mánadagur 2. juli 2012síða 18

Mánadagur 2. juli 2012 · Nr. 75 18 Sosialurin Hugskot og viðmerkingar – send sms til 225000 Ítróttarblaðið Vánalig føroysk Europa Cup styrkismeting Heri Simonsen B36, EB/Streymur, Víkingur og NSÍ tørna øll til í teimum europeisku kappingunum hesa vikuna. Í morgin klokkan 16.30 tekur Víkingur ímóti hvítarussiska liðnum, FC Gomel á ovara vølli í Gundadali í Havn. Tað er meir enn møtimikið at sleppa inn til Hvítarusslands, og hjá hvítarussarum at fáa visum til Føroya er líka møtimikið. Hvíta­russland hevur ikki nakra sendistovu í nøkrum norður­lendsk­ um landi, og norðurlond hava ikki nakra sendistovu í Hvítarusslandi. Tískil mugu øll passini hjá Vík­ inga-spælarum og leiðarum til hvítarussisku sendistovuna í Talinn í Estlandi. Haraftrat mugu allir Víkingaspælarar hava eina inn­bjóðing, fyri at sleppa til Hvíta­ russlands, og allur hópurin hjá FC Gomel má somuleiðis hava eina inn­bjóðing fyri at sleppa til Føroya. Vit mugu kortini vóna, at Víkinga- spælararnir hava fokus á røttum staði. Tað sama er galdandi fyri B36 sum spælir á Windsor Park týskvøldið klokkan 19.45. Sama er galdandi fyri NSÍ sum spælir ímóti FC Differdange 03 á útivølli í Luksemburg hóskvøldið, og hetta telur eisini fyri EB/Streym, sum fær armenska vitjan á ovara vølli í Gundadali hóskvøldið klokkan 19. Tí tann føroyski Europa Cup rokn­ skapurin hevur veruliga skríggjandi brúk fyri sigrum og stigum. Liggja triðniðast Styrkismetingar-roknskapurin hjá UEFA fyri Champions League og Europa League plaserar føroyskan felagsfótbólt, sum nummar 51 av 53 UEFA limalondum. Bert Andorra og San Marino eru verri enn vit á UEFA listanum. Okkara umboð í teimum europeisku kappingunum hava samanlagt savnað 1.416 stig tey seinastu fimm kappingarárini. Armensku felagsliðini eru nummar 50 á listanum við 2.208 stigum, og eiga EB/Streyms-spælararnir eisini at hava hetta í huga, tá teir fara á vøllin hóskvøldið. Luksemburg er nummar 49 á listanum við 2.333 stigum, og hetta gera NSÍ- spælararnir rætt at hava í menti. Norðurírland er nummar 48 á listanum við 2.583 stigum, og tað eiga B36-spælararnir at leggja sær í geyma. Víkingur hevur fingið tað klárt ringasta lutakastið, tí Hvítarussland liggur sum nummar 23 á listanum við 18.208 stigum fyri tey seinastu fimm kappingarárini. Hvítarussland liggur enntá framman fyri Svøríki á listanum. Ongland og Spania liggja ovast á listanum við yvir 84.000 stigum. Tí er at vóna, at eydnan verður før­ oysku liðunum blíð, tí fáa vit ikki sigrar og víðari luttøkur til høldar, so verður tað ógvuliga seinur dagur, at vit uppliva, at føroysk felagslið verða betri styrkismett til europeiskar kappingar í fyrsta undanumfari í Europa League og Champions League. Ísland er 10 pláss betri Mangan verða føroysk felagslið samanborin við íslendsk felagslið, og tað er veruliga ein styrkismunur millum londini. Íslendsku felags­ lið­ini eru 10 pláss betri enn tey før­oysku felagsliðini. Á einum 41. plássi hava tey íslendsku felags­liðini vunnið 5.332 stig, og tað gevur íslendsku liðnum ein góðan møguleika at møtta veikari mótstøðuliðum í teimum fyrstu undanumførunum. Kasakstan, sum vit møta í HM-undankappingini komandi ár, bæði á útivølli og á heimavølli liggur sum nummar 40 við 5.333 stigum. Danmark er er væl fyri á listanum. Donsku felagsliðini hava útvegað donskum fót­bólti 27.525 stig seinastu fimm kapp­ ingarárini, og gevur tað Danmark eitt 13. pláss á listanum hjá UEFA. Rímiligt ár í fjør Í fjør høvdu tey føroysku felagsliðini eitt rímiligt ár við fýra javnleikum, men bæði hjá HB, EB/ Streymi, NSÍ og ÌF gjørdist talan um samlaði tap. Hjá EB/Streymi varð tað enntá so óheppið, at liðið tapti uppá eitt útivallarmál. Føroysku liðini eru mitt í sínari kapping, og tá ein spælir ímóti liðnum, sum liggja eitt til trý pláss omanfyri okkum, so er týdningarmikið, at vit fyri fyrstu ferð síðani 2006 síggja, at eitt føroyskt lið vinnur seg víðari til næsta umfar. Tað er ikki hent síðani B36 vann ein samlaðan 5-2 sigur á maltesisku Birkirkara í 2006. Tíðin er búgvin, at “UEFA Rankings” nú gerst ein meiri hugaligur lesnaður hjá fótbóltshugaðum føroyingum. Vónandi er byrðurin blíður hjá teimum føroysku umboðunum á hesum sinni. Føroyskur felagsfótbóltur er triðaftast í Europa. Tað eru bert felagsliðini í Andorra og San Marino, sum eru verri enn Føroyar í roknskapinum fyri tey seinastu fimm kappingarárini.