mánadagur 2. juli 2012síða 20

Mánadagur 2. juli 2012 · Nr. 75 20 Sosialurin Hugskot og viðmerkingar – send sms til 225000 Ítróttarblaðið Víkingur vitjan úr Hvítarusslandi Pætur Albinus Hetta er aðru ferð síðani 2007, at FC Gomel skal royna seg í evropeiskari kapping. Teir fluttu niður í næstbestu deildina í 2010, men longu fyrsta árið aftur í bestu deildini vunnu teir bronsu og harvið luttøku í Europa League. Teir hittu turkiska Bursaspor, og taptu teir dystin samanlagt 2-5. Kappingin í Hvítarusslandi er eins og tann føroyska komin í helvt, og liggur FC Gomel í løtuni á einum triðja plássi. Teir hava tó tveir dystir til góðar í mun til oddaliðið, sum er BATE Borisov, og vinna teir báðar teir manglandi dystirnar, leggja teir seg undir liðina á oddaliðnum. Ein landsliðsleikari Lyklaleikarin hjá FC Gomel er helst Vyacheslav Hleb, sum teir júst hava ognað sær úr týska felagnum FSV Frankfurt. Hann er einasti núverandi hvítarussiski landsliðsleikari teirra, og har hevur hann gjørt um seg við at hava skotið heili 12 mál. Hann er áleypari, men verður stundum eisini nýttur á vonginum. Annars hava hópin av leikarum á liðnum roynt seg á annaðhvørt U21- ella OL-landsliðnum hjá Hvítarusslandi, og burdi tað vitnað um eitt gott støði. Í eini roynd at styrkja liðið í summarsteðginum skrivaði FC Gomel í farnu viku undir sáttmála við 20 ára gamla verjuleikaran úr Kolumbia, Ezequiel Palomeque. Stinnir á útivølli Tað, sum Víkingur kanska serliga skal ansa eftir, er, at FC Gomel vísir ræðandi styrki á útivølli. Í ár hava teir vunnið heili seks út av sjey dystum á útivølli. Hetta er nýliga íkomið hjá teimum, tí fyrra árið vóru teir greitt veikasta útiliðið í deildini og vunnu bara tveir út av 16 útidystum. Tað broytir neyvan upp á útgangsstøði hjá hvítarussiska liðnum til dystin á Tórsvølli týskvøldið, tí gerst tað neyðugt, so bíða teir helst fegnir til returdystin á heimavølli við at møguliga avgera dystin. Skipanin er óhugnalig Í mun til hini liðini í ovaru helvtini í hvítarussisku deildini hevur FC Gomel ikki skotið serliga nógv mál, men tykist tað vera púra greitt, at skipanin og verjuparturin er teirra styrki - ræðandi styrki. Teir hava nevniliga bara fingið fimm mál ímóti sær í 14 dystum. Tað verður tískil ein risa stór avbjóðing hjá Víkingi at fáa hol á verjuna hjá hvítarussunum, men vísa teir sama dirvi sum ímóti turkiska Besiktas fyri tveimum árum síðani, so kunnu Kaj Leo í Bartalsstovu og hinir úr Gøtu bíta frá sær. Tað er nevniliga lítið at ivast í, at skal Víkingur gera sær nakra vón um at spæla seg víðari, so krevst eitt gott útgangsstøði í hesum fyrsta dystinum, sum altso verður spældur á Tórsvølli týsdagin kl.16.30. albinus@sosialurin.fo Víkingur, sum er ósigrað í seks dystum í Effodeildini á rað, fær týsdagin vitjan av FC Gomel úr Hvítarusslandi í Europa League. Liðið er nýliga komið aftur í bestu deildina, men vunnu teir í fjør bronsu og eru í røðini við teimum liðunum í eysturevropa, sum hóva illa føroysku liðunum Liver­pool Argir vann fjeppara­ kapp­ ingina Leygardagin varð skipað fyri fótbóltskapping millum fjeppara­feløg á Eysturvølli í Havn, har 12 lið luttóku Føroysku fjeppararnir hjá teimum stóru fótbóltsf­ eløgunum uttan í heimi sluppu leygardagin at royna síni kynstur, tá ið tey brustu saman í einari fjepparakapping á Eysturvølli í Havn. 12 lið luttóku í kappingini, og í finaluni hittust Liverpool Argir og FC Barcelona. Av tí at tað stóð á jøvnum tá ið vanliga leiktíðin var farin, gjørdist neyðugt við brotssparkskapping. Her vann Liverpool argir 7-6, og kundu teir tískil kalla seg vinnarar av Okkara Fjepparakapping 2012, sum kappingin æt. Sum besti leikarin í kappingini varð Niels Johansen frá vinnarunum valdur, meðan Thomas Hans Rubeksen frá tapandi finalistunum fekk heiðurin sum besti málskjúttin í kappingini. albinus@sosialurin.fo