfar um hetta húsið og fleiri onnur hús í kommununi. Tilfarið fáa vit í stóran mun frá Tórshavnar kommunu, sum hevur alla byggimálsviðgerð undir sær, og harvið eisini eftirlit við brunatrygdini í sethúsunum í kommununi. Síðani 1. mars í ár hava vit fleiri ferðir vent okkum til Tórshavnar kommunu fyri at fáa eina viðmerking um málið. Men kommunan hevur higartil noktað at gera viðmerkingar og setir órímilig krøv til okkum. Komm­unan setti mill­um ann­að hesar treytir fyri lut­ tøku í sendingini: Komm­ unan vildi bert luttaka, um tað var í beinleiðis sending, kommunan vildi hava nøvn­ ini á øllum keldunum, ið luttóku í sendingini, komm­ unan skuldi góðkenna allar spurn­ingar og vildi bert svara gene­rellum spurn­ingum um byggi­máls­viðgerðina í komm­ununi, men vildi ikki við­merkja kon­kretu málini í send­ingini. Kringvarp Føroya er ein frælsur miðil, og vit hvørki kunnu ella vilja ganga slík­ um krøvum á møti. Vit vilja harafturímóti til eina og hvørja tíð tilskila okkum rættin at kunna Føroya fólk um mál, ið hava almennan áhuga – og í hesum føri eisini týdning fyri fólkatrygdina hjá borgarum í Tórshavnar kommunu. Miðlastrategiin hjá Heðini Heðin Mortensen hevur í mánaðir borið seg undan at luttaka í Degi og Viku – bæði í bandaðum samrøðum og beinleiðis sum gestur í sjónvarpsstovuni. Hetta forð­ar tó ikki Heðini Mort­en­ sen í at skriva fleiri les­ ara­brøv, ið geva før­oy­ ingum ta fatan, at tað eru vit, journalistarnir í Sjónvarpinum, sum forða honum í at koma til orð­anna. Kringvarpið hev­ur síð­ani 1. mars í ár roynt at fing­ið eina viðmerking frá Tórshavnar kommunu um byggimálsvið­ g­erðina í komm­ununi. Hetta hevur ikki eydn­ast. Kring­ varpið hevur dokumenterað, at borg­ar­stjórin hevur sagt ósatt í einum brævi til Til­ búgv­ingar­stovn Føroya, men heldur ikki hetta vil Heðin Mortensen gera við­merk­ ingar til. Og tá Kringvarpið síð­ani vendir sær til hinar bý­ráðs­limirnar fyri at fáa eina við­merking, kemur tað fram, at borgar­stjórin hevur mælt teimum frá at svara spurningum frá okkum, tí annars verða hesir “partar av málinum”. Veruleikin er, at Heðin Mort­ensen ikki stillar upp til samrøður, har kritiskir spurningar verða settir. Tað er týðuligt, at miðlastrategiin hjá Tórshavnar Kommunu er at velja fjølmiðlar, sum ikki seta spurningar, - t.v.s. lesarabrævsteigar í bløðum og portalar, sum ókritiskt end­urgeva sjónarmiðini hjá Heðini Mortensen og um­ siting hansara. Tá borgarstjórin stillar upp til samrøðu í Degi og Viku fríggjamorgunin 22. juni 2012, endar samrøðan við, at Heðin Mortensen hóttir journalistin við, at fær hann ikki redigeringsrættin yvir tilfarinum, “so kann eg lova tær fyri, at tú fært tína sak fyri!”. Nú er borgarstjórin, Heðin Mortensen, farin út um mark. Kringvarpið letur seg ikki hótta – og slett ikki av einum av valdmiklastu monnunum í Føroyum, borgarstjóranum í Havn. Vit fara framvegis at taka mál upp, sum ikki hóva makthavarum í Føroyum. Eisini mál um brunatrygd, ella mangul upp á sama, í Tórs­havnar kommunu. Málið um “Brandfellurnar” og byggimálsviðgerðina í Tórshavnar kommunu hevur nú elvt til, at borgarstjórin hevur hótt ein journalist í Kringvarpi Føroya, tá hesin sýtti fyri at lova borgarstjóranum at klippa ávís brot burtur úr eini samrøðu